Efesos 1:8 - Saaho Cusub Cahde

⁸ Ta nicma lel umbuka kas kee irhgah ni bukalle yeymengeh yane.

Efesos 1:8 Iomraidhean Croise

Maatiyos 11:19

Xiyawti Barhi beetak kee aacubuk yemeete, usun lel: ‘Kaa ubula! Beeteena, sakraan, miiri yaskattit kee zambi-wannunhi carke’ yarhxin. Xikma laakin ishi ciyyoh titxiqqiqhe.”

Rooma 11:33

Yallih gadda, kas kee irhga mangum adda fidina! Kaa firdi miyammirmire, kaa arux lel miyanqeese!

Rooma 5:15

Nicmat muttuxuwa kee umaani inketta maki. Inki xiyawtih umaanih mango xiyaw rabeenimko, Yallih nicma kee amaa inki xiyawto, Yeesus Masiix, nicmah temeete muttuxuwa, mango maralle ayidhdha temmengeh tane.

1 Korintos 2:7

Nanu waanishnam, tamaa dherh waqhtih basolle Yalli ni nabneh yisqirribe yine mashthir kee sucuteh yine Yallih kas kinni.

Efesos 1:11

Nanu tamaa yookomeh Masiixidde cag abite marak, kaa nabneh kaa faylishak marno ciloh, ummanim ishi macal balih, ishi farhih fawo balih abati, worosa nakko yookomeh ni dooreh yane.

Efesos 1:7

Kayyadde kaa biilohi araxah muuca, tamaa kaa nicmahi gadda balih lel ni zambehi xabbot geyneh nane.

Efesos 1:9

Ishi mece farhi balih lel Masiix araxah abaysheh sugem, ishi farhih mashthir ni yiyshidhdhige.

Efesos 3:10

Amayim lel tamaa mango xibar le Yallih xikma, kaniisat araxah tamaa carshi makaanonulle tane reezon kee mas-uuliin yayshadhdhago ciloh kinni.

Kolossay 2:3

Umbuka xikmah cukrar kee irhga adde sucutteh tanem lel kayya kinni.

Yahuuda 1:25

ni Maddara kin Yeesus Masiix araxah ni gargeera inkettak yane Yallah waqhti erherhekkahko, kado kee umman gedih nabne, maso, xayla kee reeza takkoo. Amin.

Waxye 5:12

Wac-yerhxinyaako lel tahe arhxuk yinin: “Amaa yumruxxude Leemah, reeza, gadda, kas, xayla, xishma, nabne kee fayla kabbaatam akah eedda!”