Cibraan 6:2 - Saaho Cusub Cahde

² Aythammaq, gabub xiyaalle hayaanam, rabaako uguttem kee umman geedit firdehi darseeko akko tillabno nolle tane.

Cibraan 6:2 Iomraidhean Croise

Maatiyos 28:19

Amaydo, aduwantaaki, umbuka ummat, Abba, Barha kee Quddus kin Ufayih migacalle ten tiythimmiqhiinih, inkoh anu sin eemereh aniyom aboona ten uydurusantaaki katattaynit akko aba. Taykinna, anu lel ta waqhti abayshima fanah umman max sinlih aniyo” akko yerhxe.

Maatiyos 3:14

Yohannis laakin: “Anu kottah anthimmiqhem yi farhshishshankah, atu yottalle tamiite?” yerhxeh kaa deese.

Markos 16:16

Aamininnan tiya kee anthimmiqhinnantiya lel gargeerimoona kinon, aamininnixeti laakin yanqatstsaco kinni.

Markos 7:4

Cadaagaako yamiitin gedda yodhdhooliinih akke wayemko beetak miyiniini. Aki ginah lel kobaabi, barraad, dishtit kee dhintimat nuwaahi cakalso balih kin aki dhawrhan mango cayda luuk yinin.)

Markos 7:8

Yallih amre xabtaanah xiyaw cayda dhawudhdhan” akko yerhxe.

Luukas 11:38

Bettok basolle adhdhoole wayem kaa yuble gedda lel amaa Faarisiiti cibrah rabe.

Luukas 12:50

Anthimmiqhe thimqet liyo, aykee abayshimandah lel ufaye mangum yolle yaxeewe.

Luukas 14:14

Usun koh yafdawna mirhiicaanamhi sabbatah lel baraka-letiya takko kito. Xaqqi-wannunhi rabaako hi ugutulle lel koh tamfaddaw kinni”.

Luukas 3:16

Yohannis lel: “Anu layeh sin aythimmiqhe, laakin yottaako ziyaada xayla leti amiituk yane. Anu lel kaa kabelhi ragad akko aftaxo meeda. Usuk lel Quddus kin Ufaye kee girah sin yaythammaqho kinni.

Yohannis 1:33

Anu inneh kaa maarhagiyo, layeh aythammaqho yi fareti laakin: ‘Tamaa Ufayi oobeyaako akko aseh tableti, tatiya kinni amaa Quddus kin Ufayeh yaythimmiqheti’ yok yerhxe.

Fartottit hi Abittot 10:47

“Ta mari notta balih Quddus kin Ufaye kabbaateenik sarrah layeh yanthammaqhoona ten deeso dhiicati miyatto kinni?” yerhxe.

Fartottit hi Abittot 13:3

Sarrah yosoomiinih dhaaco abeenik sarrah sinni gabub alle hayeenih ten dhirhiyen.

Fartottit hi Abittot 16:15

Tee kee tee xawaz inkoh yinthimmiqhiinik sarrah: “Maddarah eemenemih yi kabbatteenih tekkiinimko, temeetiinih yi caredde oroba” terhxeh ni dhaacimte. Ni gantah tishshimine.

Fartottit hi Abittot 16:33

Amaa baradde ten beyeyaako ten biyok akah yitsfifeh, inki geddalle yinthimmiqhe, inkoh ishe kee ishi xawazah.

Fartottit hi Abittot 17:18

Ebikuureyos kee Istoyikos kin falaasifaako gari gantah kaalih ankeexeduk yinin. Gari lel: “Ta madareeni ayim kinni yarhxo farhak yanem?” arhxuk yinin. Usuk Yeesus kee rabaakohi ugut warroyshak yinemhi sabbatah, wuli mari lel: “Wuli godobot yallahi warroysheenah higgida” arhxuk yinin.

Fartottit hi Abittot 2:38

Bithroos: “Otooba, sin zambi sinah xabbiimo ciloh lel inkoh umman tiyak Yeesus Masiix migacalle inthimmiqha, Quddus kin Ufayehi muttuxuwa lel kabbattoona kitin.

Fartottit hi Abittot 2:41

Amaymih tamaa kaa farto kabbaate mari yinthimmiqhin, adooxa shiix xiyawtiya takkem lel amaa lellecidde adde ositen.

Fartottit hi Abittot 23:6

Bawlos lel, gari Tsadduuqhiim, gari lel Faarisiin kinoonim yeerhege gedda, amaa arabadde wac-yerhxeyaako: “Saculo, anu Faarisiita, Faarisiin barha kiyo. Rabaakohi ugut yanemhi cag liyomhi sabbatah kinni lel xukmelle emeeteh anem” yerhxe.

Fartottit hi Abittot 24:15

Ta xiyaw gantah sinneh cag akah looniikah, anu gantah xaqqi-wannun kee xaqqi-wannun akkinnixem rabaako ugutoona kinoonimih Yalladde cag liyo.

Fartottit hi Abittot 24:21

Ten fanadde daw-erhxeyaako, wac-erhxeh: ‘Anu kaafa rabaakohi ugut hi zacabah ku nifille amxukkumiyuk ane’ erhxemko bextih walaa inkim yodde migeyinnooni.”

Fartottit hi Abittot 24:25

Xaqqe kee sinni nabse yabbirhiinim, amaye balih yamiite firdehi zacabah waanishe gedda lel, Feeliksi mashshiiteyaako: “Caashir geyinnan gedda kodde farriimo kiyok, kado aduu” akko yerhxe.

Fartottit hi Abittot 26:8

Yalli rabe mara ugusam aymih kinni cibra sinalle akkuk tanem?

Fartottit hi Abittot 4:2

Amaa xiyaw aydurusuk rabtemhi ugut Yeesusudde yanem warroysheenimhi sabbatah lel mangum kurrayen.

Fartottit hi Abittot 6:6

Ta xiyaw amaa dhaaco abak yine fartottitti nifille daw ten ishen, usun lel sinni gabub alle hayen.

Rooma 2:16

Anu warroyshe mece wari akah yarhxeekah, Yalli Masiix kin Yeesus araxah xiyaw sirrit adde yafride maxadde, tayim takko kinni.

1 Korintos 10:2

inkoh Moosaalih tiya yakkoona ciloh lel darur kee badadde yinthimmiqhin;

1 Korintos 12:13

Nanu Yahuud hido Giriik xiyaw, garuuza hido ishi finja le mara, inkoh inki nabsedde ninthimmiqhe, inkoh lel inki Ufaye naacubeya kabbatne.

2 Korintos 5:10

Nabseelih aninuk abne mecaani yakko umaanih, ummanti ishi casbe kabbaato ciloh, firdi kurse Masiixiyahi nifille namaato nolle tane.

Filibbi 3:21

Usuk ummannim yaazazo kaa dhicshiisha xaylah abeh, ta gaxtotta kin ni nabse yiybiddileyaako, nabne le ishi nabseh yaymangado kinni.

Kolossay 2:12

Anthammaqhah kaalih tumuccugin, xaylah rabaako kaa uguse Yallahi ciyyoh teemeniinih atin gantah kaalih ugutten.

2 Timoteyos 2:18

Usun rummaako yicrhiyiinih: “Rabaakohi ugut mece geddaakoh yekkeh yane” arhxuk, xiyawko garohi imaan wahanak yanin.

Cibraan 11:35

Saymari rabaako ugute sinni mara geyen. Gari laakin rabaako ugutak tashshe aniina geyoona ciloh, finja geyoona xineenih cazaab yublin.

Cibraan 9:10

Tayim laakin tamaa ambaddalti waqhti yamiitem fanah aban macaba kee betto, barhsimte cakalso kee nabsi dhinto tablem bisa kinni.

2 Bithroos 3:7

Laakin tamaa kado yane caran kee baarho firdi lellec kee tamaa Yallih mashshi hin mari yalaynindah, amaa waanittah dhawrhumeenih girah yinqirribiinih yanin.