Cibraan 5:7 - Saaho Cusub Cahde

⁷ Yeesus tamaa xazotta kuuk yine gedda, rabaako kaa gargeero dhiice tiyalle, naba zeero kee dhiimoolih dhaaco kee dhaacimto kab-ishak yine. Amnonobba hin kaa am-azzazti sabbatah lel Yalli kaa yoobbe.

Cibraan 5:7 Iomraidhean Croise

Maatiyos 27:46

Sagal-tarhxe saacah lel Yeesus: “Eli Eli, lema shevaqtani” macnah: “Yi Rabbiyo, yi Rabbiyo, aymih yi xabte?” arhxuk wac-yerhxeh zeere.

Maatiyos 27:50

Yeesus lel malammih wac-yerhxeyaako zeereh, kaa wafa akko tewce.

Markos 15:34

Sagal-tarhxe saacah lel Yeesus: “Elohi, Elohi, lema shevaqtani” macnah: “Yi Rabbiyo, yi Rabbiyo, aymih yi xabte?” arhxuk wac-yerhxeh zeere.

Markos 15:37

Yeesus lel wac-yerhxeyaako zeereyaako, kaa wafa tewce.

Luukas 23:46

Sarrah lel Yeesus wac-yerhxeyaako deecoh: “Wobba! Inni ufaye ku gabadde hayak aniyo!” yerhxe. Tahe yerhxeyaako lel abayshimalle kaa wafa tewce.

Yohannis 1:14

Waanitta xazotta tekkeh lel ni fanadde sigte. Yallaako inketta bisa kin Barha hi nabenta, nicma kee rummaako yemmeegeyahi nabne lel nubleh nane.

Yohannis 11:35

Yeesus lel weece.

Yohannis 11:42

Umman gedda yi taabbem lel aarhige. Tayim lel atu yi fartem yaamanoona ciloh taymille daw-arhxuk tane mango xiyawah arhxeh arhxem kinni” yerhxe.

Yohannis 17:1

Yeesus tayim yerhxemko sarrah, intit agana caranadde kulux-isheh: “Abba, amaa saaca gufteh tane, ishi Barha eyneb ku Barhi ku yaynabooki.

Rooma 8:3

Amayim lel, xazotta taanishshemhi sabbatah sercat abo taanem, Yalli abeh yane. Ishi Barha zambi beezza yakko zambe-le xazottat xibarah dhirhiyeh, zambe lel xazottadde yiqhtsice.

Galaatiya 4:4

Amaa yikmile waqhti gufe gedda laakin, Yalli ishi Barha fare, usuk numaako yooboke, sercat geridde yooboke.

1 Timoteyos 3:16

Rumma lel Yallih mashshih mashthir naba tiya kinamah nashhide: Xiyawti xazotta yekkeh yumbulluwe, xaqqi-wanna kinam Ufayeh yimidhdhige, malaykutuh yumbulluwe, wathunti fanadde warroye, caalamalle akah yeemenin, nabnedde lel yumuqquce.

Cibraan 10:10

Ta Yallih farhih lel inki gedda umman gedih, Yeesus Masiix nabsehi sadaqhahi araxah yinqiddise mara nekkeh nane.

Cibraan 10:5

Amayimhi idhdhah, Masiix ta caalamalle yemeete gedda, tahe yerhxe: “Sadaqha kee muttuxuwa mifarhinnito, laakin asiddiqhe nabse yoh tisqirribe.

Cibraan 11:7

Nuux lel, Yalli tamaa kaddih tumbulluweh sodhdhamhi zacabah kaa asuuseyaako, dhacuma Yallih mashshiilih ishi xawaz akah gargeera naba doonik imaanah siraaxe. Taymih caalam cadaleyaako tamaa imaanah yamiite xaqqe yiwrishe.

Cibraan 12:28

Amaydo, amneqheeneqhinnixe nigsinna kabbatno kinomhi sabbatah xamdishinneyaako, xishma kee mashshiilih Yallah kabbaatimta cibaada abno.

Cibraan 13:20

Tamaa salaam Yalli, umman geedit cahdehi biiloh, ciidot naba loyna kin ni Maddara Yeesus rabaako uguseya, Yeesus Masiix araxah kayyadde basak-arhxinnannim nottadde abak, atin kaa farhi abtoona ciloh, umbuka mecaanih sin yaskataw. Umman gedda kee umman gedih lel nabne kayyah takkoo. Amin.

Cibraan 2:14

Amaydo, tamaa kaa cindham xazo kee biilo le mara yekkiinik sarrah, usuk lel isheh amayim balih tenim beye; amayim lel ishi rabih tamaa rabit xayla le ibliis yaylawo ciloh kinni.

1 YOHANNIS 4:3

Laakin umman ufayi Yeesusuh aaliminnexeya, Yallaako maki. Tati lel masiix-didde kin [ufaye] kinni. Too yamaato kinam toobbiinih tinin, kado lel meceegeddah caalamalle yane.

2 YOHANNIS 1:7

Mango doolab-le mari, Yeesus Masiix nabse yekkeh yemeetem aaliminnexeya, caalamalle yewciinih yanin. Tagina leti lel doolab-le tiya kee masiix-didde kinni.