Cibraan 5:12 - Saaho Cusub Cahde

¹² Kado fanah mudarrisiin takkoona sinah eedak tine haaki, tamaa masarrat kin Yallih waanitta malammih sin yayduruseti sin farhshiishak yane. Sin farhshishsham xan kibah, kafin folo maki,

Cibraan 5:12 Iomraidhean Croise

Maatiyos 17:17

Yeesus lel: “Ko imaan malit kin temxeleelefe ijow! Anu manda fanah sinlih sugo liyo? Manda fanah lel sinalle curo liyo? Talle yolle bah” akko yerhxe.

Markos 9:19

Usuk lel: “Ko imaan malit kin ijow! Anu manda fanah sinlih sugo liyo? Manda fanah lel sinalle curo liyo? Talle yolle bah” akko yerhxe.

Fartottit hi Abittot 7:38

Teketteh tine xiyawlih, Siinaati Koomalle kaalih waanishe malaykattoolih kee ni abbublih yineti kayya kinni. Nottah yaxaw lel aniinat waani kabbaateti kayya kinni.

Rooma 3:2

Umman ginah mangum kinni. Erherhih, Yallahi waani amaanah alle tomxoyem Yahuud kinni.

1 Korintos 14:19

Yakko kibah, galle aydaraso ciloh, kaniisadde laakin, aki afah cadadamko, inni xangalah koona waanitta waanisham farha.

1 Korintos 14:20

Yi saculo, sinni niyah irro makkina. Umaanih zabul tika, sinni niyah laakin hamme-le mara tika.

Galaatiya 4:3

Amayim balih nanu gantah, cindham kuuk nine gedda, ta caalam yagziye ufayit hi garuuza kuuk nine.

Filibbi 3:1

Abayshimalle, yi saculo, Maddarah xedenanta. Tayimhi zacabah malammih sinalle aktubem yok abtam male, sinah lel maaxiyo kinni.

Kolossay 3:16

Masiix waanitta gaddaalitteh sinadde sigtoo, umbuka xikmah lel sittiya tuydurusiinih sittiya aydukumusanta. Sinni afcaadooko Yalla xamdishitteenih lel mazmuur, faylat qanna kee nazme abanta.

Cibraan 10:32

Laakin ifo geyteenik sarrah, tamaa waaxeltaalih dhacuma dhiba adde curten basoohit lelleeca xunsusa.

Cibraan 5:11

Tayimhi zacabah narhxe mangum lino, yakko kibah sin cokkak maabbooko yidinzizeh yanemhi sabbatah caddos sinah abaanam siriya.

Cibraan 5:13

amayim lel akkinnanti xanah maraya zabalo kinamhi sabbatah xaqqi waanittahi zacabah labcaadotta kinni.

Cibraan 6:1

Amaydo, tamaa erhedhdhot Masiix mazhabko, gufaynolle tillabnowaanta kibah, tamaa rabi xiyaa gudduusa abittot kee Yallah yaaminiinimhi zacabah malammih toobat masarrat sigishaanamalle gaxe waynowaanta.

1 Bithroos 2:2

Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta,

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.