Cibraan 4:2 - Saaho Cusub Cahde

² Mece wari tenalle akah warroyekah kinni nolle warroyem, laakin tamaa yoobbe maraalih imaanah tiya kuuk miyiniinimhi sabbatah, tamaa yoobbin farto ten mamfacinna.

Cibraan 4:2 Iomraidhean Croise

Fartottit hi Abittot 13:46

Bawlos kee Barnabas laakin yifdibinyaako tahe yerhxin: “Yallahi waanitta erherhih sinah warishno nolle tine. Atin xinteenih umman geedit aniina sinah meeddam sinnelle bakteenik sarrah, taykinna, nanu Aki-maralle afkuninuk nane.

Fartottit hi Abittot 3:26

Sin umaaniiko sin yedebbeh sinadde yabaarako ciloh Yalli ishi khaddaam uguseh sinalle dhirhiye” akko yerhxe.

Rooma 2:25

Askok-kalum yamficem sercat dhawudhdha gedda kinni. Sercat tigdilemko laakin, ku askok-kalum, askok-kalum abe waytem balih yakke.

Rooma 3:3

Tenko gari amaana hinam yekkiinimko ayim takke? Ten amaanat wayto Yallih amaana foyyayishsha?

1 Korintos 13:3

Inkoh liyom oxoyemih, inni nabse xararo oxoyemih, kaxano aalle wayemko, walaa inkim yi mitamfice.

Galaatiya 3:2

Iski inkettä sin essero: Atin Ufaye kabbatteenim sercat yarhxem abteenih kuuk yine woole, toobbiinim teemeniinihi?

Galaatiya 3:8

Kutuub, Yalli Aki-mara imaanah ten yasxaqqaqho kuuk yinem yookomeh yubleh: “Umbuka diika ku araxah baraka yaalloona kinon” arhxuk mece ware Abraahimih warishe.

Galaatiya 4:13

Anu erherhih mece ware sinalle warroyshem, laxuutemhi sabbatah kuuk yinem taarhigin.

1 Tessaloniike 1:5

Amayim lel tamaa nanu warroyishna mece wari, waanih bisa makiiki sinalle yemeetem; laakin xayla, Quddus kin Ufaye kee rummaahit ashshamanlih gantah kinamhi sabbatah kinni. Nanu lel sinah arhxinuk, sin fanadde aaginah marak ninem taarhigin.

1 Tessaloniike 2:13

Tamaa nottaako toobbin, Yallih mece ware kabbatten gedda, tamaa yaamine marak sinalle abak yanem, tamaa rumma akah kinniikah, Yallih waani balih kibah, xiyaw waani balih mikabbaatitiinimih, daweena maleh Yalla xamdishinna.

1 Timoteyos 4:8

Nabsi karim labcaadishaanam dago makko luuk, Yallih mashshi labcaadaanam, kaadit aniina kee tamaato le aniinahi wacdi gantah adde yanemhi sabbatah umman ginah naba makko leya.

Cibraan 11:6

Imaan hinnim lel kayya xedenishaanam takkem maki, amayim lel Yallalle kab-arhxinnanti usuk yane tiya kinam kee kaa wagiya marah ten casbe akah yaxayem yaamano kaalle tanemhi sabbatah kinni.

Cibraan 3:12

Yi saculo, sinadde umati aamininnixe afcaado leyaya, tamaa yane Yallaako mirix sin ishaya yanniyek, selitanta.

Cibraan 4:6

Amaydo, ta macrafadde oroba mari yinniinik sarrah, tamaa afadde mece ware kabbaate mari lel yaabboona xineenimhi sabbatah orobe wayenik sarrah,

Yacqoob 1:21

Amaydo, umbuka cayne kee mango umaani sinneeko mirix-ishsheenih, sin rooxe gargerto dhicta, sin addadde timzirriyeh tane waanitta amnonobba hinnim kabbata.

1 Bithroos 1:12

Ten khidma lel sinah kibah tenah kuuk mitinem akah timidhdhige. Tayim lel tamaa carsheeko farritime Quddus kin Ufayehi araxah, mece ware sinalle warroyshe mari sinah warisheenih yanin. Tayim malaykut gantah kulux adde yarhxoona duumutak yiniinim kinni.