Cibraan 4:12 - Saaho Cusub Cahde

¹² Yallih waanitta tane tiya kee makko le tiyä kinni; rooxe kee ufaye, mayrhabbashit kee dhux barhishshah curmusa lamma af-le sefko lel lilliga. Afcaadodde yane xisaab kee farhi lel tamirmire.

Cibraan 4:12 Iomraidhean Croise

Luukas 8:11

Amaa aymassal tagina kinni: Zaratti Yallih waani kinni.

Yohannis 12:48

Tamaa yi xinayaako, yi farto kabbaatinnixe tiya lel kaa yafrideti yane. Anu waanisheh aniyo waani, abayshimat lellec kaa tafrado kinni.

Yohannis 6:51

Anu aniina-le folo carsheeko obteya kiyo. Ta folooko beetinnanti, umman geddah maro kinni. Ta caalamti aniinah axawo liyo folo lel yi xazo kinni” yerhxeh alle yedebbe.

Fartottit hi Abittot 2:37

Kado, usun tayim yoobbin gedda, afcaado adde xararteyaako, Bithroos kee aki fartottitik: “Ni saculo, kado ayim abno kino?” akko yerhxin.

Fartottit hi Abittot 4:31

Dhaaco bakeenimko sarrah, tamaa yekettiinih alle yinin makaano xumuu-terhxeyaako inkoh Quddus kin Ufayeh yemmeegiinih Yallahi waanitta mashshi hinnim wansiitoona erherhishen.

Fartottit hi Abittot 5:33

Tayim yoobbin gedda yuxurtumiinih ten yagdafoona farhen.

Fartottit hi Abittot 7:38

Teketteh tine xiyawlih, Siinaati Koomalle kaalih waanishe malaykattoolih kee ni abbublih yineti kayya kinni. Nottah yaxaw lel aniinat waani kabbaateti kayya kinni.

Rooma 1:16

Aamininnanti inkoh, erherhih Yahuud, sarrah lel Giriik xiyaw gargeera Yallih xayla kinamhi sabbatah, yotta mece wari yi mixoolaysha.

1 Korintos 1:24

Too deeco akah tekke mari, inkoh Yahuud kee Giriik xiyawah laakin, Masiix Yallih xayla kee Yallih kas kinni.

2 Korintos 2:17

Yallaako farritime mara nekkeyaako, ninni mece niyah, Yallih nifille Masiix araxah waanishak nanenkah, tamaa mango mara balih, Yallih waani sinni nafaacah yaybiddile mara makino.

2 Korintos 4:2

Nanu laakin xoola kinam ambulluwe waytaya xabneh nane. Yallih nifille lel amaa rumma umman tiyahi afcaadodde cadimbililih kab-ishnah ninne nayshidhdhigenkah, siixo lem hido Yallih waani taybiddilem abnamko xinneh nane.

Efesos 5:13

Ummanim ifoh timfiddixemko laakin, caddoyta.

Efesos 5:26

Amayim lel, ishi waanittah layet cakalso akko abeyaako yiythihireh, tee yayqaddaso ciloh;

Efesos 6:17

Birti qoobic gargertiya hashshitteenih, Yallih waanitta kin Ufayi sef ibbirha.

1 Tessaloniike 2:13

Tamaa nottaako toobbin, Yallih mece ware kabbatten gedda, tamaa yaamine marak sinalle abak yanem, tamaa rumma akah kinniikah, Yallih waani balih kibah, xiyaw waani balih mikabbaatitiinimih, daweena maleh Yalla xamdishinna.

1 Tessaloniike 5:23

Maaxiyot Yalli isheh sittiyadde sin yaqhaddasoo, sin ufaye, rooxe kee nabsi ni Maddara kin Yeesus Masiix gaxnanah abar hinnim akah sugaakah dhawrhumoo.

Cibraan 13:7

Tamaa Yallih waanitta sinlih waanishshe sin manabottit xunsusa. Ten gerh-gerhhi mawco tubliinih, ten imaan katattaanta.

Cibraan 6:5

Yallih waanittahi mecaani kee yamiite waqhtehi xaylaako dhacame mari,

Yacqoob 1:18

Nanu usuk isheh yukhluqheh yanemhi afti firehi caynaako nakko ciloh, ishi farhih rummaahit waanittah ni yuyshubuke.

1 Bithroos 1:23

Malammih toobokiinih taniinim lel, tamaa taneh umman gedda marta Yallih waanittahi araxah, alayinnixe zarah kibah yalaye zarah maki.

Waxye 1:16

Mizgi gabadde malxina xutukta yibbirheh yine, kaa afko lel lillig lamma af-le sef awcuk yine, kaa nif lel ishi xaylaako iffoyta ayrottah higgiduk yine.

Waxye 19:15

Kaa afko lel amaa wathun yaatuke lillig sef awcuk yine. Usuk lel birti iloh ten yagzaw kinni. Tamaa Nabamko Naba Yallih dhacuma kurahi cinab matsmaqhadde lel usuk adde yaacato kinni.

Waxye 19:21

Amaa raace mari lel tamaa farasak defeyeh yine tiyahi afko awcuk yine sefih raben, amaa kimbir lel inkoh xazooko xayten.

Waxye 2:16

Amaydo, otoob. Akke wayemko, anu akkanih kolle emeeteyaako, tamaa inni afhi sefih aalih dhibbaw kiyo.’

Waxye 2:23

Tee cindham lel umammaatih ten agdafo kiyo. Umbuka kanaayis lel anu xangal kee afcaado yaklule tiya kiyom yaarhagoona kinon. Umman sina lel sin-sin abittot balih sinah axawo kiyo.

Waxye 20:4

Amaymik sarrah, nugus-kuraasi uble, alle defeyeh yine marah lel yafradoona reeza akah tomxoyeh tine. Yeesus kee Yallih waanittahi shahaadah tumruxxudemhi wafa lel uble. Usun amaa alluulatto hido kaa misleh macbadinnooni, kaa maxtam sinni dambarak hido sinni gabubuk mikabbaatinnooni. Tenalle wafa alle gaxteyaako Masiixlih shiix iggidiya reezen.