Cibraan 4:10 - Saaho Cusub Cahde

¹⁰ Yallih macrafadde orobeh anniinnanti lel tamaa Yalli akah abeekah ciyyooko yucrufeh yane.

Cibraan 4:10 Iomraidhean Croise

Yohannis 19:30

Yeesus amaa cur-tarhxe wayniiko dhacame gedda: “Bakitte!” yerhxeyaako, amo cunuunuseh kaa wafa tewce.

Cibraan 1:3

Usuk Yallih nabnehi zifo kee igric-ishen kaa khulqhahi xibar le tiya yekkeh, ummannim ishi waanittahi xaylah daw-isha. Zambi tsitstsaye abek sarrah lel, agana yane naba nabne le Yallahi mizgi gabooko defeye.

Cibraan 10:12

Masiix laakin, inki muttuxuwa umman gedih takkeya, zambeh arhxuk yoxoye gedda, Yallih mizgi gabooko defeyeh,

Cibraan 4:9

Amaymih, aki Sambat Yallih xiyawah curfen max yakkeya yane.

Waxye 14:13

Carsheeko lel wuli dhaw: “Tayim uktub: kadok sarrah Maddari araxalle rabtam baraka-lem kinon” arhxuk oobbe. Yallih Ufayi lel: “Rummah baraka-lem kinon. Ten abittot tenlih yadiyemhi sabbatah sinni xawalko yacrafoona kinon” yerhxe.

Waxye 6:11

Babbarhi tiyah lel cado sari akah yomxoyeyaako, ten zooba kin khaddamte kee ten saculhi manga tamaa ten balih yagdafoona lonyahiya takmilendah, dago gedih yacrafoona akah warishen.