Cibraan 3:1 - Saaho Cusub Cahde

¹ Amaydo, tamaa carsheeko deeco yangale yinqiddise yi saculo, nanu fartotta kee naba shekh kinamah akah naamine Yeesus meceetih ubula.

Cibraan 3:1 Iomraidhean Croise

Yohannis 17:3

Umman geedit aniina tatiya kinni: rummaahit inki Yalla atu bisa kitom kee atu farteh tanito Yeesus Masiix yaarhigiinim.

Yohannis 20:21

Yeesus malammih: “Salaam sinlih yakko! Abba akah yi fareekah, anu lel sin farak aniyo” akko yerhxe.

Yohannis 20:27

Sarrah Yeesus Toomaasak: “Ishi fera tadde haaki, yi gabub ubul; ishi gabub bahaaki lel yi masangaledde haa. Taamano mixininaaki, imin” akko yerhxe.

Fartottit hi Abittot 1:15

Amaa ayyamadde, Bithroos saculti fantaako uguteyaako (inkoh inkidde yine zoobit bool kee lamaatanna takkem kuuk yinin):

Rooma 11:17

Amaa xakukko gari yiggidileh, atu zibi oolacko kito hanuk, akimhi fanadde timtikkileyaako, yayteele oolactot rimid tengelemko,

Rooma 15:27

Eedo kinamhi sabbatah lel rummah yikxiniinih yanin. Aki-mari Ufayi baraka tenlih yengeliinik sarrah, usun lel maroona ten farhshishshamah tena yakhdumiinim akah eedda.

Rooma 15:8

Masiix tamaa abbubuh yomxoye cag yaysabato, ciloh Yalli lel umun kinam yayballaw ciloh askok-kalum abe marahi khaddaam yekkem sinah warisha.

Rooma 9:24

tamaa Yahuudko bisa akkekkah, Aki-maraako akah deecime marak nottah tayim gantah abemko?

1 Korintos 1:2

tamaa Korintosulle geytimta Yallih kaniisah, tamaa Masiix kin Yeesus araxah yinqiddisiinih tinqiddisem yakkoona deeco akah tekke marah, amayim balih tamaa inkoh ummanille notta kee tenhi Maddara yakke, ni Maddara kin Yeesus Masiix migac deecima mara fanah tadiye farto:

1 Korintos 10:17

Inki kinnas yanemhi sabbatah, amaa inki kinnas xazziilita marak, mango mara kino hanuk inki nabse kino.

1 Korintos 9:23

Tayim lel kaa baraka tenlih angalo ciloh mece wareh arhxiyuk abam kinni.

2 Korintos 1:7

Ni waaxelta nottaalih akah tengeliiniikah, ni rufto gantah tangaloona kitiinim naarhigemhi sabbatah, tamaa sinadde lino cag yisbite tiya kinni.

2 Korintos 9:13

Ta atin abak tanin khidmah, mango mari Yalla yaynaboona kinon. Amayim lel tamaa atin Masiix mece wareh abten shahaadaako tamiite maabboh, amayim balih inkoh ten kee aki marah atin xindaalih abten xatohi sabbatah kinni.

Efesos 3:6

Ta sirri lel, Aki-mari Yahuudlih worosa, inki nabsehi karim, mece warehi araxah lel Masiix kin Yeesusudde amaa wacde yangale mara kinoonim kinni.

Efesos 4:1

Amaydo, anu Maddari sabbatah maxbuushsha kiyoyak, tamaa akah sinah deecimen deecoh idhdha tekkiinih gedhdhoona sin dhaacima.

Efesos 4:4

Tamaa sin deecoh tiyä kin inki cagalle akah sinah deecimeeniikah, inki nabse kee inki Ufaye kinni tanem.

Filibbi 3:14

Anu tamaa abayshimat bursaaleh, tamaa sariigallat ashshowa fanah, Yallahi deeco aganaako Masiix kin Yeesusiyahi gabolle ardiyuk ane.

Kolossay 1:12

amayim balih, tamaa ifodde geytima yinqiddise marahi miiraas nangalo sin dhicshiishe Abbah xamde addabbuk nane.

Kolossay 1:22

kado yinqiddise mara, cagab hin mara kee abar hin mara sinak abeh ishi nifille kab sin isho ciloh, xazotta kin kaa nabsehi rabih sinlih wagareh yane.

Kolossay 3:12

Amaydo, yinqiddise mara kee yinkixxine mara Yalli dooreya, afcaadot naxrurta le mara akah kitiiniikah, mecaani, amnanabbe wayaanam, xiyaawinna kee curtayyo saritanta.

1 Tessaloniike 2:12

tamaa ishi nigsinna kee nabnedde sinah deecima Yallah missil araxalle tadawna sinalle tanemih, sinko umman tiya aaginah fayishneh aydukumusnem taarhigin.

1 Tessaloniike 5:27

Ta jawaab umbuka saculhi nifille taqhrawna Maddari migacalle amaana sinak arhxuk ane.

2 Tessaloniike 1:11

Tayim takko lel, ni Yalli ishi deecoh eeda mara sinak abo, umman gedda dhaaco sinah abak nane. Ishi xaylah lel tamaa mecaani abtoona litin farhi sinah yaskamalo, umman gedda dhaaco sinah abak nane.

2 Tessaloniike 2:14

Atin ni Maddara kin Yeesus Masiix nabne geytoona ciloh, tamaa nanu warroyishna mece warehi araxah sinah deecime.

1 Timoteyos 6:12

Mece imaanhi gixlo ingixilanta. Tamaa akah koh deecimen, mango shohodah nifille lel mece shahaada alle toxoye, umman geedit aniina ibbirh.

1 Timoteyos 6:2

Tamaa yaamine wannun le mari lel, ten sacul akah kinooniikah xishma ten kalite wayoonaa. Sarreh tamaa ten mece khidmaako nafaaca geya mari tamaa yaamine mara kee yinkixxine mara kinni kinoonimki, usun ziyaada yakhdamoona tenalle tane. Tayim uydurusaaki fayish.

2 Timoteyos 1:9

Usuk ni gargeereyaako quddus kin deecoh noh deecimem, ni ciyyohi sabbatah akkekkah, ishi farhi kee ishi nicmahi sabbatah kinni. Amayim lel, waqhti erherhekkah Masiix kin Yeesus araxah noh yoxoye.

2 Timoteyos 2:7

Maddari ummanimhi fahaama koh yaxaw kinamhi sabbatah, anu kok arhxuk aniyomudde adde exeeseb.

Cibraan 10:19

Amaydo, yi saculo, Yeesus biilohi araxah tamaa ummanimko quddus kin makaanodde orobnamhi fidbe neellek sarrah,

Cibraan 10:21

Yallih carehi bukalle lel naba shekh neellek sarrah,

Cibraan 10:23

Tamaa wacde noh sayeti umun kinamhi sabbatah, xumuu-arhxekkah ninni caghi shahaadalle nasbatoo.

Cibraan 13:22

Yi saculo, ta uyshudhdhurheh sinalle aktubiyuk ane fawti farto, sabreelih kabbattoona sin dhaacimak aniyo.

Cibraan 2:11

Amayim lel tamaa yayqiddise tiya kee yanqiddise mara inkikkeeko kinoonimhi sabbatah kinni. Amaymih kinni lel “yi saculo” yerhxeh akah deecimo xoolashshiite wayem.

Cibraan 2:17

Amaydo, raxmatta-le kee umun kin naba shekh Yalla yakhdumeya yakko kee xiyawah zambi-kalaa yakko, ummanimih ishi saculuh yammangado kaalle tine.

Cibraan 3:12

Yi saculo, sinadde umati aamininnixe afcaado leyaya, tamaa yane Yallaako mirix sin ishaya yanniyek, selitanta.

Cibraan 3:14

Tamaa erhedhdhot ninni imaan abayshima fanah qath-ishnemko, Masiixlih nengeleh nane.

Cibraan 6:20

Yeesus lel Malkitsedeq balih umman geedit naba shekh yekkeyaako, ni basolle ni idhdhadde amadde orobeh yane.

Cibraan 7:26

Nanu lel ta gina-le, quddus kin, cagab-male, dhaggitinnixe, zambeeko mirix-yerhxe, agana carshelle lel xaf-yerhxe naba shekh ni farhshiisha.

Cibraan 7:28

Sercat tamaa rukut marak naba sheekha aba, tamaa sercatko sarrah temeete dhiiwat canqara laakin, kaamil kin tiya umman geddah yekke Barhak naba shekh abta.

Cibraan 9:11

Laakin kado Masiix tamaa tamaatole mecemhi naba shekh yekkeh yemeeteh yane. Tamaa naba tenda walaa inki naqhuse hinya gabah siraaximinnixe, ta makhaaliqhooko lel akkinnixeyahi araxah,

Cibraan 9:15

Amaydo, usuk ta cusub cahdih fanti tiya kinni. Tamaa deeco akah tekke mari, tamaa wacde akah sayen umman geedit miiraas kabbaatoona ciloh, tamaa afti cahdehi geridde anuk aben zambeeko ten gargerta rabi tekkeh tane.

1 Bithroos 2:9

Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin.

1 Bithroos 3:5

Basooko, Yalladde cag le tinqiddise sayyo, sinni baacilih yam-izziziinih, taginah kinni bilcitak yiniinim.

1 Bithroos 5:1

Amaydo, anu tena balih naba tiya kee tamaa Masiix yuble waaxelti shaahid, amayim balih tamaa tamballaw kin nabnehi aglenta akah kiyookah, sinlih yane kaniisat naba mara asuusak aniyo.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.

1 YOHANNIS 1:3

Tamaa nubleh noobbem lel sinak arhxuk nane. Amayim lel inkettiino nottaalih taalloona ciloh kinni. Rummah ni inkettiino Abba kee kaa Barha Yeesus Masiixlih kinni.

Yahuuda 1:1

Yeesus Masiix garuzzo kee Yacqoob sacal kin Yahuuda tamaa deeco akah tekke, Abba kin Yalli kixin mara kee Yeesus Masiixih dhawrhume mara fanah:

Waxye 17:14

Amaa Leemalle dhiba faakoona kinon, amaa Leemi laakin maddaritti Maddara kee nuguusat Nugus kinamhi sabbatah, akko yamlako kinni. Tamaa kaalih yane mari lel, akah deecimen mara, doorimtem kee umunaat kin mara kinon.”

Waxye 18:20

Carshe, alle xeden, atin lel yinqiddise mara kee fartottit kee nobowak, Yalli sinah arhxuk tee yifrideh yanemhi sabbatah alle xedenanta!”