Cibraan 2:9 - Saaho Cusub Cahde

⁹ Laakin tamaa malaykutko dago geddah yucundhuweh yine Yeesus, rabih waaxelta yublemhi sabbatah, kado nabne kee xishmah bor kaa sarisheh ablinuk nane. Tayim lel Yallih nicmah umman tiyah arhxuk rabaako dhacameh yanemhi sabbatah kinni.

Cibraan 2:9 Iomraidhean Croise

Maatiyos 16:28

Talle daw-yerhxeh yane maradde Xiyawti Barhi ishi nigsinnadde amiituk kaa yabliinindah rabaako dhacame wayo le mari adde yaniinim rummah sinak arhxiyuk ane” akko yerhxe.

Maatiyos 6:28

Sartim sabbatah lel ayimih kinni tamsheeqheliinim? Zibi combooba mixawalta, mitaarufe hanuk aaginah carsimtam ubula.

Markos 9:1

Yeesus lel: “Talle daw-yerhxeh yane maradde, Yallih nigsinna xaylaalih tamiitem yabliinindah rabaako dhacame wayo le mari adde yaniinim, rummah sinak arhxiyuk ane” akko yerhxe.

Luukas 9:27

Laakin, talle daw-yerhxeh yane maradde, Yallih nigsinna yabliinindah rabaako dhacame wayo le mari adde yaniinim, rummah sinak arhxiyuk ane.”

Yohannis 1:29

Leddi max Yeesus kaa gabolle amiituk yubleyaako lel: “Ubula, caalamti zambe kala, Yallih Leema!

Yohannis 10:17

Anu inni aniina tillaabisha, malammih lel addabbo kiyomhi sabbatah yi abba yi kixina.

Yohannis 12:32

Anu lel, ta baarhooko takarima gedda, xiyaw inkoh innelle hiriigo kiyo” yerhxe.

Yohannis 3:16

“Yalli caalam mangum yikxinemhi sabbatah, kayyah aamininnanti yalayemko, umman geedit aniina geyo ciloh, inkettak le ishi Barha yoxoye.

Yohannis 8:51

Yi waanitta yibbirheti, rabi caduruh yablo makinam rummah rummah sinak arhxiyuk ane” akko yerhxe.

Yohannis 8:52

Yahuud lel: “Atu jinnetta litom kado neerhege! Amaa nobowa akah rabeeniikah Abraahim rabeh kinni. Atu laakin, ‘Akkinnanti yi waanitta yibbirhemko, rabaako dhago maki’ tarhxe.

Fartottit hi Abittot 2:33

Kado Yallih mizgaako nabneelih defeyek sarrah, Abbaako lel wacde akah sayeh yine Quddus kin Ufaye kabbaateyaako, atin sinneh abluk kee aabbuk xarheh yane.

Fartottit hi Abittot 3:13

Abraahim Yalli, Isxaaq Yalli, Yacqoob Yalli, ni abbubhi Yalli, tamaa atin tosxoynih Bilaatos dhirhiyo abayshe gedda kaa nifille xinten Yeesus ishi khaddaam yeynebeh yane.

Rooma 5:18

Amaydo, inki xiyawtih umaani umman marahi qitscat akah katayishsheekah, inki xaqqi abitto umman marahi asxaqqaq kee aniina katayishsha.

Rooma 5:8

Laakin, nanu zambi-wannun kiinuk, Masiix nottah rabe, Yalli nottah leya kaxano lel taginah yaybulluwe.

Rooma 8:3

Amayim lel, xazotta taanishshemhi sabbatah sercat abo taanem, Yalli abeh yane. Ishi Barha zambi beezza yakko zambe-le xazottat xibarah dhirhiyeh, zambe lel xazottadde yiqhtsice.

Rooma 8:32

Ishi Barha umman nottah yaxaw suumutinnixeti, aaginah kaalih ummannim amaa ginah noh axaye waya?

2 Korintos 5:15

Tamaa aniinaalih yane mari, tenah arhxuk rabe tiya kee ugute tiyah kibah, sinneh arhxuk maraanamko, usuk umman tiyah rabe.

2 Korintos 5:21

Nanu ninneh Masiix araxah Yallih xaqqe nakko ciloh, tamaa zambe aarhige waya tiyak usuk isheh zambe akah yakkeekah akko abe.

Galaatiya 4:4

Amaa yikmile waqhti gufe gedda laakin, Yalli ishi Barha fare, usuk numaako yooboke, sercat geridde yooboke.

1 Timoteyos 2:6

Usuk umman tiyahi beezza yekkeh ishe yoxoye. Tayim lel amaa fadhdhishima waqhtedde tomxoye shahaada kinni.

Cibraan 1:9

Xaqqe tikxineh umaani tincibeh tanito; amaydo Yalli, ku Yalli, ku zoobaako ziyaada xedenti zeetih ku yuskuteh yane” yarhxe.

Cibraan 10:5

Amayimhi idhdhah, Masiix ta caalamalle yemeete gedda, tahe yerhxe: “Sadaqha kee muttuxuwa mifarhinnito, laakin asiddiqhe nabse yoh tisqirribe.

Cibraan 11:5

Xanokh lel rabekkah imaanah aganalle kaa beyen, Yalli kaa beyemhi sabbatah lel migeytiminna. Kaa beyekkah lel Yalla xedenisheh yinemih shahaada akah tomxowweh tine.

Cibraan 12:2

Ni imaanhi dhisheena kee abaysheena kin Yeesusudde kulux-narhxoo. Usuk xooladde macalah rabekkah, tamaa nifidde akko yine xedenih arhxuk masqalak rabaanam cure. Nugus kuselle lel Yallahi mizgaako defeyeh yane.

Cibraan 2:7

Dago geddah malaykutko kaa tuscundhuwe; nabne kee xishmah lel bor kaa sarishshe,

Cibraan 7:25

Amayimhi idhdhah, usuk akah tillaabo umman geddah yanemhi sabbatah, tamaa kaa araxah Yallalle yemeete mara, kaamilik gargeero dhiica.

Cibraan 8:3

Akkinnan naba shekh inkoh muttuxuwa kee sadaqha yaxaw kaalle tinemhi sabbatah, ta naba shekh yakkeedo yaxayem yaallem fadhdhishimta.

1 Bithroos 1:21

Sin imaan kee cag Yalladde yakko ciloh, Yeesus araxah, tamaa kayya rabaako uguseh nabne akah yoxoye Yallah teemenin.

1 YOHANNIS 2:2

Usuk isheh lel ni zambit-hi beezza kinni, nim busa makiiki lel umbuka caalamah kinni.

Waxye 19:12

Kaa intit girat bolah higgida, amok lel mango cindhadhdhaa erherharh le booraari luuk yine, kayya kibah walaa inketti aarhiginnixe migac lel luuk yine.

Waxye 5:9

Tahe arhxuk lel cusub nazme aben: “Atu amaa maqhaddamat beyto kee kaa maxtam akko fakto koh eedda, amayim lel tumruxxudemhi sabbatah, ishi biiloh xiyaw Yallah, umbuka kisho kee waani kee xiyaw kee wathunko irarte.