Cibraan 2:11 - Saaho Cusub Cahde

¹¹ Amayim lel tamaa yayqiddise tiya kee yanqiddise mara inkikkeeko kinoonimhi sabbatah kinni. Amaymih kinni lel “yi saculo” yerhxeh akah deecimo xoolashshiite wayem.

Cibraan 2:11 Iomraidhean Croise

Maatiyos 25:40

Amaa Nugus lel: ‘Ta cindha yi saculko inkettak abteenim, yottak abteenim balih kinam rummah sinak arhxiyuk ane’ yerhxeh alle yadabbo kinni.

Maatiyos 28:10

Sarrah Yeesus: “Mimashshiitina, aduwantaaki yi saculuh Galiilalle yadawna akah warisha, amalle lel yi yabloona kinon” akko yerhxe.

Markos 3:34

Kaa agaagalle defeyak yine maradde gura-mizgalle kulux-yerhxeh lel: “Yi ina kee yi sacul talle yanin.

Markos 8:38

Ta am-immine wayta zambele ijodde, yotta kee yi waanih xoolashshiitinnanti, Xiyawti Barhi ishi Abbah nabnedde quddus kin malaykutlih yamiite gedda, kaako xoolashshiito kinni” akko yerhxe.

Luukas 9:26

Yotta kee Yi waanih xoolashshiitinnanti, usuk ishi nabne, Abba kee quddus kin malaykut hi nabnedde yamiite gedda, Xiyawti Barhi kaako xoolashshiito kinni.

Yohannis 17:19

Usun rummadde yanqaddasoona ciloh tenah arhxiyuk inne aqhiddise.

Yohannis 17:21

Amayim lel usun inkoh inketta yakkoona, atu Abbak yottadde akah tanitookah, anu lel kottadde, usun lel nottadde yakkoona, atu yotta farteh tanitom caalam taamano ciloh kinni.

Yohannis 20:17

Yeesus: “Kaddih Abballe ewceh maaniyomhi sabbatah yodde maarhabbashin; laakin yi sacul fanah tedeyeyaako ‘Yi Abba kee sin Abba, yi Yalla kee sin Yalla fanah awcuk aniyom’ akah warish” akko yerhxe.

Fartottit hi Abittot 17:26

Usuk inki xiyawtooko umbuka wathunti xiyaw abeh, umbuka baarhot garballe akah maraanaakah lel akko abe; sugoona lon waqhte kee alle sigan makaanoh darat akah barhishe.

Fartottit hi Abittot 17:28

‘Kayyah marnah hel-narhxeh kayyah nanino’, sin cadaareenitko gantah gari akah yerhxiinih yaniiniikah lel: ‘Nanu rummah kaa zara kino.’

Rooma 8:29

Usuk mango saculhi fanadde riish yakko ciloh, tamaa yookomeh yeerhege mara, kaa Barhahi misleh yammangadoona ciloh yookomeh yixiggire.

Galaatiya 4:4

Amaa yikmile waqhti gufe gedda laakin, Yalli ishi Barha fare, usuk numaako yooboke, sercat geridde yooboke.

Cibraan 10:10

Ta Yallih farhih lel inki gedda umman gedih, Yeesus Masiix nabsehi sadaqhahi araxah yinqiddise mara nekkeh nane.

Cibraan 10:14

Tamaa yinqiddiseh yane marak lel inki muttuxuwah abeh umman gedih naqhuse hin mara akko abeh yane.

Cibraan 11:16

Laakin, tamaa jannat tiya kin aki dik yashsheyah kinni hambereerak yaniinim. Amaydo, Yalli daafo akah yisqirribeh yanemhi sabbatah, ten Yalla yekkeh decsiimo mixoolashshiita.

Cibraan 13:12

Yeesus gantah xiyaw ishi biiloh yayqaddaso ciloh, amaa daafot carafko irolle bixna yuble.

Cibraan 2:14

Amaydo, tamaa kaa cindham xazo kee biilo le mara yekkiinik sarrah, usuk lel isheh amayim balih tenim beye; amayim lel ishi rabih tamaa rabit xayla le ibliis yaylawo ciloh kinni.

Cibraan 3:1

Amaydo, tamaa carsheeko deeco yangale yinqiddise yi saculo, nanu fartotta kee naba shekh kinamah akah naamine Yeesus meceetih ubula.