Cibraan 13:7 - Saaho Cusub Cahde

⁷ Tamaa Yallih waanitta sinlih waanishshe sin manabottit xunsusa. Ten gerh-gerhhi mawco tubliinih, ten imaan katattaanta.

Cibraan 13:7 Iomraidhean Croise

Maatiyos 24:45

Waqhte waqhteh folo akah yaxaw ciloh, kaa manabotti ishi xawazhi baclaysheena akko abe, umun kee kas-le garuzzi miyatto kinni?

Luukas 12:42

Maddari lel: “Miyatto kinni umun kee kas-le masxadaadara, kaa manabotti ishi xawazhi baclaysheena akko abah, waqhte waqhteh lel ten ten folo akah yaxayya?

Luukas 5:1

Tekke lel, mango xiyaw Yallih waani yaabboona kaa wakalille antseqheeqhethuk, usuk Gennesaaret igil hi afak daw-arhxuk yine

Luukas 8:11

Amaa aymassal tagina kinni: Zaratti Yallih waani kinni.

Fartottit hi Abittot 13:46

Bawlos kee Barnabas laakin yifdibinyaako tahe yerhxin: “Yallahi waanitta erherhih sinah warishno nolle tine. Atin xinteenih umman geedit aniina sinah meeddam sinnelle bakteenik sarrah, taykinna, nanu Aki-maralle afkuninuk nane.

Fartottit hi Abittot 14:23

Babbarhi kaniisalle naba mara akah dooreenimko sarrah salat kee siyaamah usun akah yeemeniinih yinin Maddaralle ten amaanatishen.

Fartottit hi Abittot 4:31

Dhaaco bakeenimko sarrah, tamaa yekettiinih alle yinin makaano xumuu-terhxeyaako inkoh Quddus kin Ufayeh yemmeegiinih Yallahi waanitta mashshi hinnim wansiitoona erherhishen.

Rooma 10:17

Amaydo, imaan maabbooko yamiite, maabbo lel Masiix waanittahi araxah tamiite.

1 Korintos 10:13

Xiyawalle obta cakanaako ziyaada sinalle moobta. Yalli umun kinni, sin qadreeko ziyaada lel cakana sinalle oobisho maki; cakanadde saytan gedda, amaa cakana curtoona ciloh akko tawcinikke sinah abo kinni.

1 Korintos 11:1

Anu Masiix misaal akah kataakah, atin yi misaal kataa mara tika.

1 Korintos 4:16

Amaydo, sin dhaacimak aniyo: atin yi misaal kataa mara tika.

Filibbi 3:17

Yi saculo, yottah immingida, tamaa ni misaal balih gerha mara lel macalsita.

1 Tessaloniike 1:6

Atin mango waaxelta kabbatten hanuk, tamaa waanitta Quddus kin Ufayehi xedenlih kabbatteenimhi sabbatah notta kee Maddarah timmingidiinih tanin.

1 Tessaloniike 2:13

Tamaa nottaako toobbin, Yallih mece ware kabbatten gedda, tamaa yaamine marak sinalle abak yanem, tamaa rumma akah kinniikah, Yallih waani balih kibah, xiyaw waani balih mikabbaatitiinimih, daweena maleh Yalla xamdishinna.

2 Tessaloniike 3:7

Nanu sinlih nine gedda, abboohosinuk mininem taarhigiinimhi sabbatah, nottah tammangadoona sinalle tanem atin sinneh taarhigin.

2 Tessaloniike 3:9

Tayim lel sinah misaal nakko kee atin nottah tammangadoona ciloh kibah, ninneh eeddam geyno xaqqe malinoh maki.

1 Timoteyos 3:5

Ishi xawaz akah yasxedeederiiniikah sorhemko, tamaa Yallih kaniisa aaginah baclaysho kinni?

Cibraan 13:17

Sin manabottit sinak yarhxiinim toobbiinih, akah im-izzizanta, amayim lel usun tamaa tekkemhi addoodim yaxaw le mara balih, sin rooxe dhawrhaanamhi sabbatah kinni. Usun tayim angoroozomuk abaanam, sina tamficem makinamhi sabbatah, usun xedenak akah abaanaakah abanta.

Cibraan 13:24

Inkoh sin manabottit kee yinqiddise marak salaam akko erhexa. Tamaa Ithaaliyaako yemeete mari lel salaamat sinak yarhxin.

Cibraan 6:12

Amayim lel, atin tamaa imaan kee sabreh tamaa wacde yiwrishe marah tammangadoona kinni farhnam kibah, bohosa takkoona mifarhna.

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

Waxye 1:9

Anu, Yohannis sin sacal, waaxelta, nigsinna kee Yeesus araxah geytima curtayyo sinlih yangaleya, Yallih waanitta kee Yeesus shahaadahi zacabah, tamaa Batmos akko yarhxin jaziiralle iniyo.

Waxye 20:4

Amaymik sarrah, nugus-kuraasi uble, alle defeyeh yine marah lel yafradoona reeza akah tomxoyeh tine. Yeesus kee Yallih waanittahi shahaadah tumruxxudemhi wafa lel uble. Usun amaa alluulatto hido kaa misleh macbadinnooni, kaa maxtam sinni dambarak hido sinni gabubuk mikabbaatinnooni. Tenalle wafa alle gaxteyaako Masiixlih shiix iggidiya reezen.

Waxye 6:9

Usuk makawwanit maxtam faake gedda, tamaa Yallih waanitta kee aben shahaadahi sabbatah tumruxxudemhi rooxit amaa mazbax geridde uble.