Cibraan 12:2 - Saaho Cusub Cahde

² Ni imaanhi dhisheena kee abaysheena kin Yeesusudde kulux-narhxoo. Usuk xooladde macalah rabekkah, tamaa nifidde akko yine xedenih arhxuk masqalak rabaanam cure. Nugus kuselle lel Yallahi mizgaako defeyeh yane.

Cibraan 12:2 Iomraidhean Croise

Maatiyos 16:21

Amaa geddaako erherhisheh Yeesus Yerusaalem fanah yadaw alle tanem, naba mara, sheekhat manabottit kee sercat dhiiceenitko mango cazaab geyo kinam kee kaa yigdifiinih lel maddaxit lellec rabaako uguto kinam ishi katattaynitih akah caddoyshe.

Maatiyos 20:28

Xiyawti Barhi gantah akah yakhdamoona makiiki, yakhdamo kee mango marih muucah ishi aniina tillaabisho kinni yemeetem” akko yerhxe.

Markos 14:36

Usuk lel “Abba, Wobba kottah ummannim koh takke. Ta kobbaaya asac yok ish. Yakko kibah anu akah farhaakah makiiki, atu fadhdham takkoo” yerhxe.

Markos 15:28

“Usuk lel sercat malitidde loyyiime” yarhxe Kutuub lel yikmile.]

Markos 16:19

Maddara kin Yeesus, tenlih waanishek sarrah, carshelle yumuqquceyaako, Yallih mizgi gabooko defeye.

Markos 9:12

Usuk lel: “Ummannim akah tineekah yadabbo rummah Eliyaas yookomeh yamaato alle tane. Aaginah kinniho Xiyawti Barhih sabbatah mango cazaab yablo kee ilaacimo alle tanem tunkuttubeh tanem?

Markos 9:24

Akkanih lel amaa cindhookih abba wac-yerhxeyaako: “Aaminek, yi imaan wayto xat!” yerhxe.

Luukas 17:5

Fartottit lel Maddarak: “Ni imaan noh ziyaadish” akko yerhxin.

Luukas 23:11

Heerodes kee kaa caskar lel kaa ilaaceniyaako alle tsaggarowen. Carha-mece sara kaa sarisheh lel Bilaatosulle kaa yedebbe.

Luukas 24:26

Masiix taymih yimcizzibeh ishi nabnedde orobo farhshishsham makiho?”

Yohannis 1:29

Leddi max Yeesus kaa gabolle amiituk yubleyaako lel: “Ubula, caalamti zambe kala, Yallih Leema!

Yohannis 12:24

Sinraa zaratti baarholle radeh rabe wayemko, inkettak raaca, rabemko laakin mango zara baaham rummah, rummah sinak arhxiyuk ane.

Yohannis 12:32

Anu lel, ta baarhooko takarima gedda, xiyaw inkoh innelle hiriigo kiyo” yerhxe.

Yohannis 13:3

Yeesus lel Abba umbukaahim kaa gabadde akah hayem, usuk Yallaako yemeetem kee Yalla fanah aduuk yanem yeerhege.

Yohannis 6:40

Amayim lel yi Abbah farhi tayim kinni, Barha yableh kayyah aamininnanti umman geedit aniina yaallo kee anu abayshimat lellec kaa rabaako ugusam” akko yerhxe.

Yohannis 8:56

Sin abba kin Abraahim yi lellec yablo kinamah xedene. Yubleh lel xedeneh yine” akko yerhxe.

Fartottit hi Abittot 2:36

Amaydo, ta atin masqalakke tigdifin Yeesusuk, Yalli inkoh Maddara kee Masiix akko abeh yanem Israa-eel dik inkoh yaarhagoona.”

Fartottit hi Abittot 3:15

Aniina-yaxaye lel tigdifin. Nanu taymih shohoda kino.

Fartottit hi Abittot 5:31

Israa-eelih tooba kee zambi xabbot yaxaw ciloh Yalli Dhisheena kee Gargeereenah ishi mizgi gabooko hayeh xaf kaa isheh yane.

Fartottit hi Abittot 5:41

Usun laakin ta migac hi sabbatah umaani yattaqhaco dhiica mara yekkiinimih amaa arabaako xedenak yewcin.

1 Korintos 1:18

Masqal farto yalaye marah duudiino kinni, gargeerimeh yane nottah laakin Yallih xayla kinni.

1 Korintos 1:23

nanu laakin Yahuuduh andafo, Giriik xiyawah lel duudiino kinam, Masiix masqalak takarimem warroyishna.

Efesos 2:16

Amaa nacabo yigdifeyaako masqal araxah, inki nabsedde lammik Yallaalih ni wagarishe.

Efesos 5:2

Tamaa Masiix ni yikxineyaako mece ure kee beezza yekkeh nottah arhxuk Yallah ishe akah yoxoyekah, atin kaxanodde gerhanta.

Filibbi 1:6

Tamaa sinadde mece abitto erherhisheti aykee Yeesus Masiix lellec fanah abaysho kinamah thummut kiyo.

Filibbi 3:20

Nanu laakin ni sigimi carshelle kinni yanem, amakkeeko lel ni Gargeereena kee ni Maddara kin Yeesus Masiix ilaalak nane.

2 Timoteyos 4:8

Kamboh, tamaa xaqqi daaniya kin Maddari, amaa maxadde yoh yaxaw le xaqqi bor yoh yinqirribeh yane. Tayim lel yottah bisa makiiki, tamaa inkoh kaa mumut kixin marah gantah kinni.

Cibraan 1:13

Malaykutko: “Ku nacabtoolitik ku ibih dokka akko abandah Yi mizgi gabooko defee” miyak yerhxeh yaarhige?

Cibraan 1:3

Usuk Yallih nabnehi zifo kee igric-ishen kaa khulqhahi xibar le tiya yekkeh, ummannim ishi waanittahi xaylah daw-isha. Zambi tsitstsaye abek sarrah lel, agana yane naba nabne le Yallahi mizgi gabooko defeye.

Cibraan 10:14

Tamaa yinqiddiseh yane marak lel inki muttuxuwah abeh umman gedih naqhuse hin mara akko abeh yane.

Cibraan 10:33

Wuliili gedda xiyaw nifille wattimteenih sareena sinak raddeyaako biyaakitten, wuli gedda lel ta gina lem geye marahi zooba tekkin.

Cibraan 11:36

Gari lel ilaacimak kee sabciimak waaxelsiiten, katiinah yumudhdhuwiinih gantah yimxibbishin.

Cibraan 12:3

Tantaanamko hido niya ciddaanamko ciloh, tamaa zambi-wannunhi nacabo cure tiya macalsita.

Cibraan 13:13

Amaydo, nanu gantah usuk kabbaate waato curneyaako, amaa sifraako irolle nadawo.

Cibraan 5:9

Naqhuse hin tiya yekkeh lel tamaa inkoh kaa yaabbe marah umman geedit garger-hi raxeena akah yekke.

Cibraan 7:19

Amayim lel, sercat walaa inkimik naqhuse hinam akko abo mirhiicamhi sabbatah kinni. Wuli gabooko laakin, nanu Yallalle akah nandhawwo dhicna, yashshe cag geytimemhi sabbatah kinni.

Cibraan 8:1

Kado tamaa narhxo farhne gondo tatiyä kinni: nanu tamaa carshelle yane naba nabneh nugus-kursehi mizgi gabooko defeyeh yane naba shekh lino.

Cibraan 9:28

Amayim balih, mango marahi zambe yaaqhaco ciloh, inki gedda sadaqha yekke Masiix lel, zambi zan abo akkekkah, tamaa hambereeroolih kaa ilaala mara gargeero malammit gedda yamballawo kinni.

Yacqoob 2:1

Yi saculo, tamaa nabnet Maddara kin ni Maddara Yeesus Masiixidde yane imaan akah litiiniikah babbarhishnan maabina.

1 Bithroos 1:11

Tamaa tenadde yine Masiix Ufayi awlih xiyawto kee awlih waqhtehi zacabah arhxuk yinem yimirmirin. Tayim tekkem lel tamaa Ufayi, Masiix waaxelta kee katayta kaa nabnehi zacabah yookomeh yishhide gedda kinni.

1 Bithroos 3:18

Masiix gantah wuli gedda zambi-wannunuh waaxelsiite. Tayim abem lel xaqqi-wanna kinni hanuk, Yallalle ni baaho ciloh, xaqqi-wannun akkinnixe marah arhxuk inki geddalle umman tiyah waaxelsiite. Xazottaako kaa yigdifin, ufayeko lel yane tiya yekke.

1 Bithroos 3:22

Usuk carshelle yewceyaako, Yallih mizgi gabooko yane. Amalle lel malaykut, reezon kee xaylit akah angizzuuk yanin.

Yahuuda 1:21

Tamaa umman geedit aniina xiyaa guddussa ni Maddara kin Yeesus Masiix raxma ilaalak Yallih kaxanodde sinne ibbirhanta.

Waxye 1:11

Amaa dhaw: “Tablem kitaaballe uktubaaki malxina kaniisa fanah Efesos, Simurna, Bergamos, Tiyateyra, Sardis, Filadelfiya kee Lawdikeya fanah dhirhii” yok yerhxe.

Waxye 1:17

Anu kaa uble gedda, rabe tiya balih iballe akko rade. Usuk laakin, mizgi gaba yolle hayeyaako tahe yok yerhxe: “Mimashshiitin, anu erhedhdho kee sarroorimta kiyo,

Waxye 1:8

“Anu Alfa kee Oomeega kiyo” yarhxe Maddara kin Yalli: “Yane tiya, yine tiya, yamaato le tiya, Nabamko Naba tiya kiyo.”

Waxye 2:8

Simurnalle tane kaniisahi malaykattolle taginah alle uktub: “Tamaa rabeyaako aniinalle gaxe erhedhdho kee sarroorimti tayim arhxuk yane: