Cibraan 12:16 - Saaho Cusub Cahde

¹⁶ Walaa inki uma-xibarli, hido lel tamaa inki gedda beeto ciloh ishi riishinnat xaqqe yeebexe Ceesaw balih, Yallih mashshi hinti sinadde yanniyek selitanta.

Cibraan 12:16 Iomraidhean Croise

Waxye 22:15

Irolle yane mari lel kaara, shirxe aba mara, uma-xibarlit, nabsi-wannun, asnaamah tacbudem kee zirab kixinah aba mara kinon.

Cibraan 13:4

Waasibo ummanille xishma geytoo, Yalli uma-xibarlit kee yazniye mara yafrado kinamhi sabbatah, waasibot carat xalaaleh yandhabbarhoo.

Fartottit hi Abittot 15:29

amaye lel, asnaamah tumruxxudemhi xazo, biilo, tibtikem kee uma-xibarko sinne tabbirhiinim kinni. Tayimko sinne dhawudhdheenimko, mecem abtoona kitin. Nagaa tika.”

Markos 7:21

Amayim lel xiyawti afcaadooko, uma xisaab, uma-xibar, garca, gidfo,

Waxye 21:8

Tamaa gilixlit, imaan hinam, batakna kinam, nabsi-wannun, uma-xibarlit, shirxe abtam, asnaamah tacbudem kee inkoh zirablit, ten gide lel gira kee kirbitih bolola igil kinni. Tayim lel malammit raba kinni” yok yerhxe.

Kolossay 3:5

Amaydo tamaa baarhootim kinam sinadde taneya: uma-xibar, cibdaan, bacaalagino, uma farhi kee tamaa asnaamah yacbudiinim kin hirfe igdifanta.

Efesos 5:5

Uma-xibarli, xaraame kinam abati, hido hirfe leti asnaamah yacbude tiya balih kinya, Masiix kee Yallih nigsinnadde miiraas maleyamah thummut takkoona kitin.

2 Korintos 12:21

Anu malammih amiite gedda, yi Yalli sin nifille yi xoolayshamko, anu lel tamaa basoh zambe abenyaako najaasa, uma-xibar kee cibdaan abak yininyaako atoobinnixe mango marah xazzanowamko mashshiitak aniyo.

1 Korintos 10:8

Tenko gari uma-xibar abeenih inki lellecidde lamaatanna kee adox shixtiya akah rabeeniikah, uma-xibar abno nolle mitane.

Fartottit hi Abittot 15:20

Laakin jawaab alle nuktubeyaako asnaamah masxittem kee uma-xibar, amaye balih tibtikem kee biilooko sinni yabbarhoona akah warishno.

Efesos 5:3

Yinqiddise marahi fanadde takko missilam makiiki, uma-xibar, umbuka xaraame hido hirfe sin fanadde xussuume waytoo.

1 Timoteyos 1:9

Tayim naarhige, sercat akah yewcem xaqqi-wannun akkekkah, sercat-hinam kee akko yarhxiinim aabbinnixe marah, Yallih mashshi hin mara kee zambi-wannunuh, anqiddisinnixe mara kee diin hin marah, sinni abbub kee sinni inon yaatuke mara, nabsi-wannunuh,