Cibraan 11:7 - Saaho Cusub Cahde

⁷ Nuux lel, Yalli tamaa kaddih tumbulluweh sodhdhamhi zacabah kaa asuuseyaako, dhacuma Yallih mashshiilih ishi xawaz akah gargeera naba doonik imaanah siraaxe. Taymih caalam cadaleyaako tamaa imaanah yamiite xaqqe yiwrishe.

Cibraan 11:7 Iomraidhean Croise

Maatiyos 2:12

Heerodes fanah gaxaanamko Yalli soonoh ten asuusemhi sabbatah, aki araxko sinni baarho gaxen.

Maatiyos 24:15

Nabii Daaniyeel yerhxeh yine ‘batakna kin cayne’ quddus kin makaanolle tablin gedda (tamaa yaqhriyeti macalsiito),

Maatiyos 24:25

Taykinna, ookomeh sinah warisheh aniyo.

Maatiyos 24:38

Cilish weecaako basolle aykee Nuux naba doonikidde orobandah, beetak kee aacubuk yinin, amayim balih marcishitak kee marcishimak yiniinimko,

Maatiyos 3:7

Mango Faarisiin kee Tsadduuqhiim kaa anthammaqhalle amiituk yuble gedda: “Ko datali zarawo! Amiituk tane kuraako kuddoona mii sin asuuse?

Luukas 17:26

Nuux waqhtedde akah tekkeh tineeka balih lel, Xiyawti Barhih waqhtedde takko kinni.

Rooma 1:17

Tamaa: “Xaqqi-wanna imaanah maro kinni” yarhxiinim tunkuttubeh akah taneekah, Yallih xaqqi erherhaako abayshima fanah imaanah caddoweh yane.

Rooma 10:6

Imaanah yamiite xaqqi laakin tahe yarhxe: “Ishi afcaadodde: ‘Masiix ulluso, Carshelle korto lem miyatto kinni?’” marhxin.

Rooma 3:22

Inkoh yaamine marah Yallih xaqqi, Yeesus Masiixidde lon imaanhi araxah akah yomxoyeh yane. Taymidde barhsi miyane.

Rooma 4:11

Askok-kalum abekkah, imaanah xaqqi-wanna yekkemhi maxtamah, askok-kalum tuumarah kabbaate. Amaymih lel, sinni imaanah xaqqi-wannunudde loyyiimoona ciloh, tamaa inkoh askok-kalum abekkah yeemene marah abba yakko ciloh kinni.

Rooma 4:13

Abraahim kee kaa zarah sayen wacdi, usuk caalamti waarish yakko kinam, sercatah makiiki, imaanah geytima xaqqe kinni kuuk yinem.

Rooma 9:30

Ayim narhxo kinni haye? Xaqqe wagiinnixe Aki-mari, imaanah yamiite xaqqe geyen;

Galaatiya 5:5

Nanu laakin ninneh, Ufaye araxah, tamaa atxaqqaqhti caghi imaanah hambereeroolih ilaalak nane.

Filibbi 3:9

Tayim lel tamaa sercat araxah inni atxaqqaq akkekkah, Masiix imaanhi araxah Yallaako kin atxaqqaq akah geyaakah kinni.

Cibraan 11:1

Kado lel imaan tamaa cag adde linom takko kinamah thummut nok aba, ambulluyinnixem tanem lel ni yashshimine.

Cibraan 12:25

Tamaa sinlih waanishak yane tiya taabboona xintaanak selita. Amayim lel, tamaa baarholle ten asuuseyaako kaa yaabboona xine mari assaace wayeenik sarrah, carsheeko noolih waanisha tiya naabbo xinnemko, nanu kaako nassaaco dhicno makino.

Cibraan 5:7

Yeesus tamaa xazotta kuuk yine gedda, rabaako kaa gargeero dhiice tiyalle, naba zeero kee dhiimoolih dhaaco kee dhaacimto kab-ishak yine. Amnonobba hin kaa am-azzazti sabbatah lel Yalli kaa yoobbe.

Cibraan 8:5

Usun tamaa carshelle tanemhi misle kee silal yakhdume mara kinon. Amaymih kinni Moosa Yallahi reedo yatkalo kab-yerhxe gedda Yalli: “Ummanim tamaa koomalle akah koh yumbulluweekahi xibarah akah abtaakah ab” arhxuk akah yesxessem.

1 Bithroos 3:20

Ta mari lel kalxa tamaa Nuux naba doonik siraaximak, Yalli sabreelih ten ilaalak yine gedda, yaabbo xine mara kinoonimhi sabbatah kinni. Tamaa naba doonikidde tinemko lel dago mari, wuli baxxara xiyawti layeh yisillimin.

2 Bithroos 1:1

Yeesus Masiix garuzza kee fartotta kin Simcoon Bithroosko, tamaa Yalla kee Gargeereena kin Yeesus Masiix xaqqehi araxah nottaalih lem kin imaan kabbaate mara fanah:

2 Bithroos 2:5

tamaa kalxit caalam xabekkah, Yallih mashshi hin caalamalle weeca baahe gedda laakin, tamaa xaqqi warroysheena kin Nuux baxxara ishi amoh raacishemko;

2 Bithroos 3:6

Tayimhi araxah lel amaa geddadde tine caalam layeh weecitteh telee.