12 Masiix laakin, inki muttuxuwa umman gedih takkeya, zambeh arhxuk yoxoye gedda, Yallih mizgi gabooko defeyeh,
Maddara kin Yeesus, tenlih waanishek sarrah, carshelle yumuqquceyaako, Yallih mizgi gabooko defeye.
Amaa yaqhtsiceti lel miyatto kinni? Tamaa rabeti, amayimko ziyaada lel, rabaako uguteti, Yallih mizgi gabooko yaneti, ni idhdhadde lel noh tillaabati Masiix kin Yeesus kinni.
Tamaa Masiix ni yikxineyaako mece ure kee beezza yekkeh nottah arhxuk Yallah ishe akah yoxoyekah, atin kaxanodde gerhanta.
Masiixlih rabaako ugutteenih tekkiinimko, tamaa agana Masiix Yallih mizgi gabooko alle defeyeh yanelle tanem wagiyanta.
Usuk Yallih nabnehi zifo kee igric-ishen kaa khulqhahi xibar le tiya yekkeh, ummannim ishi waanittahi xaylah daw-isha. Zambi tsitstsaye abek sarrah lel, agana yane naba nabne le Yallahi mizgi gabooko defeye.
Ta Yallih farhih lel inki gedda umman gedih, Yeesus Masiix nabsehi sadaqhahi araxah yinqiddise mara nekkeh nane.
Tamaa yinqiddiseh yane marak lel inki muttuxuwah abeh umman gedih naqhuse hin mara akko abeh yane.
Naba shekh akkinnanti xiyawko doorimah kinni, xiyaw idhdhadde Yallah muttuxuwa yaxaw kee zambeh sadaqha abo ciyyo akah tamxayem.
Amayimhi sabbatah lel, tamaa xiyawah akah abaakah, ishi idhdhadde gantah zambi sadaqha abo kaalle tane.
Usuk inki geddalle umman gedih umman tiyah ishe yisiddiqhemhi sabbatah, tamaa naba sheekha balih, erherhih ishi zambeh, sarrah lel xiyaw zambeh arhxuk maaxi yamaato sadaqhat yaxaynim kaa mifarhshishsha.
Kado tamaa narhxo farhne gondo tatiyä kinni: nanu tamaa carshelle yane naba nabneh nugus-kursehi mizgi gabooko defeyeh yane naba shekh lino.
amaa ummanimko quddus kin makaanodde umman tiyah inki geddalle orobe. Tayim laakin dabel kee rugaaget biilohi araxah akkekkah, ishi biiloh umman geedit muuca xiyaa geyshishe.
Masiix biili isheh abar hinnim tamaa umman geedit Ufayehi araxah Yallah yomxoyeh yaneya, tamaa yane Yallah nacbado, rabi katayishsha ciyyooko ni niya amayimko mangum aysiffiye le?