Cibraan 10:10 - Saaho Cusub Cahde

¹⁰ Ta Yallih farhih lel inki gedda umman gedih, Yeesus Masiix nabsehi sadaqhahi araxah yinqiddise mara nekkeh nane.

Cibraan 10:10 Iomraidhean Croise

Yohannis 17:19

Usun rummadde yanqaddasoona ciloh tenah arhxiyuk inne aqhiddise.

Yohannis 19:34

Wuli caskarti laakin maxaarhoh abeh masangaleeko kaa mudeh, akkanih biilo kee laye akko tewce.

Yohannis 6:51

Anu aniina-le folo carsheeko obteya kiyo. Ta folooko beetinnanti, umman geddah maro kinni. Ta caalamti aniinah axawo liyo folo lel yi xazo kinni” yerhxeh alle yedebbe.

1 Korintos 1:30

Atin kaa sabbatah Yallih kas, xaqqe, anqaddas kee muuca noh yekke Masiix kin Yeesusudde kinni taniinim,

1 Korintos 6:11

Sinko gari lel ta gina le mara kuuk yinin. Laakin atin Maddara kin Yeesus Masiix migacalle, ni Yallahi Ufayeh cakalteenih, yinqiddise mara tekkiinih, xaqqi-wannun tekkiinih tinin.

Efesos 5:2

Tamaa Masiix ni yikxineyaako mece ure kee beezza yekkeh nottah arhxuk Yallah ishe akah yoxoyekah, atin kaxanodde gerhanta.

Efesos 5:26

Amayim lel, ishi waanittah layet cakalso akko abeyaako yiythihireh, tee yayqaddaso ciloh;

Cibraan 10:12

Masiix laakin, inki muttuxuwa umman gedih takkeya, zambeh arhxuk yoxoye gedda, Yallih mizgi gabooko defeyeh,

Cibraan 10:14

Tamaa yinqiddiseh yane marak lel inki muttuxuwah abeh umman gedih naqhuse hin mara akko abeh yane.

Cibraan 10:20

tamaa usuk ishi nabsehi araxah noh faake golodde cusub aniinahi arax geynek sarrah,

Cibraan 10:29

Yallih Barhadde yeeceteti, tamaa usuk akah yinqiddise cahdi biilo lel masxisheti, tamaa nicmat Ufayeh lel waatimeti, ayidhdha amayimko uma maqhtsacti akah eeddah sinalle higgida?

Cibraan 10:5

Amayimhi idhdhah, Masiix ta caalamalle yemeete gedda, tahe yerhxe: “Sadaqha kee muttuxuwa mifarhinnito, laakin asiddiqhe nabse yoh tisqirribe.

Cibraan 13:12

Yeesus gantah xiyaw ishi biiloh yayqaddaso ciloh, amaa daafot carafko irolle bixna yuble.

Cibraan 2:11

Amayim lel tamaa yayqiddise tiya kee yanqiddise mara inkikkeeko kinoonimhi sabbatah kinni. Amaymih kinni lel “yi saculo” yerhxeh akah deecimo xoolashshiite wayem.

Cibraan 2:14

Amaydo, tamaa kaa cindham xazo kee biilo le mara yekkiinik sarrah, usuk lel isheh amayim balih tenim beye; amayim lel ishi rabih tamaa rabit xayla le ibliis yaylawo ciloh kinni.

Cibraan 5:7

Yeesus tamaa xazotta kuuk yine gedda, rabaako kaa gargeero dhiice tiyalle, naba zeero kee dhiimoolih dhaaco kee dhaacimto kab-ishak yine. Amnonobba hin kaa am-azzazti sabbatah lel Yalli kaa yoobbe.

Cibraan 7:27

Usuk inki geddalle umman gedih umman tiyah ishe yisiddiqhemhi sabbatah, tamaa naba sheekha balih, erherhih ishi zambeh, sarrah lel xiyaw zambeh arhxuk maaxi yamaato sadaqhat yaxaynim kaa mifarhshishsha.

Cibraan 9:12

amaa ummanimko quddus kin makaanodde umman tiyah inki geddalle orobe. Tayim laakin dabel kee rugaaget biilohi araxah akkekkah, ishi biiloh umman geedit muuca xiyaa geyshishe.

Cibraan 9:14

Masiix biili isheh abar hinnim tamaa umman geedit Ufayehi araxah Yallah yomxoyeh yaneya, tamaa yane Yallah nacbado, rabi katayishsha ciyyooko ni niya amayimko mangum aysiffiye le?

Cibraan 9:26

Amayim yakkeedo, ta caalam dhishshimtemko taahe gabbabbaaceh waaxelsiitak anniye dhaarhe. Kado laakin, zambe kalo ciloh inki geddalle umman gedih, ishe yisiddiqheyaako, zaban abayshimadde yumbulluwe.

Cibraan 9:28

Amayim balih, mango marahi zambe yaaqhaco ciloh, inki gedda sadaqha yekke Masiix lel, zambi zan abo akkekkah, tamaa hambereeroolih kaa ilaala mara gargeero malammit gedda yamballawo kinni.

1 Bithroos 2:24

Zambeh rabneh xaqqedde marno ciloh, usuk isheh ni zambe tamaa masqal camiddakke takarime ishi nabsekke yooqhoce. Atin kaa biyokuh kinni urteenih taniinim.

1 Bithroos 3:18

Masiix gantah wuli gedda zambi-wannunuh waaxelsiite. Tayim abem lel xaqqi-wanna kinni hanuk, Yallalle ni baaho ciloh, xaqqi-wannun akkinnixe marah arhxuk inki geddalle umman tiyah waaxelsiite. Xazottaako kaa yigdifin, ufayeko lel yane tiya yekke.

1 YOHANNIS 5:6

Laye kee biiloh Yemeeteti tatiya kinni: Yeesus Masiix. Amaa layeh bisa maki, laakin amaa layeh kee amaa biiloh [yemeete]. Quddus kin Ufayi amaa rumma kinamhi sabbatah, amaa Ufayi lel yashhide tiya kinni.