Cibraan 1:8 - Saaho Cusub Cahde

⁸ Ishi Barhahi zacabah laakin: “Ko yi Rabbiyo, ku nugus-defeena, umman gedda kee umman gedih kinni, ku xaqqehi ilo lel ku nigsinnahi ilo kinni.

Cibraan 1:8 Iomraidhean Croise

Yohannis 10:30

Yotta kee yi Abba inketta kino” yerhxeh alle yedebbe.

Yohannis 10:33

Yahuud: “Mece waanih makiiki waatoh kinni dhayit kolle cidno linom, amayim lel atu xiyawto kito hanuk, ishek Yalla abtemhi sabbatah kinni” yerhxiinih alle yedebbin.

Yohannis 20:28

Toomaas: “Yi Maddara, yi Rabbiyo!” yerhxeh alle yedebbe.

Rooma 9:5

Abbub ten mara kinon, Masiix lel xazottah tenko rada. Usuk ummanimhi bukalle Yalla kinnik, umman gedda fayla geyoo! Amin.

1 Korintos 15:25

Amayim lel ishi nacabtoolit inkoh ishi ibahi geridde hayandah yangaso kaalle tanemhi sabbatah kinni.

1 Timoteyos 3:16

Rumma lel Yallih mashshih mashthir naba tiya kinamah nashhide: Xiyawti xazotta yekkeh yumbulluwe, xaqqi-wanna kinam Ufayeh yimidhdhige, malaykutuh yumbulluwe, wathunti fanadde warroye, caalamalle akah yeemenin, nabnedde lel yumuqquce.

2 Bithroos 1:11

Taginah lel tamaa ni Maddara kee Gargeereena kin Yeesus Masiix nigsinna umman geedityadde orobaanam, xindaalih sinah tamxawo kinni.

1 YOHANNIS 5:20

Yallih Barhi yemeeteh yanem, rumma kin tiya naarhago ciloh fahme noh yoxoyeh yanem naarhige. Nanu lel rumma kin tiyadde, kaa Barha Yeesus Masiixidde nane. Tati amaa rummaahit Yalla kee umman geedit aniina kinni.