Cibraan 1:2 - Saaho Cusub Cahde

² Ta abayshimat lelleecadde laakin, tamaa ummanim yawrishe tiya akko abeh, ta caalam gantah kaa araxah akko yukhluqhe, ishi Barhahi araxah noolih waanisheh yane.

Cibraan 1:2 Iomraidhean Croise

Maatiyos 13:39

Amayim yizriye nacabtooli lel ibliis kinni. Amaa orbi lel waqhti abayshima kinni. Amaa yaciyye mari lel malaykut kinon.

Maatiyos 17:5

Bithroos kaddih waanishak anih lel, taykinna, ifooko temmeege camburre ten agoogishsheyaako, carsheeko wuli dhaw camburredde: “Tati yinkixxine yi Barha kinni. Anu kaalih xedeneena kiyo. Atin kaa oobbaanta” yerhxe.

Maatiyos 21:38

Amaa baclaysheenit laakin amaa barha yublin gedda sinne-sinneh: ‘Tati waarish kinni. Amowa, kaa nigdifeh kaa miiraas akko beynoo’ yerhxin.

Maatiyos 26:63

Yeesus laakin miwaanishinna. Naba shekh lel: “Atu Masiix, yane Yallih Barha tekkemko noh warishsho ku agizziziyuk ane” akko yerhxe.

Maatiyos 28:18

Yeesus lel kab-yerhxeh: “Umbuka reeza carshe kee baarholle yoh tomxowweh tane.

Maatiyos 3:17

Taykinna lel, dhaw carsheeko: “Tati yinkixxine yi Barha kinni. Anu kaalih xedeneena kiyo” yerhxe.

Markos 1:1

Yeesus Masiix, Yallahi Barha kinyahi, Mece Warih erherha.

Markos 12:6

Yakko kibah aketto, isheh kixin barha luuk yine. Abayshimalle: ‘Yi barha xishmatoona kinon’ yerhxeh ishi barha alle dhirhiye.

Markos 12:7

Amaa cinab dhagehi baclaysheenit laakin: ‘Tati waarish kinni. Amowa, kaa miiraas nottah yakko kinnik kaa nagdafowaa’ sittiyak yerhxin.

Yohannis 1:10

Usuk caalamalle yine, caalam lel Kaa araxah tekke. Yakko kibah laakin caalam kaa maarhaginna.

Yohannis 1:14

Waanitta xazotta tekkeh lel ni fanadde sigte. Yallaako inketta bisa kin Barha hi nabenta, nicma kee rummaako yemmeegeyahi nabne lel nubleh nane.

Yohannis 1:3

Ummannim lel tee araxah tekke. Umbuka tunkhulluqhemko lel tee araxah akkinnixemko walaa inkim adde mitane.

Yohannis 13:3

Yeesus lel Abba umbukaahim kaa gabadde akah hayem, usuk Yallaako yemeetem kee Yalla fanah aduuk yanem yeerhege.

Yohannis 13:32

Yalli kayyadde yenebemko, Yalli gantah kayya ishedde yaynabo kinni. Akkanih lel kaa yaynabo kinni.

Yohannis 15:15

Garuzzi kaa maddari abam miyaarhigemhi sabbatah, kamboh garuuza sinak maarhxe. Anu inni Abbaako oobbeh aniyom inkoh sin iyshidhdhigeh aniyomhi sabbatah, laakin yi soxoba sinak erhxeh aniyo.

Yohannis 16:15

Yi Abbahim akkinnannim inkoh yim kinni, amaymih kinni lel tamaa yim beyeyaako sinah warisho kinni erhxem.

Yohannis 17:2

Tamaa atu akah toxoyeh tanito marah umman geedit aniina yaxaw ciloh, umbuka xiyawhi bukalle reeza akah toxoyeh tanito.

Yohannis 3:16

“Yalli caalam mangum yikxinemhi sabbatah, kayyah aamininnanti yalayemko, umman geedit aniina geyo ciloh, inkettak le ishi Barha yoxoye.

Yohannis 3:25

Kado lel Yohannis katattaynitko garo kee wuli Yahuuddi fanadde thahaarat zacabah zagaxa ugutte.

Yohannis 5:26

Abba aniina ishedde lemhi sabbatah, Barhi gantah aniina ishedde yaallo akah yoxoyeh yane.

Yohannis 5:27

Usuk Xiyawti Barha kinamhi sabbatah, firde abo reeza akah yoxoyeh yane.

Yohannis 9:29

Yalli Moosaalih waanishem naarhige, ta xiyawti awlaako amiituk yanem laakin minaarhige” yerhxin.

Fartottit hi Abittot 10:36

Yalli umman tiyahi Maddara kin Yeesus Masiix araxah abeh Israa-eel cindhamalle salaam mece ware warroyshak farem ta farto kinni.

Fartottit hi Abittot 2:17

‘Abayshimat lelleecadde tayim takko kinni, yarhxe Yalli: Anu inni Ufaye umman xiyawalle xarho kiyo, sin sayto kee sin dhaylo nabii balih waanishoona kinon, sin gombole mablol yabloona kinon, sin baarrit soono soonitoona kinon.

Rooma 1:4

Anqaddasti Ufayehi gabooko lel, Yallih Barha kinam rabaako uguteyaako, xaylah yuybulluwe. Usuk Yeesus Masiix ni Maddara kinni.

Rooma 8:17

Amaydo, Yallih cindham nekkemko, Yallih waarish kino, Yallih waarish nekkemko lel inkidde Masiixlih waarish kino. Kaalih waaxelta nengelemko gantah kaalih nanabem takke.

1 Korintos 2:7

Nanu waanishnam, tamaa dherh waqhtih basolle Yalli ni nabneh yisqirribe yine mashthir kee sucuteh yine Yallih kas kinni.

1 Korintos 8:6

Nottah laakin inki Yalli yane, amaati lel Abba kinni. Ummannim kaako kinni, nanu lel kayyah marna. Inki Maddari lel yane, amaati lel Yeesus Masiix kinni. Ummannim kaa araxah kinni, nanu lel kaa araxah marna.

Galaatiya 4:4

Amaa yikmile waqhti gufe gedda laakin, Yalli ishi Barha fare, usuk numaako yooboke, sercat geridde yooboke.

Efesos 1:10

Tayim lel amaa usuk xagarah leya waqhti gufa gedda, inkoh carshe kee baarholle tanem, umbukaahim inkoh kayyadde tiya takko ciloh kinni.

Efesos 3:9

Tamaa ummanna yukhluqhe Yalladde dherh waqhte sucuteh yine mashthir hi xagara aymotta kinam umman tiyah caddoyishaanam yoh tomxoye.

Cibraan 1:5

Amayim lel Yalli malaykutko awlih tiyak: “Atu yi Barha kito, kaafa ku baaheh aniyo” yerhxeh yaarhige? Hido lel, “Anu kaa abba akko kiyo, usuk lel yi barha yakko kinni” akko yerhxeh yaarhige?

Cibraan 1:8

Ishi Barhahi zacabah laakin: “Ko yi Rabbiyo, ku nugus-defeena, umman gedda kee umman gedih kinni, ku xaqqehi ilo lel ku nigsinnahi ilo kinni.

Cibraan 11:3

Umbuka caalam Yallih waanittah tunkhulluqhem akah naarhigem imaan araxah kinni, ta kado nablem lel tambulluwemko siraaximtem maki.

Cibraan 2:3

nanu tayidhdha naba garger xinnemko, aaginah nassaaco dhicna? Ta garger erherhih Maddari warroysheya, tamaa kaa yoobbe marahi araxah noh caddoyteh tine.

Cibraan 3:6

Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

Cibraan 4:14

Amaydo, carshelle kore nabamko naba shekh kin Yeesus, Yallih Barha linomhi sabbatah, ninni shahaadalle qath-narhxoo.

Cibraan 5:8

Usuk barha kuuk yine hanuk, tamaa waaxelsiitemhi araxah yam-izziziinim labcaade.

Cibraan 7:28

Sercat tamaa rukut marak naba sheekha aba, tamaa sercatko sarrah temeete dhiiwat canqara laakin, kaamil kin tiya umman geddah yekke Barhak naba shekh abta.

Cibraan 7:3

Usuk abba male, ina male, waalido male, waqhti erhedhdhö yakko aniinat abayshima male, laakin Yallih Barhah yimmingideh umman geedit shekh yekkeh mara.

Cibraan 9:26

Amayim yakkeedo, ta caalam dhishshimtemko taahe gabbabbaaceh waaxelsiitak anniye dhaarhe. Kado laakin, zambe kalo ciloh inki geddalle umman gedih, ishe yisiddiqheyaako, zaban abayshimadde yumbulluwe.

1 Bithroos 1:20

Usuk caalam dhishshimtemko basolle yimidhdhige tiya kuuk yine hanuk, abayshimat waqhtedde sinah arhxuk yumbulluwe.

2 Bithroos 3:3

Abayshimat lelleecadde, sinni uma farhi katattaak, tsaggarowa mari tsaggarowak yamaatoona kinoonim, ummanimko basolle tayim irhiga.

Yahuuda 1:18

Usun: “Tamaa abayshimat waqhtedde, Yallih mashshi hin sinni farhi kataa, tsaggarowa mari yamaatoona kinon” arhxuk sinah warisheenih yinin.