2 Bithroos 3:7 - Saaho Cusub Cahde

⁷ Laakin tamaa kado yane caran kee baarho firdi lellec kee tamaa Yallih mashshi hin mari yalaynindah, amaa waanittah dhawrhumeenih girah yinqirribiinih yanin.

2 Bithroos 3:7 Iomraidhean Croise

Maatiyos 10:15

Firdi max, amaa daafooko, Sodom kee Camoraati baarhoh yar-haw kinam, rummah sinak arhxiyuk ane.

Maatiyos 11:22

Laakin amaa firdi max sinko ziyaada Tsoor kee Tsiidoonuh yar-haw kinam sinah warisha.

Maatiyos 11:24

Laakin amaa firdi max sinko ziyaada Sodom baarhoh yar-haw kinam sinah warisha.”

Maatiyos 12:36

Amaa firdi max xiyaw inkoh amficinnixe waani waanishanyah xisaab geyoona kinon.

Maatiyos 24:35

Caran kee baarho inkoh tillaaboona kinon, yi waani laakin tillabto maki.

Maatiyos 25:41

Guri gabooko yane marak lel: ‘Ko abaarolito, tamaa ibliis kee kaa malaykutuh tinqirribeh tane umman geedit gira fanah yok aduwa.

Markos 6:11

Akkinnan makaano sin kabbaate waytemko kee sin aabbe waynimko, tadiin gedda, tenalle shaahid takko ciloh sin ibak tane dorona alle urgufa” akko yerhxe.

Yohannis 12:48

Tamaa yi xinayaako, yi farto kabbaatinnixe tiya lel kaa yafrideti yane. Anu waanisheh aniyo waani, abayshimat lellec kaa tafrado kinni.

Rooma 2:5

Ishi kafna kee afcaadot tiraareh tamaa xaqqe kin Yallih firdi adde yambulluwe kurat lellecih, atu isheh ishelle kura ascukuruk tanito.

1 Korintos 3:13

amaa lellec isheh yayballaw kinamhi sabbatah, umman tiyahi ciyyo tamadhdhago kinni. Amayim lel amaa ciyyo girah tamadhdhago kinamhi sabbatah ummanti ciyyooko ayim abem, amaa gira isheh tacakkano kinni.

Filibbi 1:28

Farhinnannimih lel tamaa sin didde kin maraako mimashshiitina. Tayim tamaa Yallaako kin, tenah liya, sinah laakin gargerti cado ishaara kinni.

2 Tessaloniike 2:3

Farhinnan ginah walaa inketti sin doolabe wayoo. Amayim lel yookomeh Yallih xinayyi amiitekkah, sercat-male kin xiyawti liyaati barha kinya lel amidhdhigekkah, amaa maaxi yamaato makinamhi sabbatah kinni.

1 Timoteyos 6:9

Tamaa gaddaalito farha mari laakin cakana, machchawaadiya kee mango macna hin uma farhidde radan. Tayim abras kee liyadde xiyaa ciddam kinni.

Cibraan 12:29

Amayim lel ni Yalli xiyaa bakta gira kinamhi sabbatah kinni.

2 Bithroos 2:9

tayim taginah yekkemko, Maddari lel tamaa kaa mashshiita mara cakanaako aaginah ten yayyaacem kee tamaa xaqqi-wannun akkinnixe mara maqhtsactit geridde tamaa abayshimat firde fanah aaginah ten yabbirhem yaarhige.

2 Bithroos 3:10

Maddari lellec laakin garceena balih yamaato kinni. Amaymik sarrah, caran goroxak tillaabo kinni, carantim lel xarareyaako dalalo kinni, baarho kee baarholle tekke ciyyo xararto kinni.

1 YOHANNIS 4:17

Taginah kaxani nottaalih yikmileh yanem, firdi max fidbe naallo ciloh kinni. Ta caalamalle nanu gantah usuk akah kinniika balih kino.

Yahuuda 1:7

Amayim balih, Sodom kee Camora, kee ten wakalih daafof ten balih uma-xibar aben, labcaadime wayte nabsi farhi aben, umman geedit girah yinqitstsiciinih lel misaal yekkiinih yanin.

Waxye 17:11

Tamaa yineh, kado laakin anniinnixe alluulatti yekkemko, baxar-ya nugus kinni hanuk amaa malxinko kinni. Usuk lel liya fanah yadaw kinni.

Waxye 17:8

Tamaa atu tuble alluulatti, yine tiya, kado laakin anniye waya tiya kinni, adda dherh boozooko lel dhayih yewceyaako liyaati gabolle yadaw kinni. Usuk yine tiya, yane tiya kee yamaato le tiya kinamhi sabbatah, baarho tunkhulluqhemko taahe, aniinat kitaabadde ten migoc akko anniinnixe mari ta baarholle martaya, amaa alluulatto yabliinimih bexsiitoona kinon.

Waxye 20:11

Sarrah naba cado nugus-kurse kee kayyalle defeye tiya uble. Baarho kee caran lel kaako kudaanah yadiin, tenah takke cara lel migeytiminna.

Waxye 21:1

Sarrah cusub caran kee cusub baarho uble, afti caran kee afti baarho tillabteh tanemhi sabbatah lel kamboh bad yannaw maki.