2 Bithroos 3:18 - Saaho Cusub Cahde

¹⁸ Laakin ni Maddara kee Gargeereena kin Yeesus Masiix nicma kee irhgadde carsimanta. Kayyah lel kado kee umman geddah nabne takkoo. Amin.

2 Bithroos 3:18 Iomraidhean Croise

Maatiyos 6:13

Uma tiyaako ni dhawurh kibah, cakanadde ni misayshin.

Yohannis 17:3

Umman geedit aniina tatiya kinni: rummaahit inki Yalla atu bisa kitom kee atu farteh tanito Yeesus Masiix yaarhigiinim.

Yohannis 5:23

Amayim lel tamaa Abba akah xishmataanaakah umman tiyak Barha xishmatoona ciloh kinni. Barha xishmatinnixeti, kayya dhirhiye Abba gantah mixishmata.

Rooma 11:36

Ummannim kaako, kaa araxah kayyalle kinni. Umman gedda nabne kayyah takkoo! Amin.

2 Korintos 4:6

Tamaa: “Ditedde ifi iffoo” yerhxe Yalli, tamaa Yeesus Masiix nifille yumbulluwe Yallih nabnehi irhgat ifo noh yaxaw ciloh, ni afcaadolle ifishe.

Efesos 1:17

Ni Maddara kin Yeesus Masiix Yalli, nabnet Abba kinya, meceetih kaa taarhagoona ciloh kas kee waxyi Ufaye sinah yaxaw dhaaco abak aniyo.

Efesos 4:15

Amayim akkekkah, tamaa kaxanodde rumma waanishneh, ummanimih, kayyadde, tamaa amo kin Masiixidde carsimno nolle tane.

Filibbi 3:8

Rummah, Masiix kin Yeesus, yi Maddarahi agaagim hin irhgahi sabbatah ummanim khasaara kinam balih uble. Kayyah arhxiyuk lel, ummanim akhsiriyuk ane. Kayya aksabo kee kaalih akko ciloh lel ummanim cuduf balih uble.

Kolossay 1:10

Amayim lel, umbuka mece abittoh fire bahtoona kee Yalla aarhigitin tanaboona, Maddarah missil araxah gedhdheenih, meceetih kaa xedenishshoona ciloh kinni.

Kolossay 3:10

Ishi khaaliqhih yammangado lel irhgah yucussube cusub nabse saritteenih tanin.

2 Tessaloniike 1:3

Ni saculo, sin imaan meceetih anabuk, umman tiyak sittiyah litin kaxani lel ammanguk aduuk yanemhi sabbatah umman gedda sin idhdhadde Yallah xamde nadabbo nolle tane.

2 Timoteyos 4:18

Maddari umbuka uma abittooko yi yeyyeeceh nagaadde ishi carshi nigsinnalle yi baaho kinni. Kayyah umman gedda kee umman gedih nabne takkoo. Amin.

1 Bithroos 2:2

Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta,

2 Bithroos 1:11

Taginah lel tamaa ni Maddara kee Gargeereena kin Yeesus Masiix nigsinna umman geedityadde orobaanam, xindaalih sinah tamxawo kinni.

2 Bithroos 1:2

Yalla kee ni Maddara kin Yeesus araxah litin irhgah nicma kee maaxiyo sinah sasantoo.

2 Bithroos 1:3

Yallih xayli, inkoh aniinah kee Yallih mashshih ni farhshishsham noh yoxoyeh yane. Tayim lel kaa zacabah lino irhgahi araxah, ishi nabne kee mecaanille noh deecimeh yane.

2 Bithroos 1:8

Tayim sin asliino tekkeh ziyaadak lel tinniyemko, Maddara kin Yeesus Masiix irhgadde xaraka hin mara hido fire hin mara takkiinimko sin dhawudhdha.

2 Bithroos 2:20

Tamaa ni Maddara kee ni Gargeereena kin Yeesus Masiix meceetih yeerheginyaako ta caalamti xaraameeko kudeh yane mari, gaxeenih amayimidde sawalimenyaako gaba yoxoynimko, aftimko sarraatim alle taczube.

Yahuuda 1:25

ni Maddara kin Yeesus Masiix araxah ni gargeera inkettak yane Yallah waqhti erherhekkahko, kado kee umman gedih nabne, maso, xayla kee reeza takkoo. Amin.

Waxye 1:6

nigsinna nok abeyaako, ishi Yalla kee Abbah sheekha nok abeh yanek, nabne kee reeza umman gedda kee umman gedih kayyah takkoo. Amin.