2 Bithroos 3:11 - Saaho Cusub Cahde

^11-12 Tayim taginah talawo tekkek sarrah, aaginale xiyaw kinni takkoona sinalle tanem? Tamaa Yalli adde yamiite lellec ilaalak kee afishak, tinqiddise aniina kee Yallih mashshiilih kinni martoona sinalle tanem. Amayim lel amaa lellec caran xarareyaako yalaw kee carantim bolah dalalo kinamhi sabbatah kinni.

2 Bithroos 3:11 Iomraidhean Croise

Maatiyos 8:27

Amaa xiyaw lel: “Tati aaginale xiyawto! Igil kee xaaxatta gantah kaa yaabbin” arhxuk cibrah raben.

Rooma 13:11

Waqhte taarhigiinimhi sabbatah, tayim abanta. Atin dhinko adde uguttan saaca gufteh tane. Tamaa adde neemene geddaako ziyaada, garger kado kab noh yerhxeh yane.

Rooma 13:12

Bar bakiteh maaxi kab-yerhxeh yane. Amaydo, ditet ciyyo xabneyaako, ifi aslaxa sarita.

2 Korintos 1:12

Nanu akah cafadnam tayim kinni: ta caalamalle fertoh lel sinlih lino kabkabbot yinqiddise araxah kee Yallaako geytima cado-qalbeh kuuk yinem, ni afcaadohi dhaw nolle yashhide. Tayim lel xiyaw xikmah akkekkah, Yallih nicmah abnemhi sabbatah kinni.

Filibbi 1:27

Sin ablo amiite gedda, hido dherhille aniyuk, inki ufayelle tisbitiinih, mece warehi imaanah inki afcaadoh andufuluk taniinim aabbo ciloh, sin gerhegerh Masiix mece wareh missilam yakkoo.

Filibbi 3:20

Nanu laakin ni sigimi carshelle kinni yanem, amakkeeko lel ni Gargeereena kee ni Maddara kin Yeesus Masiix ilaalak nane.

1 Tessaloniike 1:5

Amayim lel tamaa nanu warroyishna mece wari, waanih bisa makiiki sinalle yemeetem; laakin xayla, Quddus kin Ufaye kee rummaahit ashshamanlih gantah kinamhi sabbatah kinni. Nanu lel sinah arhxinuk, sin fanadde aaginah marak ninem taarhigin.

1 Timoteyos 3:16

Rumma lel Yallih mashshih mashthir naba tiya kinamah nashhide: Xiyawti xazotta yekkeh yumbulluwe, xaqqi-wanna kinam Ufayeh yimidhdhige, malaykutuh yumbulluwe, wathunti fanadde warroye, caalamalle akah yeemenin, nabnedde lel yumuqquce.

1 Timoteyos 4:12

Ku cindhaaneh walaa inketti ku ilaace wayooki, tamaa yaamine marak waanih, adabeh, kaxanoh, imaanah, tsitstsayeh misaal akko ab.

1 Timoteyos 6:11

Kotta yekkemko, ko Yallih xiyawtok, tayimko kud. Xaqqe, Yallih mashshi, imaan, kaxano, curtayyo, mecaani kataa.

1 Timoteyos 6:3

Akkinnanti tamaa rummaahit waani ni Maddara kin Yeesus Masiixya kee Yallih mashshiiko barhsime mazhab yuydurusemko,

1 Timoteyos 6:6

Loonimih yalaggiinih Yallih mashshih yadiinim laakin, naba maksab kinni.

Cibraan 13:5

“Caduruh ku mixaba, ku mathlime” yerhxeh yanemhi sabbatah, sinni aniina solaadit kaxanooko dhawudhdheenih, litiinimih xedeneenit tika.

Yacqoob 1:24

Usuk ishedde kulux-yarhxeh yadiyemhi sabbatah, amaa geddaakoh aagina luuk yinem biyashshiita.

Yacqoob 3:13

Sin fanadde kas-le tiya kee fahaama leti miyatto kinni? Ishi mece xaalah kasle xiyaawinnadde ishi abitto yayballaw.

1 Bithroos 1:15

Laakin tamaa sinah deecimeti quddus akah kinniika balih, atin gantah abinnannimidde inkoh yinqiddise mara tika.

1 Bithroos 2:12

Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.

2 Bithroos 1:3

Yallih xayli, inkoh aniinah kee Yallih mashshih ni farhshishsham noh yoxoyeh yane. Tayim lel kaa zacabah lino irhgahi araxah, ishi nabne kee mecaanille noh deecimeh yane.

2 Bithroos 1:6

irhgaalih lel sinne-yabbirhiinim, sinne-yabbirhiinimlih lel sabre yaalliinim, sabreelih lel Yallih mashshi yaalliinim,

2 Bithroos 3:10

Maddari lellec laakin garceena balih yamaato kinni. Amaymik sarrah, caran goroxak tillaabo kinni, carantim lel xarareyaako dalalo kinni, baarho kee baarholle tekke ciyyo xararto kinni.