2 Bithroos 2:3 - Saaho Cusub Cahde

³ Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

2 Bithroos 2:3 Iomraidhean Croise

Maatiyos 23:14

Ko munaafiqhiin kin sercat dhiiceenit kee Faarisiinik, gubonti carwa tandhucinyaako takaleh salat tayrheerhin. Taymih atin sirii firde geytoona kitin.]

Luukas 18:8

Fitxe tharbazlih akah yaxaw kinam sinak arhxiyuk ane. Yakko kibah, Xiyawti Barhi yamiite gedda, baarholle imaan-le mara geyo kinni?” akko yerhxe.

Luukas 20:20

Amaymih lel usun kaa macalsiitenyaako usuk arhxinnannimidde kaa yibbirhiinih masxadaadari reeza kee mas-uuliyal kaa yaxawna ciloh “xaqqi-wannun kino” yarhxe idhdhiteenit dhirhiyen.

Luukas 22:47

Usuk kaddih waanishak anih, amalle mango xiyaw yemeetin, lamman kee tamanko kin Yahuuda akko yarhxin labhatti lel santishak yine. Usuk kaa fuguto Yeesus gabolle kab-yerhxe.

Yohannis 2:16

Amaa xamaama yaabixe marak lel: “Tayim mirix-isha. Yi abbah carek bicishrat makaano akko maabina” akko yerhxe.

Rooma 16:18

Amayim lel ta gina-le mari, sinni farhi kibah ni Maddara kin Yeesus miyakhdumiinih kinni. Usun mece anrab kee zirabti faylah gar-hite marahi afcaadod doolaban.

2 Korintos 2:17

Yallaako farritime mara nekkeyaako, ninni mece niyah, Yallih nifille Masiix araxah waanishak nanenkah, tamaa mango mara balih, Yallih waani sinni nafaacah yaybiddile mara makino.

1 Tessaloniike 2:5

Akah taarhigiiniikah, nanu alaaliyot waaniilih, hido hirfi takaleh maamaatino, taymih lel Yalli ni shaahid kinni.

1 Tessaloniike 5:3

Xiyaw: “Maaxiyo kee amaan kinni” arhxuk, tamaa soonowa kin numa umlaaloh akah tandhibbirheekah, gar-heeko yalawna kinon, akko yassaacoona lel makinooni.

1 Timoteyos 3:3

askirinnixe tiya, angaacinnixe tiya makiiki mece tiya, anzeegexinnixe tiya, solaadi kixin akke waya tiya yakko kaalle tane.

1 Timoteyos 3:8

Kaniisadde yakhdume mara amayim balih, xishma-le mara, lamma-aflit akkinnixe mara, askirinnixe mara kee kasbi hirfe hin mara yakkoona tenalle tane.

1 Timoteyos 6:5

Tayim lel tamaa rumma hin, niya adde toome marahi fanadde lel, bakitinnixe zagaxa katayishshayaako, tamaa Yallih mashshih yadiinim maksab akah geyan arax kinni yakkaliinim.

Tiitos 1:11

Usun uma maksab geyoona ciloh, yaydarasoona eedinnixoonim aydurusuk diika wahana mari, daw-yarhxoona tenalle tane.

Tiitos 1:7

Kaniisat bukalle macalso abati, Yallih masxadaadari akah kinniikah, akah caddaalimam hin tiya yakko kaalle tane. Yamnanabbe tiya, hido dheh kurraya tiya, hido sakraan, hido mangaaca, hido kasbi hirfe le tiya yakko kaalle mitane.

1 Bithroos 2:8

Amayim balih: “Xiyaa andafisha dhayitto, kee xiyaa cidda duma” kinni yarhxe. Amaa waanitta aabbe wayeenimhi sabbatah andafiten, tayim abaanam lel awwalko ten kelo tekkem kuuk tine.

1 Bithroos 5:2

Sin fanadde tane Yallih meddero zuwanta, qasbiyah makiiki lel, tamaa Yalli akah sin abshiishe dhaarheekah, sinni farhih meceetih macalsita. Amficinnixe kasbeh makiiki lel, mece farhih abanta.

2 Bithroos 1:16

Ni Maddara kin Yeesus Masiix xayla kee kaa mumut hi zacabah sinah warishne gedda, xiyaw siixoh cijaajen tinem-tine katayneh akkekkah, tamaa ninneh nuble kaa nabintahi shohoda kinomhi sabbatah kinni.

2 Bithroos 2:1

Laakin tamaa zirabti nobowa gantah xiyaw addadde akah uguteenih yiniiniikah, sin addadde lel zirabti mudarrisiin ugutoona kinon. Tamaa ten iraarite Wanna gantah xinenyaako, zirabti mazhab liyaatiya suctodde baahoona kee sinni bukalle gaba-lacin liya baahoona kinon.

2 Bithroos 2:9

tayim taginah yekkemko, Maddari lel tamaa kaa mashshiita mara cakanaako aaginah ten yayyaacem kee tamaa xaqqi-wannun akkinnixe mara maqhtsactit geridde tamaa abayshimat firde fanah aaginah ten yabbirhem yaarhige.

Yahuuda 1:11

Usun Qaayin araxalle gerhenyaako, Balcaam abe qalathah solaadit kasbeh sinne yoxoynih, Qorax balih lel zagaxadde teleem kinoonimhi sabbatah, ten careyta!

Yahuuda 1:15

Amayim lel inkoh tena yafrado kee inkoh tamaa Yallih mashshi hin mari inkoh Yallih mashshi hin araxah aben umbuka ten uma ciyyo, amayim balih tamaa Yalla mashshiitinnixe zambi-wannun kaa diddeh waanishen inkoh uma waanih immaan ten ishisho ciloh kinni” arhxuk yookomeh waanisheh yinem kinni.

Yahuuda 1:16

Ta mari tammeererem, cadaleenit kinon. Usun sinni uma farhi kataa mara, faliteenit kee sinni kasbeh laqhlaqha aba mara kinon.

Yahuuda 1:4

Sinni firde bishshiitoona kalxaako alle abayshimte xiyawko gari Yallih mashshi hinya, sin addadde xololeenih orobeenih yanin. Usun tamaa ni Yallih nicma bacaalaginolle yiydilbikiinih inkettak lino ni Wanna kee Maddara kin Yeesus Masiix xineenih yanin.

Yahuuda 1:7

Amayim balih, Sodom kee Camora, kee ten wakalih daafof ten balih uma-xibar aben, labcaadime wayte nabsi farhi aben, umman geedit girah yinqitstsiciinih lel misaal yekkiinih yanin.