2 Bithroos 2:14 - Saaho Cusub Cahde

¹⁴ Usun zinat farhiiko yemmeege, zambeeko lel daw-arhxinnixe intit leyan. Tamaa asbitinnixe mara lel dufuffuwan. Usun hirfe labcadde afcaado leyan. Abaarime cindham lel kinon.

2 Bithroos 2:14 Iomraidhean Croise

Maatiyos 12:34

Ko datali zarawo, temmeege afcaadooko af waanishamhi sabbatah, uma mara kitin hanuk mecem aaginah waanishshoona?

Maatiyos 23:14

Ko munaafiqhiin kin sercat dhiiceenit kee Faarisiinik, gubonti carwa tandhucinyaako takaleh salat tayrheerhin. Taymih atin sirii firde geytoona kitin.]

Maatiyos 25:41

Guri gabooko yane marak lel: ‘Ko abaarolito, tamaa ibliis kee kaa malaykutuh tinqirribeh tane umman geedit gira fanah yok aduwa.

Maatiyos 5:28

Anu laakin, numadde duumeh kulux-yerhxeti ishi afcaadodde teelih mece geddaakoh yizniyeh yanem sinak arhxiyuk ane.

Markos 13:22

Amayim lel zirabti masiixiin kee zirabti nobowa uguteenih, dhiiceenimko, amaa Yalli doore mara doolaboona ciloh ishaarar kee bexsishsham aboona kinon.

Yohannis 5:44

Atin sinne-sinneeko nabne kabbattaanah, tamaa inki Yallaako geytimta nabne wagiinnixe marak aaginah taamanoona kitiini?

Rooma 16:18

Amayim lel ta gina-le mari, sinni farhi kibah ni Maddara kin Yeesus miyakhdumiinih kinni. Usun mece anrab kee zirabti faylah gar-hite marahi afcaadod doolaban.

1 Korintos 11:19

Sinko xaqqedde yane mari yamadhdhagoona ciloh, sin fanadde barhsi yakko alle tane.

Efesos 2:3

Nanu gantah tena balih inkoh ninni xazottahi duume abnak, ninni nabse kee niyat farhi balih marak nine. Beexin mara balih lel kurat cindham kuuk nine.

Efesos 4:14

Amayim lel, xiyaw siixo kee cijaajinnat araxah doolabimneh, geyinnan mazhabhi xaaxattah, irro balih tuula tawlal goomadhdheh duffuume malino.

Kolossay 2:18

Walaa inketti amnanabbinnixe tiyah yimmingideh malaykutuh yacbudeya limo hinnim sin raacishe wayoo. Tagina leti, tamaa mablol meceetih caddoysho arhxuk, amficinnixe xazottahi niyah xaffuwa tiya kinni.

Yacqoob 1:8

Usuk lamma-garbale, umbukaahimih agririnnixe tiya kinni.

2 Bithroos 2:18

Usun foyya kin waanih sinni sabbatah mangum falitan. Tamaa uma araxaddehi martooko dhaye geddadde yesseece mara, tamaa uma nabsi farhih bacaalaginodde ten dufuffuwak yanin.

2 Bithroos 2:3

Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

2 Bithroos 3:16

Usuk ta gondohi zacabah waanisha gedda, ishi jawawubudde inkoh tayim kinni abam. Amadde yafhamoona siriyamko wulim tane. Tamaa sorheenit kee asbitinnixe mari lel tamaa aki Kutuub akah ishaanaakah, sinni liyah amayim sawalak yanin.

1 YOHANNIS 2:16

Amayim lel inkoh caalamalle tane (nabsi sumsumutnan, intit sumsumutnan kee iraaroh litomhi amnonobba) caalamko kibah Abbaako maki.

Yahuuda 1:11

Usun Qaayin araxalle gerhenyaako, Balcaam abe qalathah solaadit kasbeh sinne yoxoynih, Qorax balih lel zagaxadde teleem kinoonimhi sabbatah, ten careyta!

Waxye 12:9

Amaa naba gaabbaa, kalxit caroora kinya, umbuka caalam doolabe ibliis hido Sheethan akko yerhxinya, guba baarholle cidditte. Kaa malaykut lel kaalih cidditen.