2 Bithroos 2:1 - Saaho Cusub Cahde

¹ Laakin tamaa zirabti nobowa gantah xiyaw addadde akah uguteenih yiniiniikah, sin addadde lel zirabti mudarrisiin ugutoona kinon. Tamaa ten iraarite Wanna gantah xinenyaako, zirabti mazhab liyaatiya suctodde baahoona kee sinni bukalle gaba-lacin liya baahoona kinon.

2 Bithroos 2:1 Iomraidhean Croise

Maatiyos 10:33

Xiyaw nifille yi xina tiya laakin, anu gantah carshelle geytima yi Abbah nifille kaa xino kiyo.

Maatiyos 24:11

Mango zirabti nobowa ugutoona kee mango mara doolaboona kinon.

Maatiyos 24:24

Amayim lel zirabti masiixiin kee zirabti nobowa uguteenih, dhiicimemko, amaa Yalli doore mara gantah doolaboona ciloh naba ishaarar kee bexsishsham aboona kinon.

Maatiyos 24:5

Amayim lel: ‘Anu Masiix kiyo’ arhxuk yi migacalle mango mari yemeetiinih, mango mara doolaboona kinoonimhi sabbatah kinni.

Maatiyos 7:15

Addaako simbaaca suulal kinon hanuk, ciidot saradde sinalle tamiite zirabti nobowaako zeelita.

Markos 13:22

Amayim lel zirabti masiixiin kee zirabti nobowa uguteenih, dhiiceenimko, amaa Yalli doore mara doolaboona ciloh ishaarar kee bexsishsham aboona kinon.

Luukas 12:9

Xiyaw nifille yi xininnanti laakin, Yallih malaykut hi nifille xinnitimo kinni.

Luukas 21:8

Usuk lel: “Atin doolabimtaanamko selita. Yi migacalle: ‘Usuk yotta kinni!’, ‘Waqhti lel orobeh yane’ arhxuk mango mari yamaatoona kinoonimhi sabbatah, ten lakadde maadayna.

Luukas 6:26

Umman xiyaw faylishan gedda, sin careyta! Amayim lel ten abbub zirabti nobowah abeenim tayim balih kinamhi sabbatah kinni.

Rooma 16:18

Amayim lel ta gina-le mari, sinni farhi kibah ni Maddara kin Yeesus miyakhdumiinih kinni. Usun mece anrab kee zirabti faylah gar-hite marahi afcaadod doolaban.

1 Korintos 11:19

Sinko xaqqedde yane mari yamadhdhagoona ciloh, sin fanadde barhsi yakko alle tane.

1 Korintos 6:20

Amayim lel limoh dhammimteenih kinni. Amaydo, Yalla sinni nabsedde eyneba.

1 Korintos 7:23

Limoh dhammiime mara kinni kitiinimki, xiyaw garuuza makkina.

Galaatiya 2:4

Yakko kibah, nanu Masiix kin Yeesusudde lino finja idhdhiteenih garuuza nok aboona ciloh, tamaa zirabti sacul, xololeenih ni fanadde oroben.

Galaatiya 3:13

“Xarhakke takariminnanti abaaro-le kinni” yarhxiinim tunkuttubeh akah taneekah, Masiix nottah arhxuk abaaro-le yekkeyaako, sercat abaarooko ni wazo yekkeh yane.

Galaatiya 4:17

Amaa mari sinadde macal abiteenih yanin, laakin mecaanih maki. Atin tenadde macal abittoona ciloh nottaako sin barhishoona farheenih yanin.

Galaatiya 5:20

asnaamah yacbudiinim, shirxe, nacabo, ankaaxad, ashshiino, kura, xarasa, sitta-waa, babbarhishnan,

Efesos 1:7

Kayyadde kaa biilohi araxah muuca, tamaa kaa nicmahi gadda balih lel ni zambehi xabbot geyneh nane.

Efesos 4:14

Amayim lel, xiyaw siixo kee cijaajinnat araxah doolabimneh, geyinnan mazhabhi xaaxattah, irro balih tuula tawlal goomadhdheh duffuume malino.

Filibbi 3:19

Ten abayshima liya kinni, ten garba ten yalla kinni, ten nabne ten xoola kinni, ten niya lel baarhot tiyä kinni.

Kolossay 2:18

Walaa inketti amnanabbinnixe tiyah yimmingideh malaykutuh yacbudeya limo hinnim sin raacishe wayoo. Tagina leti, tamaa mablol meceetih caddoysho arhxuk, amficinnixe xazottahi niyah xaffuwa tiya kinni.

Kolossay 2:8

Akkinnanti Masiix araxah akkekkah, xiyaw kas balih foyya kin doolabah, xiyaw cayda kee caalamti ufayit hi xaylahi araxah sin yabbirhek selitanta.

1 Timoteyos 5:8

Akkinnanti ishelle dhaye marah, fertoh lel ishi xawazah takkem abe wayemko, usuk imaan yithlimeh yane, aamininnixe tiyaako lel uma.

2 Timoteyos 4:3

Xiyaw tamaa ten cokkak akah yaabbo duumutaanam akah warisha mudarrisiin yaskattiinim kibah, tamaa rummaahit mazhab adde curoona farhinnixon max amiituk yane.

Tiitos 1:11

Usun uma maksab geyoona ciloh, yaydarasoona eedinnixoonim aydurusuk diika wahana mari, daw-yarhxoona tenalle tane.

Tiitos 3:10

Xiyaw fanadde barhsa baaha xiyawto yekkemko, inki gedda kee lamma gedda kaa asussek sarrah, kab adde marhxin.

Cibraan 10:29

Yallih Barhadde yeeceteti, tamaa usuk akah yinqiddise cahdi biilo lel masxisheti, tamaa nicmat Ufayeh lel waatimeti, ayidhdha amayimko uma maqhtsacti akah eeddah sinalle higgida?

1 Bithroos 1:8

Walaa kaa tubliinih mitaniini hanuk, kaa kixinitin. Walaa kado kaa abluk mitaniini hanuk, akah taaminiinih, wansittoona tantan naba xedenih xedenak tanin.

2 Bithroos 2:3

Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

1 YOHANNIS 2:26

Ta sinalle uktubem, too sin doolabo acikkinuk yane marahi zacabah kinni.

1 YOHANNIS 4:1

Yi kaxantoolito, umman ufaye maamanina, laakin Yallaako kinam kee makinam ufaye imirmira. Amayim lel mango zirabti nobowa caalamalle ifaareenih yaniinimhi sabbatah kinni.

Yahuuda 1:18

Usun: “Tamaa abayshimat waqhtedde, Yallih mashshi hin sinni farhi kataa, tsaggarowa mari yamaatoona kinon” arhxuk sinah warisheenih yinin.

Yahuuda 1:4

Sinni firde bishshiitoona kalxaako alle abayshimte xiyawko gari Yallih mashshi hinya, sin addadde xololeenih orobeenih yanin. Usun tamaa ni Yallih nicma bacaalaginolle yiydilbikiinih inkettak lino ni Wanna kee Maddara kin Yeesus Masiix xineenih yanin.

Waxye 13:14

Amaa baarholle martamah lel amaa sefih rabeh ure tiyahi misle siraaxoona akah warishe. Amaa afti alluulattohi hidhdhadde abo izni akko akah yoxoye ishaarar abak ten doolabak yine.

Waxye 2:13

‘Atu awla martam aarhige, tamaa Sheethan nugus-kursi alle yanekke kinni. Laakin yi migac qath-ishsheh tibbirheh tanito, tamaa Sheethan alle maralle umun kin yi shaahid Antibas sin fanadde yigdifin maxadde gantah yottah yaaminiinim mixinito.

Waxye 2:9

‘Ku waaxelta kee ku baaxa aarhige. Atu laakin gaddaale kito! Tamaa makinooni hanuk zirabah “Yahuud kino” yarhxe Sheethan sunagoogi, koh waatimeenim aarhige.

Waxye 3:8

‘Ku abittot aarhige. Taykinna, walaa inketti alifo dhiicinnixe fakkite caraf nifidde kok hayeh aniyo. Atu dago xayla litom aarhige, kinni hanuk yi waanitta dhawudhdhenkah yi migac mixininnito.

Waxye 5:9

Tahe arhxuk lel cusub nazme aben: “Atu amaa maqhaddamat beyto kee kaa maxtam akko fakto koh eedda, amayim lel tumruxxudemhi sabbatah, ishi biiloh xiyaw Yallah, umbuka kisho kee waani kee xiyaw kee wathunko irarte.

Waxye 6:10

Wac-yerhxiinih lel: “Ko ishe dhiica quddus kee rumma kin Maddaraw, ta baarholle mara mara tafrideh ni biilohi xane akko tafdiyendah ayidhdha kok beyo kinni?” yerhxinyaako zeeren.