7 Yallih mashshiilih lel sacoolinni mecaani yaalliinim, sacoolinni mecaaniilih lel kaxano yaalliinim ziyaadishshoona ciloh sinnelle tanem abanta.
Sacoolinni kaxanoh sittiya ikxina. Mangum sittiya xishmata.
Amaydo, caashir geyinnan gedda, umman tiyah mecaani abnoo, fertoh lel tamaa imaanah ni sacul kin marah.
Umbuka tayimhi bukalle lel, tamaa ummannim kaamil kin samarah inkidde yarhuwe kaxano saritanta.
Tamaa nanu sina akah kixinnooka balih, Maddari sinne-sinneh kee aki xiyawlih, kaxano sinah ziyaadisheh sinah yaymangoo.
Sinko walaa inketti umaani, umaanih yafdiyek selitanta, umman gedda laakin, sinne-sinneh yakko, umman marah mecem abtoona wagiyanta.
Sacoolinni kaxani yannawoo.
Rummi yarhxem toobbinyaako, rummaahit sacoolinni kaxanoh sinni rooxe tiythihiriinih, rummaahit afcaadooko cilleh sittiya ikxinanta.
Umman tiya xishmatanta. Sacoolinno ikxinanta. Yalla mashshita. Nugus xishmatanta.
Abayshimalle, atin inkoh, inki xisaab, naxrurta, sacoolinni kaxano, raxmatta-le afcaado abitteenih, amnonobba hin niya abitanta.
Sacul kixinnomhi sabbatah rabaako aniinalle tillabnem naarhige. Akxinuk anniye wayati ditedde siga.
Usuk ishi rooxe nottah ayyuk tillaabishemhi sabbatah, kaxano lel taginah neerhegeh nane. Nanu lel saculuh aynuk rooxe tillaabishno nolle tane.
Nanu kaako lino amri tatiya kinni: Yalla yakxineti ishi sacal yakkeedo yakxanoo.