2 Bithroos 1:6 - Saaho Cusub Cahde

⁶ irhgaalih lel sinne-yabbirhiinim, sinne-yabbirhiinimlih lel sabre yaalliinim, sabreelih lel Yallih mashshi yaalliinim,

2 Bithroos 1:6 Iomraidhean Croise

Luukas 21:19

Sinni curtayyoh sinni aniina taksaboona kitin.

Luukas 8:15

Mece buuredde yineti lel, ta mari amaa waani toobbeh meceetih mece afcaadodde tixfizem yekkiinih, curtayyoolih fire guftem kinon.

Fartottit hi Abittot 24:25

Xaqqe kee sinni nabse yabbirhiinim, amaye balih yamiite firdehi zacabah waanishe gedda lel, Feeliksi mashshiiteyaako: “Caashir geyinnan gedda kodde farriimo kiyok, kado aduu” akko yerhxe.

Rooma 15:4

Tamaa Kutuubko geytima curtayyo kee aydukumusnan araxah cag abinno ciloh kinni, kalxa tunkuttubem inkoh ni santoh yunkuttubem.

Rooma 2:7

Tamaa mecaani abak nabne, xishma kee rabe wayaanam sabreelih wagiye marah, umman geedit aniina akah yaxaw kinni.

Rooma 8:25

Ablinnixinomuh cag abinnemko laakin, sabreelih ilalna.

1 Korintos 9:25

Ta ardah yammookome mari ummanimko sinni nabse yabbirhin. Ta mari tayim abaanam amaa urhurh waqhtedde yalaye bor beyoona kinni, nim laakin alayinnixem kinni.

2 Korintos 6:4

Laakin, umman ginah Yallih khaddamte kinoyaako: naba curtayyoolih, tsabaabadde, uma nabra, balaalih;

Galaatiya 5:23

mece-mariino, sinne-yabbirhiinim kinni. Tayimhi didde kin sercat lel miyane.

Kolossay 1:11

Tamaa nabne le kaa xayla balih, umbuka curtayyo kee sabreelih xedenak, umbuka xaylaalih tasrawna,

1 Tessaloniike 1:3

Sin imaanhi ciyyo, tamaa kaxanolle dhishshiime sin xawal, tamaa ni Maddara kin Yeesusudde yane cagadde cikite sin curtayyo, ni Yalla kee Abbahi nifille xunsuusak nane.

2 Tessaloniike 1:4

Amaydo, nanu ninneh, sin agrar kee imaanah, umbuka sinni hadaano kee biyakadde litin curtayyoh, tamaa Yallih kanaayisidde sin zacabah falitak nane.

2 Tessaloniike 3:5

Maddari Yallih kaxano kee Masiix araxah geytima curtayyolle sin afcaado santishoo.

1 Timoteyos 2:10

Usun laakin mece abittot leh, Yallih mashshi tabbirhe sayyohi xibarah saritoonaa.

1 Timoteyos 2:2

nuguusa kee inkoh tamaa naba carurudde yane marahi idhdhadde abtoona sin dhaacimak aniyo. Tayim lel maaxiyo kee sukuun le aniinah, Yallih mashshi kee xishma le xibarah marno ciloh kinni.

1 Timoteyos 3:16

Rumma lel Yallih mashshih mashthir naba tiya kinamah nashhide: Xiyawti xazotta yekkeh yumbulluwe, xaqqi-wanna kinam Ufayeh yimidhdhige, malaykutuh yumbulluwe, wathunti fanadde warroye, caalamalle akah yeemenin, nabnedde lel yumuqquce.

1 Timoteyos 6:11

Kotta yekkemko, ko Yallih xiyawtok, tayimko kud. Xaqqe, Yallih mashshi, imaan, kaxano, curtayyo, mecaani kataa.

1 Timoteyos 6:3

Akkinnanti tamaa rummaahit waani ni Maddara kin Yeesus Masiixya kee Yallih mashshiiko barhsime mazhab yuydurusemko,

1 Timoteyos 6:6

Loonimih yalaggiinih Yallih mashshih yadiinim laakin, naba maksab kinni.

2 Timoteyos 3:5

irooko Yallih mashshi lemih higgidon, laakin kaa xayla mikabbaataana. Tagina le maradde kab-marhxin.

Tiitos 1:1

Yallih garuzza kee Yeesus Masiix fartotta, tamaa Yallah doorime marahi imaan kee ten Yallih mashshiilih tanseene rummi irhga warroysho ciloh deeco akah tekke Bawlosko.

Tiitos 1:8

Laakin, gerha kixin tiya, mecaani kixin tiya, ishe yamlike tiya, xaqqi-wanna, yinqiddise tiya kee adabe le tiya yakko kaalle tane.

Tiitos 2:2

Labhat daacun himma-le mara, xishma le mara, adabe le mara, imaan, kaxano kee curtayyoh rummadde yane mara kinon.

Cibraan 10:36

Yallih farhi abtan gedda tamaa wacde akah sayeenim kabbattoona ciloh, curtayyi sin farhshiisha.

Cibraan 12:1

Amaydo, nanu gantah tayidhdha takke shohodah darur balih makarimneh nanemhi sabbatah, inkoh tamaa nolle cilisham kee ni yabbirhe zambe mirix-ishnoo. Tamaa ni nifidde yane ammakaakamah lel curtayyoolih nardoo.

Cibraan 6:12

Amayim lel, atin tamaa imaan kee sabreh tamaa wacde yiwrishe marah tammangadoona kinni farhnam kibah, bohosa takkoona mifarhna.

Cibraan 6:15

Abraahim lel, sabreelih ilaaleyaako amaa wacde geye.

2 Bithroos 1:3

Yallih xayli, inkoh aniinah kee Yallih mashshih ni farhshishsham noh yoxoyeh yane. Tayim lel kaa zacabah lino irhgahi araxah, ishi nabne kee mecaanille noh deecimeh yane.

2 Bithroos 3:11

Tayim taginah talawo tekkek sarrah, aaginale xiyaw kinni takkoona sinalle tanem? Tamaa Yalli adde yamiite lellec ilaalak kee afishak, tinqiddise aniina kee Yallih mashshiilih kinni martoona sinalle tanem. Amayim lel amaa lellec caran xarareyaako yalaw kee carantim bolah dalalo kinamhi sabbatah kinni.

Waxye 1:9

Anu, Yohannis sin sacal, waaxelta, nigsinna kee Yeesus araxah geytima curtayyo sinlih yangaleya, Yallih waanitta kee Yeesus shahaadahi zacabah, tamaa Batmos akko yarhxin jaziiralle iniyo.

Waxye 13:10

Akkinnanti yamxabbasho yekkemko, xabshedde yadaw kinni; akkinnanti sefih rabo yekkemko, sefih rabo alle tane. Tayim lel yinqiddise marahi curtayyo kee imaanhi deecoh takkem kinni.

Waxye 14:12

Tayim lel Yallih amre kee Yeesus imaan dhawudhdhe tinqiddisem, curtayyo abitoona takke deeco kinni.

Waxye 2:2

‘Anu ku abittot, ku xawal kee ku sabre, amayim balih uma maraalih tadaw mirhictam aarhige. Laakin, makinooni hanuk tamaa sinnek fartottit aba mara ten icikkineyaako, zirablit yekkiinih yoh sugen.