2 Bithroos 1:5 - Saaho Cusub Cahde

⁵ Tayimhi sabbatah lel, sinni imaan mecaaniilih, mecaaniilih lel irhga,

2 Bithroos 1:5 Iomraidhean Croise

Luukas 16:26

Umbuka tayimko bextih lel, takkeeko sinalle tillabto fadhdham tillaabaanamko kee tamakkeeko nottalle inketti tillaabamko hi ciloh, notta kee sinhi fanadde naba bol yekkeh yane’ akko yerhxe.

Luukas 24:21

Nanu laakin Israa-eel mayyaaca yakko cag abinneh nine. Yoo, amayimko bextih, tayim tekkemko taahe kaafi maddaxit lellec kinni.

Yohannis 6:27

Abba kin Yalli ishi maxtam kayyalle hayeh yanemhi sabbatah, Xiyawti Barhi sinah yaxaw le umman geedit aniinah takke foloh kibah bakitto le foloh mixawalina” akko yerhxe.

1 Korintos 14:20

Yi saculo, sinni niyah irro makkina. Umaanih zabul tika, sinni niyah laakin hamme-le mara tika.

Efesos 5:17

Amaydo, duudit makkinantaaki, Maddari farhi ayim kinam irhiga.

Filibbi 1:9

Sin kaxani irhga kee umbuka kaslih ziyaada ammanguk yammango dhaaco abak aniyo.

Filibbi 2:12

Amaydo, ko yi kaxantoolito, umman gedda akah tim-izziziiniikah, kado gantah, anu sinlih aniyuk bisa akkekkah, fertoh anu sinlih anniye waya gedda, gilix kee arharhoolih sinni garger akah taybulluyniikah ushtuqhula.

Filibbi 4:8

Abayshimalle, yi saculo, rumma akkinnannim, xishma-lem akkinnannim, xaqqe akkinnannim, tsitstsiyam akkinnannim, win-arhxinnannim, cirhe aallinnannim, ashshinnannim hido fayla akah eeddam tinniyemko, tayimhi sabbatah exeeseba.

Kolossay 1:9

Amaymih kinni lel, nanu tamaa noobbe lellecko erherhishneh, kaa farhih irhgah umbuka ufayi xikma kee fahmi araxah tammaagoona dhaacimak, sin zacabah dhaaco abaanam daw-miishino.

Kolossay 2:3

Umbuka xikmah cukrar kee irhga adde sucutteh tanem lel kayya kinni.

Cibraan 11:6

Imaan hinnim lel kayya xedenishaanam takkem maki, amayim lel Yallalle kab-arhxinnanti usuk yane tiya kinam kee kaa wagiya marah ten casbe akah yaxayem yaamano kaalle tanemhi sabbatah kinni.

Cibraan 12:15

Yallih nicmaako walaa inketti raacak, cuuret rimid yubquleyaako sin waqhaaqhacishak, mango mara lel yaynijisek selitanta.

Cibraan 6:11

Ni naba duumi lel sinko ummanti tamaa cagah litiinim inkoh sinah takko ciloh, abayshima fanah amaa gina-le ayqari taybulluynim kinni.

1 Bithroos 3:7

Amayim balih, atin lel ko baacilo, usun rukut sin zooba kinoonimhi sabbatah, sinni sayyoolih sittiya akah taabbin araxah maranta. Usun aniinat nicma sinlih yawrishe mara kinoonimhi sabbatah ten xishmatanta. Taginah sin dhaaco deesimto maki.

2 Bithroos 1:10

Amaydo, yi saculo, sinni deeco kee dooro taysabatoona xawalanta. Tayim abteenimko lel caduruh andafittoona makitiini.

2 Bithroos 1:11

Taginah lel tamaa ni Maddara kee Gargeereena kin Yeesus Masiix nigsinna umman geedityadde orobaanam, xindaalih sinah tamxawo kinni.

2 Bithroos 3:14

Amaydo, yi kaxantoolito, tayim ilaalak tinniinik sarrah, caybe hido xoola hinnim kayyah maaxiyodde akah sugtaanaakah xawalanta.

2 Bithroos 3:18

Laakin ni Maddara kee Gargeereena kin Yeesus Masiix nicma kee irhgadde carsimanta. Kayyah lel kado kee umman geddah nabne takkoo. Amin.