2 Bithroos 1:4 - Saaho Cusub Cahde

⁴ Amayimhi araxah lel, naba limo le naba wacde noh yoxoyeh yane. Tamaa uma farhih sabbatah yamiite caalamalle yane masxeeko kuddeenih, Yallih thabiica kaalih yangale mara tekkiinim lel tayehi araxah kinni.

2 Bithroos 1:4 Iomraidhean Croise

Rooma 9:4

Usun Israa-eel xiyaw kinon, Yallih cindham yakkiinim, nabne, cahde, sercat kabbat, cibaada, kee wacde tenim kinon.

2 Korintos 1:20

Yalli wacde akah sayem inkoh kaa araxah kinni “Yoo” takkem. Amaymih kinni lel kaa araxah Yallih nabnek “Amin” narhxem.

2 Korintos 3:18

Nanu lel inkoh, abbuzuzinnixe niflih, Maddari nabne magannaxit balih ziffoyshak, kaa mislih xibar akah naalleekah, nabneeko nabnelle nambaddalo kino. Tayim lel Ufaye kin Maddaraako tamiitem kinamhi sabbatah kinni.

2 Korintos 6:17

‘Amaydo, ten fantaako eweca, tenko lel barhsimanta’, yarhxe Maddari, xaraame kinam lel mirhagina; sarrah anu sin kabbaato kiyo,

Galaatiya 3:16

Kado, Abraahim kee kaa zarattoh wacde akah sayenih yinin. Kutuub mango marak: “Kaa zaritih” maki yarhxem. Laakin inkettak: “Ku zarattoh” kinni lel yarhxem, amaati lel Masiix kinni.

Galaatiya 6:8

Amayim lel ishi xazottah arhxuk yazriyeti, xazottaako liya orbisho kinni. Ufayeh arhxuk yazriyeti laakin, Ufayeko umman geedit aniina orbisho kinni.

Efesos 4:13

Nanu lel inkoh imaanah tiya nekkeh, Yallih Barha neerhegeh hamme-le labha nekkeyaako, Masiix migehi qiyaas gufnandah kinni.

Kolossay 3:10

Ishi khaaliqhih yammangado lel irhgah yucussube cusub nabse saritteenih tanin.

Cibraan 12:10

Tamaa tenadde teshsheh akah tumbulluweekah dago geddah ni digaalen usuk laakin kaa anqaddas aalih nangalo ciloh, ni mecaanih kinni ni digaalem.

Cibraan 9:15

Amaydo, usuk ta cusub cahdih fanti tiya kinni. Tamaa deeco akah tekke mari, tamaa wacde akah sayen umman geedit miiraas kabbaatoona ciloh, tamaa afti cahdehi geridde anuk aben zambeeko ten gargerta rabi tekkeh tane.

Yacqoob 1:27

Abba kin Yallih nifille tsitstsaye leh masxitinnixe diin tatiya kinni: gidcatite xeewo kee gubon gufaanam kee ta caalamti masxeeko sinni nabse yabbirhiinim.

2 Bithroos 1:1

Yeesus Masiix garuzza kee fartotta kin Simcoon Bithroosko, tamaa Yalla kee Gargeereena kin Yeesus Masiix xaqqehi araxah nottaalih lem kin imaan kabbaate mara fanah:

2 Bithroos 3:13

Tamaa kaa wacde balih laakin, cusub caran kee cusub baarho xaqqi adde sigaya ilaalak nane.

2 Bithroos 3:9

Maddari ummanti yataabo kibah, walaa inketti yalaw mifarhamhi sabbatah, sinah arhxuk asbiruk yanenkah, tamaa garodde caawitemih akah higgidaakah, tamaa ishi wacde yaskimiliinim caawisho maki.

1 YOHANNIS 2:25

Usuk noh saye wacdi lel ta tatiya kinni: umman geedit aniina.

1 YOHANNIS 3:2

Yi kaxantoolito, kado Yallahi cindham kino, ayim nakko kinom lel kazzik maamadhdhago. Usuk yambulluwe gedda, akah kinniikah kaa nablo kinomhi sabbatah, kaa balih nakko kinom naarhige.