2 Bithroos 1:12 - Saaho Cusub Cahde

¹² Amaydo, atin sinneh taarhigiinih, tamaa kado litin rummadde lel dhishshimteenih tanin hanuk, umman gedda ta asliino sin xunsuuso kiyo.

2 Bithroos 1:12 Iomraidhean Croise

Fartottit hi Abittot 16:5

Amaymih, amaa kanaayis imaanah yisbite, max-yeenim lel ammanguk yemmenge.

Filibbi 3:1

Abayshimalle, yi saculo, Maddarah xedenanta. Tayimhi zacabah malammih sinalle aktubem yok abtam male, sinah lel maaxiyo kinni.

Kolossay 1:5

carshelle sinah yinqirribeh yane caghi sabbatah kinni. Ta cag lel tamaa rummi waanitta, mece ware kinyahi araxah toobbiinih tanin.

Kolossay 2:7

Kayyadde rimid dhirhiiteenih carsimtenyaako, tamaa akah tudrusiiniikah imaanalle isbita, xamde lel eymengaanta.

1 Timoteyos 4:6

Tayim tamaa saculuh caddossemko, imaan waani yudruse tiya tekkeyaako, tamaa katattayteh tanito mece mazhabah, Masiix kin Yeesus mece khaddaam takko kito.

2 Timoteyos 1:6

Tayimhi sabbatah, tamaa anu gaba kolle hayeyaako kabbatte, kottadde tane Yallih muttuxuwa hadig-ishsho ku xunsuusak aniyo.

Cibraan 10:32

Laakin ifo geyteenik sarrah, tamaa waaxeltaalih dhacuma dhiba adde curten basoohit lelleeca xunsusa.

Cibraan 13:9

Mango cayna kin amidhdhiginnixe darseh midoolabimina. Sin afcaado Yallih nicmah kinni tatraro missilam kibah, sadaqhat foloh maki. Amayim lel tamaa aba mara mamfacinnamhi sabbatah kinni.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.

1 Bithroos 5:12

Tamaa umun kin sacalah able Silasti araxah, sin aydukumuso kee tayim rummaahit Yallih nicma kinam ayshadhdhago, ta urhurh farto sinalle uktubeh aniyo. Teyalle isbita.

2 Bithroos 1:13

Ta nabsi yodde yanem fanah, sin xunsuusak sin uguuguso xaqqeh yolle higgida.

2 Bithroos 1:15

Anu sin xabeh adiyek sarrah, tayim umman gedda xunsussoona ciloh, yolle tanem inkoh abo kiyo.

2 Bithroos 3:1

Yi kaxantoolito, ta kado sinalle aktubiyuk anem malammit jawaab kinni. Ta lamma jawaabadde lel xunsusuh rummaahit sin niya kinni uguugusak aniyom.

2 Bithroos 3:17

Atin amaydo yi kaxantoolito, tayim tookomiinih teerheginyaako, tamaa sercat hin marahi amlolokkah duffumteenih sinni isbaat waytanki selitanta.

1 YOHANNIS 2:21

Rumma sodhdheenimhi sabbatah maki sinalle uktubem, taarhigiinimhi sabbatah kinni. Amayim lel walaa inki zirab rummaako maki.

2 YOHANNIS 1:2

tayim lel nottadde sigak yaneh, umman gedda lel yakko kin rummahi sabbatah kinni.

Yahuuda 1:17

Laakin, yi kaxantoolito, tamaa ni Maddara kin Yeesus fartottit yookomiinih warisheenim xunsussoona sinalle tane.

Yahuuda 1:3

Yi kaxantoolito, tamaa umbuka noohi gargerti zacabah sinalle aktabo hambereero luuk iniyo hanuk, tamaa inki gedille umman gedih yinqiddise maralle yomxoye imaanah akah tandufuliiniikah sin aydukumuso ciloh, sinalle aktubem fadhdhishimtam kinam tekkeh yoh tumbulluwe.

Yahuuda 1:5

Kado, atin tayim mece geddaakoh kaamilik teerhegiinih tinin hanuk, Yeesus tamaa aamine waye mara yeyleek sarrah, xiyaw Masriiti baarhooko ten yeyyeecem sin xunsuuso farha.