1 Bithroos 5:9 - Saaho Cusub Cahde

⁹ Sinni imaanalle tisbitiinih lel kaa didde tika. Tamaa caalamko ummanille tane sin sacul lel taginah waaxelsiitak yaniinim taarhigin.

1 Bithroos 5:9 Iomraidhean Croise

Luukas 22:32

Anu laakin ku imaan radamko koh dhaaciteh aniyo. Atu malammih gaxta gedda lel ishi sacul iysirii” akko yerhxe.

Yohannis 16:33

Yottaalih salaam geytoona ciloh lel tayim sinah warisheh aniyo. Ta caalamalle cazaab yane, laakin aydukum-erhexa, anu ta caalam iscireh aniyo” yerhxeh alle yedebbe.

Fartottit hi Abittot 14:22

“Yallih nigsinnadde orobno nolle tanem mango hadaanoh kinni” arhxuk katattaynitti rooxe yeysheedeynih sinni imaanalle yasbatoona ten aydukumusen.

1 Korintos 10:13

Xiyawalle obta cakanaako ziyaada sinalle moobta. Yalli umun kinni, sin qadreeko ziyaada lel cakana sinalle oobisho maki; cakanadde saytan gedda, amaa cakana curtoona ciloh akko tawcinikke sinah abo kinni.

Efesos 4:27

Ibliisih lel caashir akah maaxayna.

Efesos 6:16

Umbuka tayimhi gondodde lel tamaa uma tiyahi bololta lillig-ishaara akah badishshoona dhictan imaan goobe uqhuca.

Kolossay 2:5

Anu nabseh sinlih anniye wayo kibah, qalbeeko sinlih aniyo. Sin mece xijxijo kee Masiixidde litin imaanhi tiraare ableyaako xedenak aniyo.

1 Tessaloniike 3:3

Amayim lel sinko walaa inketti ta waaxeltah yanzebeebelemko ciloh kinni. Nottah tayim ni cija kinam atin sinneh taarhigin.

1 Timoteyos 6:12

Mece imaanhi gixlo ingixilanta. Tamaa akah koh deecimen, mango shohodah nifille lel mece shahaada alle toxoye, umman geedit aniina ibbirh.

2 Timoteyos 3:12

Rummah lel, Masiix kin Yeesusuh Yallih araxalle maro farha mari inkoh haddaanimoona kinon.

2 Timoteyos 4:7

Anu mece gixlo ingixile, ammakaakam lel abaysheh aniyo, amaa imaan lel dhawrheh aniyo.

Cibraan 11:33

Usun imaanah nigsinnanko yimlikin, cadleh yuxkumin, tenah wacde akah sayeenim geyen, lubokti afuf alifen,

Cibraan 12:8

Tamaa umbuka dhaylo balih, adabe abbirhe wayteenimko laakin, xaraami dhaylo kitiininkah, xalaali dhaylo makitiini.

Yacqoob 4:7

Amaydo, Yallah im-izzizanta. Ibliis didde tika, usuk lel sinko kudo kinni.

1 Bithroos 1:6

Dago geddah mango caynah tattacakkanoona, raacinnixem kinni haaki, taymih mangum xedentan.

1 Bithroos 2:21

Atin lel tayimih kinni decsimteenim, Masiix gantah sinah arhxuk waaxelsiitemhi sabbatah, kaa sarra kataytoona ciloh misaal sinah xabe.

1 Bithroos 3:14

Atin walaa xaqqeh arhxitin waaxelsitteenih, baraka-lem kitin. Tenko mimashshiitina, miwaqhaaqhacitina,.

1 Bithroos 4:13

Masiix waaxelta xazziilittan gedda xedenanta, amayim lel kaa nabne tambulluwe gedda, xedenteenih cafaddoona ciloh kinni.

Waxye 1:9

Anu, Yohannis sin sacal, waaxelta, nigsinna kee Yeesus araxah geytima curtayyo sinlih yangaleya, Yallih waanitta kee Yeesus shahaadahi zacabah, tamaa Batmos akko yarhxin jaziiralle iniyo.

Waxye 6:11

Babbarhi tiyah lel cado sari akah yomxoyeyaako, ten zooba kin khaddamte kee ten saculhi manga tamaa ten balih yagdafoona lonyahiya takmilendah, dago gedih yacrafoona akah warishen.

Waxye 7:14

Anu lel: “Yi casa-abba, atin taarhigin” akko erhxe. Usuk lel: “Ta mari tamaa naba waaxeltaako yewce mara kinon. Sinni sara cakalisheenih lel Leemi biiloh caddoyshen” yok yerhxe.