1 Bithroos 5:8 - Saaho Cusub Cahde

⁸ Himma-abitanta, selitanta. Tamaa sin didde kin ibliis lel, yacoorhotemhi goronuh goroxa lubak balih zabzab-arhxuk yane.

1 Bithroos 5:8 Iomraidhean Croise

Maatiyos 13:39

Amayim yizriye nacabtooli lel ibliis kinni. Amaa orbi lel waqhti abayshima kinni. Amaa yaciyye mari lel malaykut kinon.

Maatiyos 24:42

Amaydo, sin Maddari adde amiituk yane lellec mitaarhigiinimhi sabbatah, himma-abita.

Maatiyos 25:41

Guri gabooko yane marak lel: ‘Ko abaarolito, tamaa ibliis kee kaa malaykutuh tinqirribeh tane umman geedit gira fanah yok aduwa.

Maatiyos 4:1

Amayek sarrah lel, Quddus kin Ufayi Yeesus ibliisih yamcakkano zibolle kaa beye.

Maatiyos 4:11

Amayek sarrah, ibliis kaa xabe, taykinna lel malaykut yemeetiinih kaa baclayshak yinin.

Markos 4:15

Ta arax agaagalle tanem, waanitta alle timzirriyeya, yaabbin gedda, Sheethan akkanih yamiiteh tenadde timzirriyeh tine waanitta akko beya.

Luukas 21:34

Cayne, sakar kee nawashshiga afcaadolle sinak yaclishinyaako, amaa lellec gahreeko machchawaadiya balih bardag sinadde yarhxek selita.

Luukas 21:36

Amaydo, ta takko lemko sinni rooxe tassaacoona kee Xiyawti Barhahi nifidde daw-tarhxoona xayla geytoonak assilluuk, umman gedda himma-abita.”

Luukas 22:31

Simcoon, Simcoon, taykinna, Sheethan sinraa balih sin yanfawo ciloh sin farhe.

Yohannis 8:44

Atin sin abba kin ibliis mara kitin, sin farhi lel sinni abbah farhi abaanam kinni. Usuk erherhko nabsi-wanna kinni, rummi kaadde miyanemhi sabbatah lel usuk rummah abam male. Usuk zirabbita gedda, zirable kee zirabti abba kinamhi sabbatah, usuk ishi xibarko kinni waanisham.

2 Korintos 2:11

Tayim lel, Sheethan siixi ayim kinam naarhigemhi sabbatah, kaa doolab sorhnamko ciloh kinni.

Efesos 4:27

Ibliisih lel caashir akah maaxayna.

Efesos 6:11

Ibliis siixo akah dessaanaakah dhictoona ciloh, Yallih dhibat nuwaa inkoh ikkitiya.

1 Timoteyos 2:15

Numa laakin, imaan, kaxano, anqaddas kee adabedde gedhdhemko, dhalaah gargeerimto kinni.

1 Timoteyos 2:9

Saymari gantah amayim balih, dagar carhiteenih, dahabah hido luul hido naba limoh dhammiime saradde hammite wayoonaaki, xiyaawinna kee adabe-le xibarah saritoona alle tane.

1 Timoteyos 3:11

Ten sayyo amayim balih xishma-le mara, xamitinnixe mara, hamme-le mara, ummanimih yaaminin mara yakkoona tenalle tane.

1 Timoteyos 3:2

Amaydo, tamaa kaniisat bukalle macalso abati cadale-hin tiya, inki numah bacla, himma le tiya, adabe le tiya, xishma le tiya, gerha kixin tiya, yaydaraso dhiica tiya,

2 Timoteyos 4:17

Farto yi araxah sittiyadde warreyto, inkoh Aki-mari lel yaabboona ciloh, laakin Maddari yottaalih daw-yerhxeh yi yiysiriye. Lubak afko lel yi yeyyeece.

Tiitos 1:8

Laakin, gerha kixin tiya, mecaani kixin tiya, ishe yamlike tiya, xaqqi-wanna, yinqiddise tiya kee adabe le tiya yakko kaalle tane.

Tiitos 2:12

Ta nicma, tamaa Yallih mashshi hinam kee caalamti uma farhi xabneyaako, ta yane waqhtedde adabe abinneh, mece araxah, Yallih mashshih wayto xabno ni tayduruse.

Tiitos 2:2

Labhat daacun himma-le mara, xishma le mara, adabe le mara, imaan, kaxano kee curtayyoh rummadde yane mara kinon.

Tiitos 2:4

Amaydo, cindha sayyo sinni baacil kee sinni cindham akah yakxiniiniikah ten labcaadishoonaa.

Tiitos 2:6

Amayim balih, burguude adabe le mara yakkoona ten fayish.

Yacqoob 4:7

Amaydo, Yallah im-izzizanta. Ibliis didde tika, usuk lel sinko kudo kinni.

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

1 Bithroos 4:7

Ummanimhi abayshima kab-terhxeh tanemhi sabbatah, amaydo cilleh dhaaco abittoona ciloh, sinne tibbirhiinih himma-abitanta.

Waxye 12:10

Carshelle lel taginah wac-yarhxe dhaw oobbe: “Kado garger, xayla, ni Yallahi nigsinna kee kaa Masiixhi reeza temeeteh tane. Amayim lel, tamaa bar kee lellecih ni Yallahi nifille akko ashtikuuk ni saculhi qarim kuuk yineti guballe cidditeh yanemhi sabbatah kinni.

Waxye 12:12

Amaydo, carshe kee amalle martamak xedenanta! Baarho kee badak laakin, ibliis kaa waqhti urhurh tiya kinam yaarhigemhi sabbatah, naba kuraalih sinalle oobeh yanek, sin careyta!”

Waxye 12:9

Amaa naba gaabbaa, kalxit caroora kinya, umbuka caalam doolabe ibliis hido Sheethan akko yerhxinya, guba baarholle cidditte. Kaa malaykut lel kaalih cidditen.

Waxye 20:10

Amaa ten doolabe ibliis lel amaa alluulatto kee zirabti nabii adde yine girat igil kee kirbitidde ciddite. Umman gedda kee umman gedih lel bar kee lellecih cazaab yabloona kinon.

Waxye 20:2

Amaa malaykatti lel amaa kalxit caroora, ibliis kee Sheethan kinya gaabbaa yibbirheyaako shiix iggidiya yurhuwe.