1 Bithroos 5:4 - Saaho Cusub Cahde

⁴ Amaa Loynitti Nabati yamiite gedda, ahsisinnixe nabnet bor kabbattoona kitin.

1 Bithroos 5:4 Iomraidhean Croise

Yohannis 10:11

Anu mece loyna kiyo. Mece loyni ishi aniina ishi ciidoh tillaabisha.

1 Korintos 9:25

Ta ardah yammookome mari ummanimko sinni nabse yabbirhin. Ta mari tayim abaanam amaa urhurh waqhtedde yalaye bor beyoona kinni, nim laakin alayinnixem kinni.

2 Timoteyos 4:8

Kamboh, tamaa xaqqi daaniya kin Maddari, amaa maxadde yoh yaxaw le xaqqi bor yoh yinqirribeh yane. Tayim lel yottah bisa makiiki, tamaa inkoh kaa mumut kixin marah gantah kinni.

Cibraan 13:20

Tamaa salaam Yalli, umman geedit cahdehi biiloh, ciidot naba loyna kin ni Maddara Yeesus rabaako uguseya, Yeesus Masiix araxah kayyadde basak-arhxinnannim nottadde abak, atin kaa farhi abtoona ciloh, umbuka mecaanih sin yaskataw. Umman gedda kee umman gedih lel nabne kayyah takkoo. Amin.

Yacqoob 1:12

Tamaa cakanadde curtayyo abitati baraka-le tiya kinni, amayim lel cakanaako yawce gedda, tamaa Yalli kaa kixin marah wacde akah saye aniinat bor geyo kinni.

1 Bithroos 1:4

Tamaa alayinnixe, masxitinnixeh, ahsisinnixe miiraas carshelle sinah obsimeh yaneya ni yiywirishe.

1 Bithroos 2:25

Atin ciido balih teleynih tinin, kado laakin tamaa sinni loyna kee sinni rooxih dhawrheenalle gaxteenih tanin.

1 Bithroos 5:2

Sin fanadde tane Yallih meddero zuwanta, qasbiyah makiiki lel, tamaa Yalli akah sin abshiishe dhaarheekah, sinni farhih meceetih macalsita. Amficinnixe kasbeh makiiki lel, mece farhih abanta.

1 YOHANNIS 3:2

Yi kaxantoolito, kado Yallahi cindham kino, ayim nakko kinom lel kazzik maamadhdhago. Usuk yambulluwe gedda, akah kinniikah kaa nablo kinomhi sabbatah, kaa balih nakko kinom naarhige.

Waxye 1:7

Taykinna, usuk darurlih amiituk yane, umman inti lel kaa tablo kinni, tamaa kaa mude mari gantah kaa yabloona kinon. Umbuka baarhohi kishosh lel amayimhi sabbatah yaxzanoona kinon. Yoo haye, Amin.

Waxye 2:10

Kolle yakko le camazaako mimashshiitin. Taykinna, tattacakkanoona ciloh ibliis sinko garo xabshedde cido le. Tamana lellecih lel waaxelsittoona kitin. Atu raba fanah umun tik, anu lel aniinat bor koh axawo kiyo’.

Waxye 3:11

Anu dheh amiitiyuk aniyo. Tamaa ku bor walaa inketti kok beyak, tamaa litom qath-ishsheh ibbirh.