1 Bithroos 5:13 - Saaho Cusub Cahde

¹³ Tamaa Baabiloonulle geytimta, amayim balih doorimte kaniisa salaamat sinak tarhxe, yi barha kin Markos gantah amayim balih salaamat sinak yarhxe.

1 Bithroos 5:13 Iomraidhean Croise

Fartottit hi Abittot 12:12

Tayim yeerhegek sarrah lel, mango mari yekettiinih dhaaco adde abak yinin tamaa Markosuh yamidhdhige Yohannis ina kin Maryam care fanah yedee.

Fartottit hi Abittot 12:25

Barnabas kee Shaa-uul sinni khidma abayshenyaako Markos akko yarhxin Yohannis sinneelih baaheenih Yerusaalem gaxen.

Fartottit hi Abittot 15:37

Kado, Barnabas Yohannis akko yarhxin Markos sinneelih beyoona farhe.

Fartottit hi Abittot 15:39

Amalle sirii zagaxa tekke, amaymih lammalle sittiyaako barhsimen. Barnabas Markos isheelih beyeh badah Qobros yedee.

Kolossay 4:10

Tamaa yottaalih xabshedde yane Aristarkhos salaamat sinak arhxuk yane. Barnabasak nangalo yakke Markos lel salaamat sinak arhxuk yane. Tati tamaa masxassa akko kabbatten tiya kinni. Usuk sinalle yemeetemko meceetih kaa kabbata.

Filmoon 1:24

Amayim balih, yottaalih khidma yangale Markos, Aristarkhos, Deemaas, Luukas salaamat kok yarhxin.

2 YOHANNIS 1:1

Naba tiyaako rummah kixiniyo doorimte numa kee tee cindham fanah, yotta busa makiiki laakin inkoh rumma teerhegem gantah sin kixinon,

2 YOHANNIS 1:13

Doorimte ku saclahi cindham lel kolle yaysillimin.

Waxye 17:5

Tee dambaralle lel wuli mashthir migac yunkuttubeh yine: “Naba Baabiloon, sharaamuth kee baarhot najaasahi ina.”

Waxye 18:2

Wac-yerhxeh lel taginah deecime: “Amaa naba Baabiloon, radde, radde! Junuun sigimahi makaano lel tekkeh tane, umbuka uma ufayehi sucseena tekkeh tane, umbuka uma kimbirti sucseena tekkeh tane, umbuka uma tiya kee batakna kin alluulattohi sucseena tekkeh tane.