1 Bithroos 4:7 - Saaho Cusub Cahde

⁷ Ummanimhi abayshima kab-terhxeh tanemhi sabbatah, amaydo cilleh dhaaco abittoona ciloh, sinne tibbirhiinih himma-abitanta.

1 Bithroos 4:7 Iomraidhean Croise

Maatiyos 24:42

Amaydo, sin Maddari adde amiituk yane lellec mitaarhigiinimhi sabbatah, himma-abita.

Maatiyos 25:13

Amaydo, yi mumut hi lellec hido saaca mitaarhigiinimhi sabbatah himma-abita.

Luukas 21:34

Cayne, sakar kee nawashshiga afcaadolle sinak yaclishinyaako, amaa lellec gahreeko machchawaadiya balih bardag sinadde yarhxek selita.

Luukas 21:36

Amaydo, ta takko lemko sinni rooxe tassaacoona kee Xiyawti Barhahi nifidde daw-tarhxoona xayla geytoonak assilluuk, umman gedda himma-abita.”

Luukas 22:46

Usuk lel: “Aymih dhiinak taniini? Cakanadde orobtanki ugutteenih issilliya” akko yerhxe.

Rooma 12:12

Cag abitteenih xedena, tsabaabat waqhtedde sabre abita, salat mixabina.

1 Korintos 15:24

Masiix lel umman nizaam, umman reeza kee xayla yiscireh, amaa nigsinna Abba kin Yallah baaha gedda, abayshima takko kinni.

1 Korintos 7:29

Taymih arhxem kinni yi sacul: yomxoyeh yane waqhti urhurh tiya kinni. Kadok sarrah, tamaa sayyo le mari aalle waya mara balih yakkoonaa;

Efesos 6:18

Ummanimih salaat kee dhaacoh, umman gedda Ufayeh issilliya. Tayimlih lel, curtayyoolih himma-abitteenih umbuka yinqiddise marah dhaaco akah abanta.

Filibbi 4:5

Sin xiyaawinna umman tiyah tamadhdhagoo. Maddari kab-yerhxeh yane.

Kolossay 4:2

Macalsoolih xamdishita mara tekkiinih, salat mixabinanta.

2 Timoteyos 4:5

Atu yekkemko, umman gedda himma-abit, uma gedda curtayyo abit, mece ware warroysha tiyahi ciyyo abit, ishi khidma iskimil.

Tiitos 2:12

Ta nicma, tamaa Yallih mashshi hinam kee caalamti uma farhi xabneyaako, ta yane waqhtedde adabe abinneh, mece araxah, Yallih mashshih wayto xabno ni tayduruse.

Cibraan 10:25

Tamaa xiyawko gari labcad akko abeenih yaniinim balih akkekkah, inkidde yakattiinim mixabinantaaki, tamaa max kab-arhxuk yanem ziyaada inkoh ablitin, sittiya aydukumusanta.

Cibraan 9:26

Amayim yakkeedo, ta caalam dhishshimtemko taahe gabbabbaaceh waaxelsiitak anniye dhaarhe. Kado laakin, zambe kalo ciloh inki geddalle umman gedih, ishe yisiddiqheyaako, zaban abayshimadde yumbulluwe.

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

1 Bithroos 3:7

Amayim balih, atin lel ko baacilo, usun rukut sin zooba kinoonimhi sabbatah, sinni sayyoolih sittiya akah taabbin araxah maranta. Usun aniinat nicma sinlih yawrishe mara kinoonimhi sabbatah ten xishmatanta. Taginah sin dhaaco deesimto maki.

1 Bithroos 5:8

Himma-abitanta, selitanta. Tamaa sin didde kin ibliis lel, yacoorhotemhi goronuh goroxa lubak balih zabzab-arhxuk yane.

Waxye 16:15

“Taykinna, anu garceena balih amiitiyuk ane! Casiinih yadiyeh, kaa cawra xiyaw akko tablemko, dhiinekkah, ishi sara dhawrhak sugati baraka-le tiya kinni!”