1 Bithroos 4:16 - Saaho Cusub Cahde

¹⁶ Laakin, masiixto yekkemih waaxelsiitati, ta migacah Yalla yaynaboo kibah, xoolashshiite wayoo.

1 Bithroos 4:16 Iomraidhean Croise

Fartottit hi Abittot 11:26

Kaa geye gedda lel, Anthaakiya fanah kaa baahe. Iggida kaamil amaa kaniisaalih sitta geyak lel mango xiyaw yuydurusin. Amaa katattaynitik lel Anthaakiyalle erherhih masiixiin akko yerhxin.

Fartottit hi Abittot 26:28

Agribba lel Bawlosuk: “Urhurh waqhtelle masiixto yok abto fadhdhe?” akko yerhxe.

Fartottit hi Abittot 28:22

Ta diin filci ummanille xammitimam naarhigek, tayimhi zacabah ku mablo ayim kinam kooko naabbo farhna” akko yerhxin.

Fartottit hi Abittot 5:41

Usun laakin ta migac hi sabbatah umaani yattaqhaco dhiica mara yekkiinimih amaa arabaako xedenak yewcin.

Filibbi 1:20

Tayim yi naba ilalta kee yi cag kinniyaako, farhemih xoolashshiito makiyo. Kado gantah umman gedda balih, mango fidbeelih, hido aniinah, hido lel rabih, Masiix yi nabsedde yanabo kinni.

Filibbi 1:29

Tamaa sinah tomxoyeh tane nicma lel, kayyah taamanoona bisa akkekkah, Masiixih arhxitin gantah waaxelsittoona kinni.

2 Timoteyos 1:12

Tayimhi sabbatah kinni lel cazaab abliyuk anem. Miyah eemeneh aniyom aarhigemhi sabbatah laakin mixoolashshiita. Tamaa amaanah yolle tomxoyeh tanem amaa lellec fanah usuk yoh dhawrho dhiicamah lel thummut kiyo.

Yacqoob 2:7

Tena makini tamaa atin kaayim akko kitin naba migacah waatimtam?

1 Bithroos 2:12

Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

1 Bithroos 4:14

Masiix migacah arhxitin wattimteenimko, tamaa Ufaye kee Yallih nabne sinalle tacrufemhi sabbatah baraka-lem kitin.

1 Bithroos 4:19

Amaydo, tamaa Yallih farhih waaxelsiita mari, mecem abak, sinni rooxe tamaa umun kin Khaaliqhille amaanatishoonaa.