1 Bithroos 4:13 - Saaho Cusub Cahde

¹³ Masiix waaxelta xazziilittan gedda xedenanta, amayim lel kaa nabne tambulluwe gedda, xedenteenih cafaddoona ciloh kinni.

1 Bithroos 4:13 Iomraidhean Croise

Maatiyos 16:27

Xiyawti Barhi ishi Abbah nabnedde ishi malaykutlih yamaato kinni, amaa gedda lel umman tiya kaa-kaa ciyyo balih akah yafdaw kinni.

Maatiyos 25:21

Kaa maddari: ‘Mecem abte, mece tiya kee umun kin garuzzo kito. Dagumulle umun tekkeh tanito, anu lel mangumhi tiya kok abo kiyo. Ishi maddarih xedenidde orob’ akko yerhxe.

Maatiyos 25:23

Kaa maddari: ‘Mecem abte, mece tiya kee umun kin garuzzo kito. Dagumulle umun tekkeh tanito, anu lel mangumhi tiya kok abo kiyo. Ishi maddarih xedenidde orob’ akko yerhxe.

Maatiyos 25:31

Xiyawti Barhi inkoh malaykutlih ishi nabnedde yamiite gedda, sarrah ishi nabne le nugus-kurselle defeyo kinni.

Maatiyos 25:34

Sarrah amaa Nugus kaa mizgaako yane marak: ‘Ko yi Abbah dhaacolito, amowa, ta caalam dhishshimtemko taahe sinah tinqirribe nigsinna iwrisha.

Maatiyos 5:12

Sinko basoohit nobowa gantah amaa ginah hadaneenimhi sabbatah, carshelle sin casbi naba tiya kinnik xedenteenih ifrixa.

Markos 8:38

Ta am-immine wayta zambele ijodde, yotta kee yi waanih xoolashshiitinnanti, Xiyawti Barhi ishi Abbah nabnedde quddus kin malaykutlih yamiite gedda, kaako xoolashshiito kinni” akko yerhxe.

Luukas 17:30

Xiyawti Barhi adde yamidhdhige maxadde lel amaa ginah takko kinni.

Fartottit hi Abittot 16:25

Barti abrha takkeh iggidin waqhte, Bawlos kee Silas dhaaco abitak kee Yallih faylah qannishak, amaa xabshedde tinem ten aabbuk yinin.

Fartottit hi Abittot 5:41

Usun laakin ta migac hi sabbatah umaani yattaqhaco dhiica mara yekkiinimih amaa arabaako xedenak yewcin.

Rooma 5:3

Tayim bisa maki, amaa tsabaaba curtayyo bahtam gantah neerhegemhi sabbatah, ninni tsabaabah falinna.

Rooma 8:17

Amaydo, Yallih cindham nekkemko, Yallih waarish kino, Yallih waarish nekkemko lel inkidde Masiixlih waarish kino. Kaalih waaxelta nengelemko gantah kaalih nanabem takke.

Rooma 8:18

Ta kado adde nanino waqhtehi waaxelti, tamaa nottah tamballaw le nabneelih kabkabbot malem balih kinni lowam.

2 Korintos 1:5

Nanu Masiix waaxelta mangaalih akah nangaleekah, Masiix araxah lel rufto gantah mangaalih nangale.

2 Korintos 1:7

Ni waaxelta nottaalih akah tengeliiniikah, ni rufto gantah tangaloona kitiinim naarhigemhi sabbatah, tamaa sinadde lino cag yisbite tiya kinni.

2 Korintos 4:10

Yeesus aniina ni nabsedde tamballaw ciloh, umman gedda Yeesus rabahi xunsus ninni nabsedde naaqhuce.

2 Korintos 4:17

Ta sissik urhurh waqhtih ni waaxelti lel, agaagim hin umman geedit cilish nabne noh yaxaw kinni.

Filibbi 3:10

Amayim balih lel Yeesus kee rabaakohi kaa ugut hi xayla aarhago, kaa waaxelta kaalih angalo, kaa rabih lel kayyah ammangado ciloh kinni.

Kolossay 1:24

Kado sinah arhxiyuk waaxelsiitamah xedena. Kaa nabse kin kaniisah arhxiyuk lel tamaa Masiix waaxeltaako ractem inni xazottah amagiyuk ane.

2 Timoteyos 2:12

Curnemko, kaalih gantah nangaso kino; kaa xinnemko, usuk gantah ni xino kinni;

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

1 Bithroos 2:21

Atin lel tayimih kinni decsimteenim, Masiix gantah sinah arhxuk waaxelsiitemhi sabbatah, kaa sarra kataytoona ciloh misaal sinah xabe.

1 Bithroos 5:1

Amaydo, anu tena balih naba tiya kee tamaa Masiix yuble waaxelti shaahid, amayim balih tamaa tamballaw kin nabnehi aglenta akah kiyookah, sinlih yane kaniisat naba mara asuusak aniyo.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.

Yahuuda 1:24

Kado, tamaa andafooko sin dhawrhah abar hinnim ishi nabnelle naba xedenlih sin baaho dhiica,

Waxye 1:7

Taykinna, usuk darurlih amiituk yane, umman inti lel kaa tablo kinni, tamaa kaa mude mari gantah kaa yabloona kinon. Umbuka baarhohi kishosh lel amayimhi sabbatah yaxzanoona kinon. Yoo haye, Amin.

Waxye 1:9

Anu, Yohannis sin sacal, waaxelta, nigsinna kee Yeesus araxah geytima curtayyo sinlih yangaleya, Yallih waanitta kee Yeesus shahaadahi zacabah, tamaa Batmos akko yarhxin jaziiralle iniyo.