1 Bithroos 4:11 - Saaho Cusub Cahde

¹¹ Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

1 Bithroos 4:11 Iomraidhean Croise

Maatiyos 6:13

Uma tiyaako ni dhawurh kibah, cakanadde ni misayshin.

Yohannis 13:31

Usuk irolle yewce gedda Yeesus: “Kado kinni Xiyawti Barhi yenebem, Yalli lel kayyadde yenebe.

Fartottit hi Abittot 7:38

Teketteh tine xiyawlih, Siinaati Koomalle kaalih waanishe malaykattoolih kee ni abbublih yineti kayya kinni. Nottah yaxaw lel aniinat waani kabbaateti kayya kinni.

Rooma 11:36

Ummannim kaako, kaa araxah kayyalle kinni. Umman gedda nabne kayyah takkoo! Amin.

Rooma 12:3

Yoh tomxoye nicmah sinko umman tiyak arhxem liyo: tamaa Yalli sinko umman tiyah yoxoyeh yane imaanhi qiyaasalle, thummut kin firde yaxaye araxah yaxaasabo kibah, ishi sabbatah isheeko ziyaada aganalle yaxaasabo alle mitane.

Rooma 16:27

Ulah xikma-le Yallah, Yeesus Masiix araxah, umman gedda nabne takkoo! Amin.

Rooma 3:2

Umman ginah mangum kinni. Erherhih, Yallahi waani amaanah alle tomxoyem Yahuud kinni.

1 Korintos 10:31

Amaydo, betteenih toocobiinih, hido abinnannim, inkoh Yallih nabneh abanta.

1 Korintos 12:4

Amaydo, barhsimte muttuxuwa tane, laakin Ufayi inketta kinni;

1 Korintos 3:10

Anu Yalli yoh yoxoye nicmah dhiiceena kin naddaaq balih dhishe masarratalle aketti ginak yane. Akkinnanti lel aaginah alle ginam selito kaalle tane.

1 Korintos 6:20

Amayim lel limoh dhammimteenih kinni. Amaydo, Yalla sinni nabsedde eyneba.

2 Korintos 2:17

Yallaako farritime mara nekkeyaako, ninni mece niyah, Yallih nifille Masiix araxah waanishak nanenkah, tamaa mango mara balih, Yallih waani sinni nafaacah yaybiddile mara makino.

2 Korintos 9:13

Ta atin abak tanin khidmah, mango mari Yalla yaynaboona kinon. Amayim lel tamaa atin Masiix mece wareh abten shahaadaako tamiite maabboh, amayim balih inkoh ten kee aki marah atin xindaalih abten xatohi sabbatah kinni.

Efesos 1:19

Tamaa yaamine marak usuk nottah leya qiyaas hin kaa xaylahi nabne ayim kinam taarhagoona ciloh lel dhaaco abak aniyo. Ta nottadde akhdumuk yane naba kaa xaylih dhic lel,

Efesos 4:29

Sin afufko uma waani awce waytooki, tamaa yaabbe marah nicma taxayeh, amaa waqhtedde akah farhshiisha ginah xiyaa carishsha waani waanishanta.

Efesos 5:20

Abba kin Yallah, ummannimih, umman gedda ni Maddara kin Yeesus Masiix migacalle lel xamdishitak,

Efesos 6:10

Abayshimalle, Maddari araxah kaa nabnet xayladde isriya.

Filibbi 1:11

Yallih nabne kee faylah, tamaa Yeesus Masiix araxah geytimta xaqqi daroh temmeegiinih sugtoona ciloh kinni.

Filibbi 2:11

Abba kin Yallahi nabneh lel Yeesus Masiix Maddara kinamah, umman anrab yaalamo kinni.

Kolossay 4:6

Umman tiyalle akah tadabbiiniikah taarhagoona ciloh, sin waani mulxu-lem tekkeh umman gedda nicma-lem takkoo.

1 Tessaloniike 2:4

Laakin tamaa amaanah nolle yomxoye mece ware, Yalli akah yishhide mara nekkeh waanishak nane. Tayim lel xiyaw xedenishno akkekkah, tamaa ni afcaado yamirmire Yalla xedenishno ciloh kinni.

1 Timoteyos 1:17

Tamaa umman geedit nugus, rabinnixe, ambulluwinnixe, inki Yallah, umman gedda kee umman gedih xishma kee nabne takkoo. Amin.

1 Timoteyos 6:16

usuk ulah rabinnixe tiya, kab adde arhxinnixon ifolle mara tiya, walaa inketti ablinnixe tiya, hido walaa inketti yablo taana tiya kinni. Kayyah xishma kee umman geedit reeza takkoo. Amin.

Tiitos 2:1

Atu yekkemko laakin, rummaahit mazhablih tamseeneem uydurus.

Tiitos 2:15

Tayim warroyish; umbuka reezaalih fayishsheyaako oskoolof. Walaa inketti ku ilaace wayoo.

Cibraan 13:7

Tamaa Yallih waanitta sinlih waanishshe sin manabottit xunsusa. Ten gerh-gerhhi mawco tubliinih, ten imaan katattaanta.

Cibraan 5:12

Kado fanah mudarrisiin takkoona sinah eedak tine haaki, tamaa masarrat kin Yallih waanitta malammih sin yayduruseti sin farhshiishak yane. Sin farhshishsham xan kibah, kafin folo maki,

Yacqoob 1:19

Yinkixxine yi saculo, tayim irhiga: ummanti dheh yaabbe tiya, waanille afitinnixe tiya, dheh kurrayinnixe tiya yakkoo.

Yacqoob 1:26

Akkinnanti diin-wanna kinam ishek yekkelemko, ishi anrab lel algume wayemko, ishi afcaado doolaba, ta xiyawtih diin lel foyya kinni.

1 Bithroos 2:12

Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.

1 Bithroos 2:5

Atin sinneh yane dhayit tekkiinih ufayi care balih ginnimteenih tanin. Tayim lel yinqiddise sheekhino taalloona ciloh, tamaa Yeesus Masiix araxah Yallalle kabbat-le ufayi sadaqha bahtoona ciloh kinni.

1 Bithroos 4:10

Yallih nicma umman caynahiya meceetih baclaysha mara tekkiinih, inkoh tamaa kabbatten nicmat muttuxuwah sittiya ukhdumanta.

1 Bithroos 4:16

Laakin, masiixto yekkemih waaxelsiitati, ta migacah Yalla yaynaboo kibah, xoolashshiite wayoo.

1 Bithroos 5:11

Umman gedda xayli kayyah yakkoo. Amin.

Yahuuda 1:25

ni Maddara kin Yeesus Masiix araxah ni gargeera inkettak yane Yallah waqhti erherhekkahko, kado kee umman gedih nabne, maso, xayla kee reeza takkoo. Amin.