1 Bithroos 4:10 - Saaho Cusub Cahde

¹⁰ Yallih nicma umman caynahiya meceetih baclaysha mara tekkiinih, inkoh tamaa kabbatten nicmat muttuxuwah sittiya ukhdumanta.

1 Bithroos 4:10 Iomraidhean Croise

Maatiyos 20:28

Xiyawti Barhi gantah akah yakhdamoona makiiki, yakhdamo kee mango marih muucah ishi aniina tillaabisho kinni yemeetem” akko yerhxe.

Maatiyos 24:14

Umbuka xiyawah shaahid yakko ciloh ta nigsinnat Mece Wari umman caalamalle warreyo kinni, amaymik sarrah abayshima tamaato kinni.

Maatiyos 24:21

Amayim lel caalam erhedhdhemko kado fanah akkinnixem, tayek sarrah gantah caduruh akke wayo le cazaab waqhte yakko kinamhi sabbatah kinni.

Maatiyos 24:45

Waqhte waqhteh folo akah yaxaw ciloh, kaa manabotti ishi xawazhi baclaysheena akko abe, umun kee kas-le garuzzi miyatto kinni?

Maatiyos 25:17

Amaa lamma talantoon luuk yineti lel amayim balih lamma talantoon yiksibe.

Maatiyos 25:44

Sarrah usun: ‘Maddara, manda kinni safritteh hido bakhaaritteh hido gerhenta tekkeh hido carrazzeh hido laxutteh hido lel xabshedde ku nubleyaako ku akhdume waynem?’ arhxuk alle yadabboona kinon.

Markos 10:45

Amayim lel Xiyawti Barhi gantah akah yakhdamoona makiiki, yakhdamo kee mango marih muucah ishi aniina tillaabisho yemeetemhi sabbatah kinni” akko yerhxe.

Luukas 12:42

Maddari lel: “Miyatto kinni umun kee kas-le masxadaadara, kaa manabotti ishi xawazhi baclaysheena akko abah, waqhte waqhteh lel ten ten folo akah yaxayya?

Luukas 19:13

Ishi garuuzaako tamanah deecimeh: ‘Anu gaxandah bicishra aba’ yerhxeh babbarhi tamana mina akah yoxoye.

Luukas 8:3

Heerodes maxadahi masxadaadara kin Khuuzaati numa kin Yohanna; Suzaana kee aki mango mari, amaa sinni iraaroh ten tukhdumeya kuuk yinin.

Rooma 15:25

Kado laakin, Yerusaalemille yane yinqiddise marah solaadi beyeyaako aduuk aniyo.

Rooma 15:27

Eedo kinamhi sabbatah lel rummah yikxiniinih yanin. Aki-mari Ufayi baraka tenlih yengeliinik sarrah, usun lel maroona ten farhshishshamah tena yakhdumiinim akah eedda.

1 Korintos 15:10

Yallih raxmah laakin anu kiyo tiya kiyo, kaa raxma lel foyya makkinna. Rummah, umman tenko ziyaada ukhdume, yottaalih tane Yallih raxmah kibah laakin yotta maki.

1 Korintos 3:10

Anu Yalli yoh yoxoye nicmah dhiiceena kin naddaaq balih dhishe masarratalle aketti ginak yane. Akkinnanti lel aaginah alle ginam selito kaalle tane.

1 Korintos 4:7

Atu aki maraako akah tashshemih ayim lito? Atu kabbaate waytemih ayim lito? Kabbatteh tinniyemko, kabbaatinnixe tiya balih aymih kinni falittam?

2 Korintos 6:1

Yallaalih inkidde yashtuqhule mara kinoyaako, Yallih nicma kabbattenyak foyya akko abe waytoona sin dhaacimak nane.

2 Korintos 9:1

Kado, tamaa yinqiddise marah takke khidmahi zacabah sinalle aktubem mifarhshishsha.

Efesos 3:8

Umbuka yinqiddise maraako cindha yottah, tamaa ammirmirinnixe Masiix gadda Aki-maralle warroysho, ta nicma yottah kinni tomxoyem.

Efesos 4:11

Usuk garoh fartottit, nobowa, mece warroyishsham, kaniisat zan abtam, garoh lel mudarrisiin muttuxuwa akah yoxoye.

2 Timoteyos 1:18

Maddari amaa lellec Maddaraako ishi raxmah kaa yaarhagoo! Usuk Efesosulle abe khidma lel atu inkoh meceetih taarhige.

Tiitos 1:7

Kaniisat bukalle macalso abati, Yallih masxadaadari akah kinniikah, akah caddaalimam hin tiya yakko kaalle tane. Yamnanabbe tiya, hido dheh kurraya tiya, hido sakraan, hido mangaaca, hido kasbi hirfe le tiya yakko kaalle mitane.

Cibraan 6:10

Yalli xaqqi-wanna akkinnixe tiya makinamhi sabbatah, kaa migacah arhxitin kaddih akah abak taniiniikah, tamaa yinqiddise marahi khidmadde tuybulluwin sin ciyyo kee kaxano biyashshimtam maki.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.

1 Bithroos 5:12

Tamaa umun kin sacalah able Silasti araxah, sin aydukumuso kee tayim rummaahit Yallih nicma kinam ayshadhdhago, ta urhurh farto sinalle uktubeh aniyo. Teyalle isbita.