1 Bithroos 3:8 - Saaho Cusub Cahde

⁸ Abayshimalle, atin inkoh, inki xisaab, naxrurta, sacoolinni kaxano, raxmatta-le afcaado abitteenih, amnonobba hin niya abitanta.

1 Bithroos 3:8 Iomraidhean Croise

Maatiyos 18:33

Anu akah kolle naxruuruteekah, ishi zoobatto kin garuzzolle naxrurto kolle mitane?’ akko yerhxe.

Luukas 10:33

Wuli Samaariyatti laakin kallaaxak kaalle yemeeteya kaa yuble gedda raxmah uluc akko xarhe.

Fartottit hi Abittot 2:1

Bentheqostheeti cid yekke gedda, usun inkoh inki caralle yinin.

Fartottit hi Abittot 27:3

Malammit max Tsiidoon gufne. Yuuliyos Bawlos naxrurtah kaa yibbirheyaako, ishi soxoballe yedeeyaako tenko xato geyo akah yismixe.

Fartottit hi Abittot 28:7

Kado, amaa makaanoh wakalelle, amaa jaziirah manabotta yakke Bobliyos akko yarhxin xiyawtih dhage tine, usuk lel meceetih gerhah ni kabbaateyaako adooxa max ni yeyseese.

Fartottit hi Abittot 4:32

Inkoh tamaa yeemene mari inki afcaado kee inki xangal kuuk yinin. Iraaroh luuk yiniinim umman tenhim kuuk yinenkah, tenko: “Tayim yim kinni” yarhxe tiyah walaa inketti miyine.

Rooma 12:10

Sacoolinni kaxanoh sittiya ikxina. Mangum sittiya xishmata.

Rooma 15:5

Curtayyo kee aydukumusnan Yalli, Yeesus Masiix arax kataytan, sinne-sinneh inkidde akah martan samara sinah yaxaw.

1 Korintos 1:10

Yi saculo, inkoh tiya tekkinyaako inki xisaab kee inki xagara abita kibah, sinne-sinneh barhsime waytoona Yeesus Masiix migacalle sin asuusa.

1 Korintos 12:26

Inki karima waaxelsittemko, umbuka karim waaxelsiita; inki karima xishma geytemko, inkoh inkidde xedenan.

Efesos 4:2

Tayim lel umbuka amnonobbi wayto kee mece-mariinoolih, curtayyoolih kaxanodde sittiya dhiica mara takkiinih abanta.

Efesos 4:31

Umbuka cur-tarhxem kee xurtaame kee kura kee andhax kee dhaw, kee waato, umbuka umaaniilih sinneeko asac-ishanta.

Efesos 4:32

Yalli Masiix araxah sinalle akah xabeekah, sinne-sinneh mece mara, naxrurta-le mara tekkiinih, sittiyalle xabanta.

Filibbi 2:3

sinni nafaacah yakko, yi ware-beeh walaa inkim maabina. Sarreh, amnonobba xabteenih, garo sinneeko naballe ibbirhanta.

Filibbi 3:16

Nanu tamaa gufneh nanemille bisa nasbatoo.

Kolossay 3:12

Amaydo, yinqiddise mara kee yinkixxine mara Yalli dooreya, afcaadot naxrurta le mara akah kitiiniikah, mecaani, amnanabbe wayaanam, xiyaawinna kee curtayyo saritanta.

Cibraan 13:1

Sacoolinni kaxani yannawoo.

Yacqoob 2:13

Amayim lel tamaa raxma aallinnixeti raxma hinnim yamfarrado kinamhi sabbatah kinni. Raxma firdeeko subta.

Yacqoob 3:17

Laakin aganaako kin kas erherhih tsitstsii tiya kinni, sarrah lel maaxiyo le tiya, mece tiya, aki xiyawhi mablo kabbaata tiya, raxmaako yemmeege tiya, mece fire le tiya, babbarhishnan hin tiya kee doolab hin tiya kinni.

Yacqoob 5:11

Taykinna, tamaa cure mara dhaacolit balih ten nable. Ayyuub curtayyo kee Yallih macal tubliinih tanin. Amayim lel Yalli mece farhi-le kee naxrurta-le kinamhi sabbatah kinni.

1 Bithroos 1:22

Rummi yarhxem toobbinyaako, rummaahit sacoolinni kaxanoh sinni rooxe tiythihiriinih, rummaahit afcaadooko cilleh sittiya ikxinanta.

1 Bithroos 2:17

Umman tiya xishmatanta. Sacoolinno ikxinanta. Yalla mashshita. Nugus xishmatanta.

1 Bithroos 5:5

Amayim balih, cindha-masok, naba marah im-izzizanta. “Yalli yamnanabbe marah didde, amnanabbinnixe marah lel nicma yaxaye” akah yarhxeekah, inkoh amnonobbi waytoh sittiya ukhdumanta.

2 Bithroos 1:7

Yallih mashshiilih lel sacoolinni mecaani yaalliinim, sacoolinni mecaaniilih lel kaxano yaalliinim ziyaadishshoona ciloh sinnelle tanem abanta.

1 YOHANNIS 3:14

Sacul kixinnomhi sabbatah rabaako aniinalle tillabnem naarhige. Akxinuk anniye wayati ditedde siga.