1 Bithroos 3:7 - Saaho Cusub Cahde

⁷ Amayim balih, atin lel ko baacilo, usun rukut sin zooba kinoonimhi sabbatah, sinni sayyoolih sittiya akah taabbin araxah maranta. Usun aniinat nicma sinlih yawrishe mara kinoonimhi sabbatah ten xishmatanta. Taginah sin dhaaco deesimto maki.

1 Bithroos 3:7 Iomraidhean Croise

Maatiyos 18:19

Malammih, lammik baarholle alle tensemeemeciinih esserteenim carshelle geytima yi Abbah araxah akah takko kinam sinak arhxiyuk ane.

1 Korintos 7:3

Bacli ishi numah tee xaqqe akah abo, numa lel amayim balih ishi baclah kaa xaqqe akah abto alle tane.

Efesos 3:6

Ta sirri lel, Aki-mari Yahuudlih worosa, inki nabsehi karim, mece warehi araxah lel Masiix kin Yeesusudde amaa wacde yangale mara kinoonim kinni.

Efesos 4:30

Sin muucahi maxah atin akah tumxuttumiinih tanin Yallih Quddus kin Ufaye masxazanina.

Efesos 5:33

Yakko kibah, sinko ummanti ishi numa ishe balih yakxanoo, numa lel ishi bacla xishmattoo.

Efesos 6:18

Ummanimih salaat kee dhaacoh, umman gedda Ufayeh issilliya. Tayimlih lel, curtayyoolih himma-abitteenih umbuka yinqiddise marah dhaaco akah abanta.

Kolossay 3:19

Ko baacilo, sinni sayyo ikxina kibah alle masrayna.

1 Tessaloniike 4:4

Sinko ummanti ishi nabse anqaddas kee xishmadde aaginah dhawrham yaarhagoo.

Tiitos 3:7

Amayim lel, kaa nicmah nitxiqqiqheyaako, tamaa umman geedit aniinahi cagti araxah worosa nakko ciloh kinni.

Cibraan 1:14

Usun yakhdume ufayit inkoh tamaa garger yawrasho le mara yakhdamoona farritimteya makini kinoonim?

1 Bithroos 3:1

Amayim balih ko sayyo, sinni baacilih im-izzizanta. Tenko gari waanitta yaabbe mara walaa akke wayeenimih, waanitta hinnim gaxoona dhiican. Amayim lel tamaa xishma le mece sin gerh-gerh yabliinih kinni.