1 Bithroos 3:22 - Saaho Cusub Cahde

²² Usuk carshelle yewceyaako, Yallih mizgi gabooko yane. Amalle lel malaykut, reezon kee xaylit akah angizzuuk yanin.

1 Bithroos 3:22 Iomraidhean Croise

Maatiyos 22:44

‘Maddari yi Maddarak: “Ku nacabtoolit ku ibih guba ten hayandah, yi mizgaako defee Maddara akko yerhxem?”’

Maatiyos 28:18

Yeesus lel kab-yerhxeh: “Umbuka reeza carshe kee baarholle yoh tomxowweh tane.

Markos 12:36

Dawud isheh Quddus kin Ufayeh abeh tahe yerhxe: ‘Maddari yi Maddarak, “ku nacabtoolit ku ibih guba ten hayandah, yi mizgaako defee” akko yerhxe.’

Markos 16:19

Maddara kin Yeesus, tenlih waanishek sarrah, carshelle yumuqquceyaako, Yallih mizgi gabooko defeye.

Luukas 20:42

Dawud isheh Zaabur Kitaabadde tahe yarhxe hanuk: ‘Maddari yi Maddarak akko yerhxe: “Ku nacabtoolitik ku ibih dokka akko koh abandah yi mizgi gabooko defee.”’

Yohannis 13:32

Yalli kayyadde yenebemko, Yalli gantah kayya ishedde yaynabo kinni. Akkanih lel kaa yaynabo kinni.

Fartottit hi Abittot 1:11

“Galiilaati xiyawo, aymih kinni caranalle kulux-arhxuk daw-arhxuk taniinim? Ta sinko carshelle beyeenih yanin, Yeesus, tamaa carshelle aduuk akah kaa tubliiniikah yamaato kinni” akko yerhxin.

Fartottit hi Abittot 3:21

Yeesus carshelle sugo alle tanem lel Yalli quddus kin ishi nobowah afko dherh muddah waanisheh yine ascassab inkoh yakkendah kinni.

Rooma 8:34

Amaa yaqhtsiceti lel miyatto kinni? Tamaa rabeti, amayimko ziyaada lel, rabaako uguteti, Yallih mizgi gabooko yaneti, ni idhdhadde lel noh tillaabati Masiix kin Yeesus kinni.

Rooma 8:38

Amaydo, hido rabi hido aniina, hido malaykut hido manabottit, hido kado tanem hido niiroh tamaato lem, hido xaylit,

1 Korintos 15:24

Masiix lel umman nizaam, umman reeza kee xayla yiscireh, amaa nigsinna Abba kin Yallah baaha gedda, abayshima takko kinni.

Kolossay 3:1

Masiixlih rabaako ugutteenih tekkiinimko, tamaa agana Masiix Yallih mizgi gabooko alle defeyeh yanelle tanem wagiyanta.

Cibraan 1:13

Malaykutko: “Ku nacabtoolitik ku ibih dokka akko abandah Yi mizgi gabooko defee” miyak yerhxeh yaarhige?

Cibraan 1:3

Usuk Yallih nabnehi zifo kee igric-ishen kaa khulqhahi xibar le tiya yekkeh, ummannim ishi waanittahi xaylah daw-isha. Zambi tsitstsaye abek sarrah lel, agana yane naba nabne le Yallahi mizgi gabooko defeye.

Cibraan 1:6

Malammih lel usuk amaa riish ta caalamalle baaha gedda: “Yallih malaykut inkoh akah yacbadoonaa” yarhxe.

Cibraan 10:12

Masiix laakin, inki muttuxuwa umman gedih takkeya, zambeh arhxuk yoxoye gedda, Yallih mizgi gabooko defeyeh,

Cibraan 12:2

Ni imaanhi dhisheena kee abaysheena kin Yeesusudde kulux-narhxoo. Usuk xooladde macalah rabekkah, tamaa nifidde akko yine xedenih arhxuk masqalak rabaanam cure. Nugus kuselle lel Yallahi mizgaako defeyeh yane.

Cibraan 4:14

Amaydo, carshelle kore nabamko naba shekh kin Yeesus, Yallih Barha linomhi sabbatah, ninni shahaadalle qath-narhxoo.

Cibraan 6:20

Yeesus lel Malkitsedeq balih umman geedit naba shekh yekkeyaako, ni basolle ni idhdhadde amadde orobeh yane.

Cibraan 8:1

Kado tamaa narhxo farhne gondo tatiyä kinni: nanu tamaa carshelle yane naba nabneh nugus-kursehi mizgi gabooko defeyeh yane naba shekh lino.

Cibraan 9:24

Masiix kado ni idhdhadde Yallih nifille yamballaw ciloh, tamaa carshedde orobenkah, amaa rummaahiitimhi xibar kin quddus kin makaanon gabah siraaximeyadde moorobinna.