1 Bithroos 3:21 - Saaho Cusub Cahde

²¹ Tayim lel ta kado sin gargeera aythammaq tablem kinni. Aythammaq lel, tamaa rabaakohi ugut Yeesus Masiixiyahi araxah, cado-qalbeh Yallalle aban dhaacoh kibah, askok nabseeko kalaanamah maki.

1 Bithroos 3:21 Iomraidhean Croise

Maatiyos 28:19

Amaydo, aduwantaaki, umbuka ummat, Abba, Barha kee Quddus kin Ufayih migacalle ten tiythimmiqhiinih, inkoh anu sin eemereh aniyom aboona ten uydurusantaaki katattaynit akko aba. Taykinna, anu lel ta waqhti abayshima fanah umman max sinlih aniyo” akko yerhxe.

Markos 16:16

Aamininnan tiya kee anthimmiqhinnantiya lel gargeerimoona kinon, aamininnixeti laakin yanqatstsaco kinni.

Yohannis 13:9

Simcoon Bithroos lel: “Maddara, yi amo kee yi gabub gantah kibah, yi iba bisa makiiki” akko yerhxe.

Fartottit hi Abittot 16:33

Amaa baradde ten beyeyaako ten biyok akah yitsfifeh, inki geddalle yinthimmiqhe, inkoh ishe kee ishi xawazah.

Fartottit hi Abittot 2:38

Bithroos: “Otooba, sin zambi sinah xabbiimo ciloh lel inkoh umman tiyak Yeesus Masiix migacalle inthimmiqha, Quddus kin Ufayehi muttuxuwa lel kabbattoona kitin.

Fartottit hi Abittot 22:16

Kado lel ayim ilaalak tanito? Ugutaaki, tinthimmiqheh ishi zambe cakalishsheyaako, kaa migacah deecim’ yok yerhxe.

Fartottit hi Abittot 8:36

Araxalle aduuk lel wuli layelle yemeetin gedda amaa xargi: “Ubul koye, talle laye tane! Anthimmiqhemko yi dessamah ayim tane?” yerhxe. [

Fartottit hi Abittot 8:37

Usuk lel: “Umbuka ishi afcaadooko teemenemko dhicto kito” akko yerhxe. Itobbiyatti lel: “Yeesus Masiix Yallih Barha kinamah aamine” akko yerhxe.]

Rooma 5:14

Rabi laakin Adamko Moosa fanah, tamaa Adam idhdha xinayyoh zambe abinnixe marahi bukalle gantah tingiseh tine. Adam lel yamaato luuk yine tiyahi caynaako wulim kuuk yine.

1 Korintos 12:13

Nanu Yahuud hido Giriik xiyaw, garuuza hido ishi finja le mara, inkoh inki nabsedde ninthimmiqhe, inkoh lel inki Ufaye naacubeya kabbatne.

1 Korintos 4:6

Yi saculo, wuli tiyalle mifalitina, wuli tiya kab-ishsheenih, wuli tiya mirix-miishina. Tamaa: “Tunkuttubeh tanemko foorolle maadayna” akah yarhxeekah, nottaako tadrasoona sin nafaacah erhxeh, inne kee Abolloos misaalah kab sinah isheh aniyo.

2 Korintos 1:12

Nanu akah cafadnam tayim kinni: ta caalamalle fertoh lel sinlih lino kabkabbot yinqiddise araxah kee Yallaako geytima cado-qalbeh kuuk yinem, ni afcaadohi dhaw nolle yashhide. Tayim lel xiyaw xikmah akkekkah, Yallih nicmah abnemhi sabbatah kinni.

2 Korintos 7:1

Yi kaxantoolito, inkoh ta wacde neellek sarrah, tamaa nabse kee ufaye xaraameeko ninne niysiffiyeh, Yalla mashshinneh ninni anqaddasak kaamil akko abnoo.

Galaatiya 3:27

Tamaa inkoh Masiixidde yinthimmiqheh yane marak Masiix xibar hashshitteenih tanin.

Efesos 5:26

Amayim lel, ishi waanittah layet cakalso akko abeyaako yiythihireh, tee yayqaddaso ciloh;

Kolossay 2:12

Anthammaqhah kaalih tumuccugin, xaylah rabaako kaa uguse Yallahi ciyyoh teemeniinih atin gantah kaalih ugutten.

1 Timoteyos 1:5

Ta amrih bursaale lel, tamaa tsitstsii afcaado, cado-qalbe kee rummaahit imaanko yamiite kaxano kinni.

1 Timoteyos 6:12

Mece imaanhi gixlo ingixilanta. Tamaa akah koh deecimen, mango shohodah nifille lel mece shahaada alle toxoye, umman geedit aniina ibbirh.

Cibraan 10:22

ninni afcaado uma niyaako anasnasah qarcoyishneh, ninni nabse tsitstsii layeh cakalishnemhi sabbatah, mece niya kee imaanah yamiite thummutuh kab-narhxoo.

Cibraan 11:19

Usuk Yalli rabaako kaa uguso dhiicam yeerhegeh, rabaako ugutem balih yubleyaako malammih kaa kabbaate.

Cibraan 13:18

Nanu cado qalbe linomuh thummut kinomhi sabbatah, ummanim meceetih abno lel farhi linomhi sabbatah, dhaaco noh abanta.

Cibraan 9:14

Masiix biili isheh abar hinnim tamaa umman geedit Ufayehi araxah Yallah yomxoyeh yaneya, tamaa yane Yallah nacbado, rabi katayishsha ciyyooko ni niya amayimko mangum aysiffiye le?

Cibraan 9:24

Masiix kado ni idhdhadde Yallih nifille yamballaw ciloh, tamaa carshedde orobenkah, amaa rummaahiitimhi xibar kin quddus kin makaanon gabah siraaximeyadde moorobinna.

1 Bithroos 1:3

Ni Maddara kin Yeesus Masiix Yalla kee Abbah fayla takkoo! Ishi naba raxmah balih, Yeesus Masiix rabaakohi ugutti araxah yane cagadde malammih akah naabukeekah nok abe.

1 Bithroos 3:16

Laakin tayim xiyaawinna kee xishmaalih abanta. Tamaa atin Masiix araxah litin mece gerh-gerhih waatima mari, tamaa waatoh xoolashshiitoona ciloh, cado-qalbe abitanta.