1 Bithroos 3:15 - Saaho Cusub Cahde

¹⁵ Sinni afcaadodde laakin, Masiix Maddara balih xishmatanta. Tamaa sin addadde yane cag hi sabbatah sin esserinnan tiyah radde taxawna inqirribanta.

1 Bithroos 3:15 Iomraidhean Croise

Kolossay 4:6

Umman tiyalle akah tadabbiiniikah taarhagoona ciloh, sin waani mulxu-lem tekkeh umman gedda nicma-lem takkoo.

Tiitos 1:2

Ta irhga tenah umman geedit aniinahi cag taxaye. Tamaa caduruh zirabbitinnixe Yalli lel ta caalam erherhekkah wacde akah sayem tatiyä kinni.

Kolossay 1:27

Yalli Aki-marahi addalle ta mashthir hi gaddih nabne ayidhdha nabam tena yayshidhdhigem doore. Ta sirri lel sin addadde yane nabnet cag kin Masiix kinni.

Cibraan 6:1

Amaydo, tamaa erhedhdhot Masiix mazhabko, gufaynolle tillabnowaanta kibah, tamaa rabi xiyaa gudduusa abittot kee Yallah yaaminiinimhi zacabah malammih toobat masarrat sigishaanamalle gaxe waynowaanta.

Kolossay 1:5

carshelle sinah yinqirribeh yane caghi sabbatah kinni. Ta cag lel tamaa rummi waanitta, mece ware kinyahi araxah toobbiinih tanin.

Kolossay 1:23

Tayim lel rummah atin imaan katattayishsheenih, tamaa toobbin mece warehi rajaako acrhiyekkah, dhishshimteenih tisbitiinimko kinni. Ta mece wari carshi geridde geytimta umbuka makhluuqhulle warreyeh yane. Anu, Bawlos lel mece warehi khaddaam ekkeh aniyo.

Cibraan 3:6

Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

1 Bithroos 3:4

Laakin, sin bilca tamaa Yallih intidde naba limo leh, alayinnixe carha-micneelih sukuun le ufaye kee afcaadodde sucutteh tane xiyaawinnah takkoo.

1 Bithroos 1:17

Tamaa babbarhishekkah, umman tiya kaa-kaa abitto balih yafride tiyak “Abba” terhxiinih akah deecimtoona tekkiinimko, gerha tekkiinih dago waqhteh taniinim fanah kayya mashshiitak suganta.

Fartottit hi Abittot 24:25

Xaqqe kee sinni nabse yabbirhiinim, amaye balih yamiite firdehi zacabah waanishe gedda lel, Feeliksi mashshiiteyaako: “Caashir geyinnan gedda kodde farriimo kiyok, kado aduu” akko yerhxe.

Fartottit hi Abittot 21:39

Bawlos lel: “Anu Kilikiyaati Tarsusko kin naba daafoh barha kin Yahuuddo kiyo. Ta xiyawlih waanisho yoh tasmaxo lel ku dhaacimak aniyo” yerhxeh alle yedebbe.