1 Bithroos 2:8 - Saaho Cusub Cahde

⁸ Amayim balih: “Xiyaa andafisha dhayitto, kee xiyaa cidda duma” kinni yarhxe. Amaa waanitta aabbe wayeenimhi sabbatah andafiten, tayim abaanam lel awwalko ten kelo tekkem kuuk tine.

1 Bithroos 2:8 Iomraidhean Croise

Luukas 2:34

Simcoon ten yeybeerekeh lel Maryam kaa inak tahe yerhxe: “Taykinna lel, mango afcaadot xasaab yamadhdhago ciloh, usuk Israa-eelille mango mara uguso kee cido, amayim balih kaa kabbaatinnexe marah tuumar yakko dorriime. Atu yakkeedo ku rooxeeko seef kok tabo kinni”.

Rooma 9:22

Yalli ishi kura yayballaw kee ishi xayla yayshadhdhago farheyaako, liyah yinqirribe kurat citrorulle naba sabreelih curemko ayim kinni?

1 Korintos 1:23

nanu laakin Yahuuduh andafo, Giriik xiyawah lel duudiino kinam, Masiix masqalak takarimem warroyishna.

2 Korintos 2:16

Garoh rabaako raballe tillaabisha ure, garoh lel aniinaako aniinalle tillaabisha ure kino. Taymih abto dhictam miya kinni?

Galaatiya 5:11

Laakin, yi saculo, anu kaddih askok-kalum zacabah warroyshak anniyeedo, aymih kaddik haddaanimak aniyo? Amayim takkeedo, tamaa masqal andafo ticrhiyeh anniye dhadhdhe.

1 Tessaloniike 5:9

Yalli, ni Maddara kin Yeesus Masiix araxah garger geyno kibah, kurah ni maaxayinna.

1 Bithroos 2:6

Amayim Kutuub taginah yarhxemhi sabbatah kinni: “Taykinna, Tsiyoonulle dhayitto oobishak aniyo, ta ongolot dhayitti doorimeh limo naba tiya yekkeh, kayyah aamininnanti xoolashshiito maki.”

1 Bithroos 2:7

Amaydo, yaamine marak ta dhayitti sinalle limo naba tiya kinni. Tamaa aamininnixe maralle laakin, Kutuub: “Yandiqhe mari dhayiten dhayitti ongolot dhaa yekkeh yane”,

2 Bithroos 2:3

Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

Yahuuda 1:4

Sinni firde bishshiitoona kalxaako alle abayshimte xiyawko gari Yallih mashshi hinya, sin addadde xololeenih orobeenih yanin. Usun tamaa ni Yallih nicma bacaalaginolle yiydilbikiinih inkettak lino ni Wanna kee Maddara kin Yeesus Masiix xineenih yanin.