1 Bithroos 2:7 - Saaho Cusub Cahde

⁷ Amaydo, yaamine marak ta dhayitti sinalle limo naba tiya kinni. Tamaa aamininnixe maralle laakin, Kutuub: “Yandiqhe mari dhayiten dhayitti ongolot dhaa yekkeh yane”,

1 Bithroos 2:7 Iomraidhean Croise

Maatiyos 21:42

Yeesus lel: “‘Siraaxa mari ilaacen dhayitti ongolot dhaa yekkeh yane; tayim Maddari abitto kinni, ni intidde lel mangum carha mece’ yarhxiinim Kutuubudde caduruh maqhrayinnitiini?

Luukas 2:32

Tayim amaa Aki-marah ifo tayshidhdhigem, ku Israa-eel xiyawah lel nabne kinni” arhxuk Yalla faylishe.

Luukas 2:34

Simcoon ten yeybeerekeh lel Maryam kaa inak tahe yerhxe: “Taykinna lel, mango afcaadot xasaab yamadhdhago ciloh, usuk Israa-eelille mango mara uguso kee cido, amayim balih kaa kabbaatinnexe marah tuumar yakko dorriime. Atu yakkeedo ku rooxeeko seef kok tabo kinni”.

Luukas 20:17

Usuk laakin nif kee nifih kulux adde yerhxeh: “Amayim yakkeedo: ‘Siraaxa mari xinen dhayitti ongolot dhaa yekkeh yane’ terhxeyaako ta tunkuttubeh tanem ayim kinni?

Yohannis 4:42

Amaa numak lel: “Atu nok terhxemhi sabbatah bisa maki neemenem, ninneh noobbemhi sabbatah kinni, rummah lel tati caalamti Gargeereena kinam naarhige” akko yerhxin.

Fartottit hi Abittot 26:19

Amaydo, Nugus Agribba, anu carshi mablo kataanam mixininniyo.

Rooma 10:21

Israa-eel xiyawhi zacabah laakin: “Tamaa aabbinnixeh yi didde kin xiyawah umbuka max inni gabub akah iyfiddige” yarhxe.

Rooma 15:31

Yahuudiyalle yane aamininnixe maraako dhawrhumo kee Yerusaalemille aba khidma amalle yane yinqiddise mari kabbaatoona dhaaco yoh aba.

2 Korintos 2:16

Garoh rabaako raballe tillaabisha ure, garoh lel aniinaako aniinalle tillaabisha ure kino. Taymih abto dhictam miya kinni?

Kolossay 2:10

Atin lel tamaa umbuka reeza kee mas-uuliyahi amo kin kayyah temmeegiinih tanin.

Tiitos 3:3

Tayim lel nanu gantah ninneh wuli gedda, duudit, akko yarhxiinim aabbinnixe mara, araxko yicrhiye mara, barhsimte farhi kee raaxahi garuuza, ninni lelleeca umaani kee ashshiinodde tillaabisha mara, aki mari nicibah, sittiya nicib mara kiinuk nine.

Cibraan 11:31

Sharmuutha kin Rahab tamaa idhdhiteenit meceetih arxibishshemhi sabbatah, tamaa Yalla xine maraalih maalayinna.

Cibraan 4:11

Amaydo, walaa inketti tamaa yaabbo xine marahi misaal katayeh radamko, ta macrafadde akah orobnaakah xawalnoo.

1 Bithroos 1:8

Walaa kaa tubliinih mitaniini hanuk, kaa kixinitin. Walaa kado kaa abluk mitaniini hanuk, akah taaminiinih, wansittoona tantan naba xedenih xedenak tanin.

1 Bithroos 2:4

Tamaa xiyaw dhayitteh, Yallih intidde laakin doorimeh limo naba, yane dhayittolle amiituk tanin.

1 Bithroos 2:8

Amayim balih: “Xiyaa andafisha dhayitto, kee xiyaa cidda duma” kinni yarhxe. Amaa waanitta aabbe wayeenimhi sabbatah andafiten, tayim abaanam lel awwalko ten kelo tekkem kuuk tine.