1 Bithroos 2:5 - Saaho Cusub Cahde

⁵ Atin sinneh yane dhayit tekkiinih ufayi care balih ginnimteenih tanin. Tayim lel yinqiddise sheekhino taalloona ciloh, tamaa Yeesus Masiix araxah Yallalle kabbat-le ufayi sadaqha bahtoona ciloh kinni.

1 Bithroos 2:5 Iomraidhean Croise

Rooma 12:1

Amaydo yi sacul, Yallih naxrurtahi araxah, sinni nabse tane sadaqha, quddus kee Yalli akah kabbaata araxah kab-ishshoona sin fayshak aniyo. Amaye lel rummaahit sin cibaada kinni.

Rooma 15:16

Aki-maralle Masiix kin Yeesus khaddaam akko ciloh kinni. Amayim lel, Aki-marahi muttuxuwa Yallah kabbaatimto kee Quddus kin Ufayeh tinqiddisem takko ciloh, shekh ekkeh Yallih mece ware akhdume.

1 Korintos 3:16

Atin Yallih macbad kitiinim kee Yallih Ufayi sinadde sigam mitaarhigiini?

1 Korintos 3:9

Nanu Yallaalih khidma yangale mara kino. Atin Yallih dhage, Yallih camaara kitin.

1 Korintos 6:19

Hido sin nabsi tamaa Yallaako geyteenih sin addadde yane Quddus kin Ufayehi macbad kinam mitaarhigiini? Atin sinni mara makitiini.

2 Korintos 6:16

Yallih macbad, asnaamlih ayim kaa tayseene? Nanu Yane Yallahi macbad kino. Yalli tahe yarhxe: “Anu inni sigima ten fanadde abiteyaako ten fanadde gerho kiyo, anu lel ten Yalla akko kiyo, usun lel yi xiyaw yakkoona kinon.

Galaatiya 6:10

Amaydo, caashir geyinnan gedda, umman tiyah mecaani abnoo, fertoh lel tamaa imaanah ni sacul kin marah.

Filibbi 1:11

Yallih nabne kee faylah, tamaa Yeesus Masiix araxah geytimta xaqqi daroh temmeegiinih sugtoona ciloh kinni.

Filibbi 2:17

Tamaa sin imaanhi sadaqha kee khidmalle, sadaqhatah omxoyeh macaba balih xarhitaado gantah kixiniyuk umbuka sinlih xedena.

Filibbi 4:18

Yi dhictah yooko fertam kabbaateh aniyo. Tamaa Ebafroditosulle farteenim, basak-yarhxe ure leya, Yalla xedenishah kabbaatimta sadaqhaalih, mece sakaye geyeh aniyo.

Kolossay 3:17

Abinnannimidde lel, waanih yakko abittoh, inkoh Maddara kin Yeesus migacalle abanta. Amaymih lel kaa araxah Abba kin Yallah xamde edebbaanta.

1 Timoteyos 3:15

anu caawitemko, akkinnanti tamaa Yallih caredde, rummi camidda kee masarrat kin yane Yallahi kaniisadde, aaginah xibarah gerho kaalle tanem taarhago ciloh kinni.

Cibraan 3:6

Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

1 Bithroos 2:9

Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin.

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

1 Bithroos 4:17

Firdi waqhti kab-yerhxeh yane, akko erherhisho lem lel tamaa Yallih caredde yane maraako kinni. Nottaako erherho yekkek sarrah, tamaa Yallih mece wareh am-izzize waye marih abayshima ayim takko kinni?

Waxye 1:6

nigsinna nok abeyaako, ishi Yalla kee Abbah sheekha nok abeh yanek, nabne kee reeza umman gedda kee umman gedih kayyah takkoo. Amin.

Waxye 20:6

Erherh rabaakohi ugutudde yangaleti baraka-le tiya kee yinqiddise tiya kinni. Malammit rabi ta gina-le marahi bukalle xayla maleya, laakin usun Yalla kee Masiix sheekha yakkoona kinon, kaalih lel shiix iggidiya reezoona kinon.

Waxye 3:12

Tamaa yamlike tiyak lel inni Yallahi macbadadde camidda akko abo kiyo. Usuk lel caduruh akko yawco maki, anu lel inni Yallahi migac, inni Yallahi daafohi migac kee tamaa yi Yallaako obtah carsheeko tawce cusub Yerusaalem kee cusub inni migac bukalle akko aktabo kiyo.’

Waxye 5:10

Tenak lel ni Yallah nigsinna kee sheekha akko abte, usun lel baarholle yangasoona kinon.”