1 Bithroos 2:19 - Saaho Cusub Cahde

¹⁹ Yalli kixinam lel, tamaa Yallah arhxuk, akke-wayneh geyan xazan kee waaxelta curaanam kinni.

1 Bithroos 2:19 Iomraidhean Croise

Luukas 6:32

Sin kixin mara takxinin gedda lel, cawatah ayim litiini? Zambi-wannun gantah ten kixin mara kixinon.

Yohannis 15:21

Yotta fare tiya miyaarhigiinimhi sabbatah, yi migac hi sabbatah ummannim sinak aboona kinon.

Fartottit hi Abittot 11:23

Usuk amalle yemeete gedda, Yallih nicma yubleyaako mangum xedene, inkoh Maddaradde imaan yaalloona kee afcaadooko aalih yakkoona ten aydukumuse.

Rooma 13:5

Amaydo, akkinnanti Yallih kuraako raaco bisa akkekkah, kaa afcaadohi dhaw akko yarhxemih yam-azzazo kaalle tane.

1 Korintos 15:10

Yallih raxmah laakin anu kiyo tiya kiyo, kaa raxma lel foyya makkinna. Rummah, umman tenko ziyaada ukhdume, yottaalih tane Yallih raxmah kibah laakin yotta maki.

2 Korintos 1:12

Nanu akah cafadnam tayim kinni: ta caalamalle fertoh lel sinlih lino kabkabbot yinqiddise araxah kee Yallaako geytima cado-qalbeh kuuk yinem, ni afcaadohi dhaw nolle yashhide. Tayim lel xiyaw xikmah akkekkah, Yallih nicmah abnemhi sabbatah kinni.

2 Korintos 8:1

Yi saculo, Makedooniyaati kanaayisidde tomxoye Yallih nicma taarhagoona sinak farhna.

2 Timoteyos 1:12

Tayimhi sabbatah kinni lel cazaab abliyuk anem. Miyah eemeneh aniyom aarhigemhi sabbatah laakin mixoolashshiita. Tamaa amaanah yolle tomxoyeh tanem amaa lellec fanah usuk yoh dhawrho dhiicamah lel thummut kiyo.

Cibraan 10:2

Akke wayemko, tamaa yacbude mari umman gedih yimsiffiinih yakkeedo, tamaa aban zambeh ten niya ten cadale mirhaarhinna, sadaqha yaxaynim lel xabe dhaarhen.

1 Bithroos 2:20

Zambe abtan gedda, amayimille tumuttukiinih curteenimko, ayimti cawat geytaana? Mecem abak amayimille waaxelta curteenimko laakin, Yallih nifille tankixxinem tayim kinni.

1 Bithroos 4:15

Laakin sinko walaa inketti nabsi-wanna, hido garceena, hido umam abeena, hido xiyaw gondodde gaba saysha tiya yekkeh waaxelsiiteya yannaw kaalle mitane.