1 Bithroos 2:16 - Saaho Cusub Cahde

¹⁶ Yallih khaddamte balih, finja le xiyaw tekkiinih maranta kibah, sinni finjak umaanit goleena akko maabina.

1 Bithroos 2:16 Iomraidhean Croise

Maatiyos 23:13

Ko munaafiqhiin kin sercat dhiiceenit kee Faarisiinik, carshi nigsinna xiyaw nifidde aliftaanah, atin sinneh moorobtaana, orobo farha mara lel mixabtaanamhi sabbatah, sin careyta! [

Yohannis 15:22

Emeeteh tenlih waanisheh ineh akke wayaado, zambi-wannun akke mirhaarhinnooni, kado laakin sinni zambeh takale akah malooni.

Rooma 6:18

Zambeeko finja geyteenih lel xaqqi garuuza tekkiinih tanin.

Rooma 6:22

Kado laakin, zambeeko finja geyteenih Yallahi garuuza tekkiinih tanin. Atin geytan fire lel anqaddasalle xiyaa bahtam kinni, amayimhi abayshima lel umman geedit aniina kinni.

1 Korintos 7:22

Amaa garuzzo kuuk Maddari akah deecimeti, Maddaraako ishi finja geye tiya kinni. Amayim balih, deeco akah tekke gedda ishi finja luuk sugeti, Masiix garuzzo kinni.

Galaatiya 5:1

Finja le mara nakko, Masiix finja-le mara nok abe. Amaydo, malammih garuuzinnat arcotudde misaynantaaki isbita!

Galaatiya 5:13

Yi saculo, atin finja-le mara takkoona kinni sinah deecimeenim. Sinni finja xazottat caashirih matnaafacinantaaki, kaxani araxah sittiya ukhduma.

Efesos 6:6

Afcaadooko Yallih farhi abak Masiix garuuza balih kibah, xiyaw sinah yabloona, xiyaw xedenisha mara balih makkina.

Kolossay 3:24

Amayim lel sinni casbeh amaa miiraas Maddaraako kabbattoona kitiinim teerhegiinih abanta. Atin Maddara kin Yeesus kinni akhdumuk taniinim.

1 Tessaloniike 2:5

Akah taarhigiiniikah, nanu alaaliyot waaniilih, hido hirfi takaleh maamaatino, taymih lel Yalli ni shaahid kinni.

Yacqoob 1:25

Laakin tamaa gadma hin sercat, finjat sercat kinyadde, kulux-yarhxeh, kayyalle yasbiteti, tamaa yaabbem biyashshiitekkah abittodde ashishati, abamadde baraka-le tiya yakko kinni.

Yacqoob 2:12

Amaydo, tarhxiinim kee abtaanam tamaa finjat sercatah yamfarrado le mara balih abanta.

2 Bithroos 2:19

Usun sinneh masxi garuuza kinon hanuk, tenah finjat wacde akah sayak yanin. Amayim lel xiyawti tamaa akah yimlike tiyahi garuzza yakkemhi sabbatah kinni.

Yahuuda 1:4

Sinni firde bishshiitoona kalxaako alle abayshimte xiyawko gari Yallih mashshi hinya, sin addadde xololeenih orobeenih yanin. Usun tamaa ni Yallih nicma bacaalaginolle yiydilbikiinih inkettak lino ni Wanna kee Maddara kin Yeesus Masiix xineenih yanin.