1 Bithroos 2:12 - Saaho Cusub Cahde

¹² Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.

1 Bithroos 2:12 Iomraidhean Croise

Maatiyos 10:25

Katattayni ishi mudarrisih, garuzzi lel ishi maddarah yammingidem kaa dhicta. Cari-manabottak Beelzebuul akko yerhxiinimko, kaa xawazak amayimko mangum umam akko yarhxoona kinon.

Maatiyos 5:11

Yottah arhxuk sinah waatimeenih sin hadaneenimko, umaaniiko takkanna zirabah sinak yerhxiinimko, atin baraka-lem kitin.

Maatiyos 5:16

Amayim balih sin mece abittot yubliinih carshelle geytima sin Abbah nabne yaxawna ciloh, sin ifi xiyaw afalle iffowo.

Maatiyos 9:8

Amaa mango xiyaw tayim yublin gedda, mashshiiteenih, ta reeza xiyawah yoxoye Yalla yeynebin.

Luukas 1:68

“Ishi ummat gufeh yeyyeecemhi sabbatah, Maddara, Israa-eel Yallah fayla takkoo.

Luukas 6:22

Xiyawti Barhih hidhdhadde xiyaw sin yancibin gedda, sin barhishan gedda, sinah waatimaanah, migac sinak yashshaamin gedda, baraka-lem kitin.

Yohannis 13:31

Usuk irolle yewce gedda Yeesus: “Kado kinni Xiyawti Barhi yenebem, Yalli lel kayyadde yenebe.

Fartottit hi Abittot 15:14

Yalli ishi migacalle xiyaw abo ciloh, yookomeh Aki-mara aaginah gufem Simcoon caddoysheh yane.

Fartottit hi Abittot 24:13

Ta kado yottalle baahak yanin kisseh kotta akah yashshiminin seththe akah malooni.

Fartottit hi Abittot 25:7

Usuk yemeete gedda lel, Yerusaalemko obteh tine Yahuud kaa riille daw-yerhxiinih mango kisse dhacumaya, seththe akah aallinnixonya kab alle ishen.

Fartottit hi Abittot 28:22

Ta diin filci ummanille xammitimam naarhigek, tayimhi zacabah ku mablo ayim kinam kooko naabbo farhna” akko yerhxin.

Rooma 12:17

Umman tiyahi intidde mecem kinam aba kibah, umaani umaanih mafdayna.

Rooma 13:13

Cibdaan kee sakarah, uma-xibar kee bacaalaginoh, zagaxa kee ashshiinoh akkekkah, itre balih araxalle nadawo.

Rooma 14:18

Taginah Masiix yakhdume tiya Yalli kaa kixina, xiyaw lel kaa xishmatta.

Rooma 15:9

Amayim lel Aki-mari kaa raxmah Yalla yaynaboona ciloh kinni. “Aki-marahi addadde ku faylisho, kee ku migacalle fayla qannisho kiyo” yarhxiinim tunkuttubeh tane.

1 Korintos 14:25

Kaa afcaadodde sucutteh tanem tawce: “Rummah sin fanadde Yalli yane” yerhxeh lel kumeyaako Yallah yacbado kinni.

2 Korintos 1:12

Nanu akah cafadnam tayim kinni: ta caalamalle fertoh lel sinlih lino kabkabbot yinqiddise araxah kee Yallaako geytima cado-qalbeh kuuk yinem, ni afcaadohi dhaw nolle yashhide. Tayim lel xiyaw xikmah akkekkah, Yallih nicmah abnemhi sabbatah kinni.

2 Korintos 13:7

Atin umaani abtaanamko lel Yalla dhaacimna. Amayim lel nanu amaa cakanalle raace marah walaa nimmingidemih, atin xaqqe kinam abtoona ciloh kibah nanu cakanalle racnemih maki.

2 Korintos 8:21

Ni bursaale lel Yallih nifille bisa akkekkah, xiyaw nifille gantah mecaani abaanam kinni.

Efesos 2:3

Nanu gantah tena balih inkoh ninni xazottahi duume abnak, ninni nabse kee niyat farhi balih marak nine. Beexin mara balih lel kurat cindham kuuk nine.

Efesos 4:22

tamaa basoh akah marak tinin, uma araxalle xiyaa beyta farhih masxite sinni nabse asac-ishanta.

Filibbi 1:27

Sin ablo amiite gedda, hido dherhille aniyuk, inki ufayelle tisbitiinih, mece warehi imaanah inki afcaadoh andufuluk taniinim aabbo ciloh, sin gerhegerh Masiix mece wareh missilam yakkoo.

Filibbi 4:8

Abayshimalle, yi saculo, rumma akkinnannim, xishma-lem akkinnannim, xaqqe akkinnannim, tsitstsiyam akkinnannim, win-arhxinnannim, cirhe aallinnannim, ashshinnannim hido fayla akah eeddam tinniyemko, tayimhi sabbatah exeeseba.

1 Tessaloniike 4:12

Amayim lel garodde fadhdhaanamko kee tamaa imaanko irolle yane mari sin xishmatoona ciloh kinni.

1 Timoteyos 2:2

nuguusa kee inkoh tamaa naba carurudde yane marahi idhdhadde abtoona sin dhaacimak aniyo. Tayim lel maaxiyo kee sukuun le aniinah, Yallih mashshi kee xishma le xibarah marno ciloh kinni.

1 Timoteyos 4:12

Ku cindhaaneh walaa inketti ku ilaace wayooki, tamaa yaamine marak waanih, adabeh, kaxanoh, imaanah, tsitstsayeh misaal akko ab.

1 Timoteyos 5:10

Ishe mece abittotuh tamidhdhige tiyä, cindham carishshe tiyä, gerha kabbatte tiyä, yinqiddise marahi iba wadishshe tiyä, biyaakite mara baclayishshe tiyä, umbuka mece abittoh lel ishe tillaabishshe tiyä tekkemko, xatan maradde gaxtoo.

Cibraan 13:18

Nanu cado qalbe linomuh thummut kinomhi sabbatah, ummanim meceetih abno lel farhi linomhi sabbatah, dhaaco noh abanta.

Cibraan 13:5

“Caduruh ku mixaba, ku mathlime” yerhxeh yanemhi sabbatah, sinni aniina solaadit kaxanooko dhawudhdheenih, litiinimih xedeneenit tika.

Yacqoob 3:13

Sin fanadde kas-le tiya kee fahaama leti miyatto kinni? Ishi mece xaalah kasle xiyaawinnadde ishi abitto yayballaw.

1 Bithroos 2:15

Tayim kinni lel Yallih farhi: amayim lel sinneh mecem abak tamaa duudit kin xiyawhi sorha sik-ishishaanam kinni.

1 Bithroos 3:16

Laakin tayim xiyaawinna kee xishmaalih abanta. Tamaa atin Masiix araxah litin mece gerh-gerhih waatima mari, tamaa waatoh xoolashshiitoona ciloh, cado-qalbe abitanta.

1 Bithroos 4:11

Waanishati, tamaa Yallih waanitta waanisha tiya balih; yakhdumeti, tamaa Yalli akah yoxoye xaylah yakhdume tiya balih yakhdamoo. Amayim lel, Yalli Yeesus Masiix araxah umman ginah yanabo ciloh kinni. Nabne kee reeza lel kayyah takkoo, umman gedda kee umman gedih. Amin.

2 Bithroos 3:11

Tayim taginah talawo tekkek sarrah, aaginale xiyaw kinni takkoona sinalle tanem? Tamaa Yalli adde yamiite lellec ilaalak kee afishak, tinqiddise aniina kee Yallih mashshiilih kinni martoona sinalle tanem. Amayim lel amaa lellec caran xarareyaako yalaw kee carantim bolah dalalo kinamhi sabbatah kinni.