1 Bithroos 1:7 - Saaho Cusub Cahde

⁷ Tayim sin imaan rumma kinam taybulluwem kinni. Tamaa dahab walaa girah yamcakkanoo kibah, sin imaan tamaa yalaye dahabko naba limo leya. Ta sin imaan Yeesus Masiix yambulluwe gedda fayla, nabne kee xishma sinah baaho kinni.

1 Bithroos 1:7 Iomraidhean Croise

Maatiyos 19:28

Yeesus: “Ummannim alle tucussube waqhtedde, Xiyawti Barhi ishi nabne le nugus-kurselle defeya gedda, atin yi katayeh yane marak nugus-kursitko lamman kee tamanalle defeyteenih, Israa-eel lamman kee taman kishotya tafradoona kitiinim rummah sinak arhxiyuk ane.

Maatiyos 25:21

Kaa maddari: ‘Mecem abte, mece tiya kee umun kin garuzzo kito. Dagumulle umun tekkeh tanito, anu lel mangumhi tiya kok abo kiyo. Ishi maddarih xedenidde orob’ akko yerhxe.

Maatiyos 25:23

Kaa maddari: ‘Mecem abte, mece tiya kee umun kin garuzzo kito. Dagumulle umun tekkeh tanito, anu lel mangumhi tiya kok abo kiyo. Ishi maddarih xedenidde orob’ akko yerhxe.

Luukas 12:33

Sinni iraaro teebexiinih lel muttuxuwah baaxentitih uxuwa. Baarroyinnixa maxfaza, carshelle bakitinnixe cukra, garceeni gufo wayah, qunqune caynishinnixeya sinneh issiqhirriba.

Luukas 17:30

Xiyawti Barhi adde yamidhdhige maxadde lel amaa ginah takko kinni.

Yohannis 12:26

Yi akhduminnanti, yi kataw alle tane, anu alle anniinnanille lel yi khaddaam gantah yannaw kinni. Akkinnanti yotta yukhdumemko lel Abba kaa yaynabo kinni.

Yohannis 5:44

Atin sinne-sinneeko nabne kabbattaanah, tamaa inki Yallaako geytimta nabne wagiinnixe marak aaginah taamanoona kitiini?

Fartottit hi Abittot 8:20

Bithroos laakin: “Yallih muttuxuwa solaadih dhamto texeesebemhi sabbatah ku fidda kottaalih talawo.

Rooma 2:10

Inkoh mecaani abinnanti laakin, erherhih Yahuuddo, sarrah lel Giriikto, nabne, xishma kee maaxiyo geyoona kinon.

Rooma 2:29

Laakin Yahuuddo yakkiinim addaako kinni. Askok-kalum yakkem lel afcaadooko Ufayeh kibah, yunkuttube sercatah yakke askok-kalum maki. Ta gina le xiyawtih cawat lel xiyawko akkekkah Yallaako kinni.

Rooma 2:7

Tamaa mecaani abak nabne, xishma kee rabe wayaanam sabreelih wagiye marah, umman geedit aniina akah yaxaw kinni.

Rooma 8:19

Makhaaliqho lel amaa Yallih cindham adde yambulluwin max mango hambereeroolih ilaalak tane.

1 Korintos 3:13

amaa lellec isheh yayballaw kinamhi sabbatah, umman tiyahi ciyyo tamadhdhago kinni. Amayim lel amaa ciyyo girah tamadhdhago kinamhi sabbatah ummanti ciyyooko ayim abem, amaa gira isheh tacakkano kinni.

1 Korintos 4:5

Amaydo, waqhti gufekkah walaa inketta mafradina. Maddari yamiitem fanah ilala. Ditedde sucuttem ifolle yeyyeeceyaako, afcaadot macal lel caddoysho kinni. Amaa gedda, ummanti ishi-ishi fayla Yallaako geyo kinni.

Yacqoob 1:12

Tamaa cakanadde curtayyo abitati baraka-le tiya kinni, amayim lel cakanaako yawce gedda, tamaa Yalli kaa kixin marah wacde akah saye aniinat bor geyo kinni.

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

1 Bithroos 1:5

Sin imaanhi araxah, tamaa abayshimat waqhtedde yamadhdhago le garger fanah, Yalli ishi xaylah sin dhawrheh yane.

1 Bithroos 2:4

Tamaa xiyaw dhayitteh, Yallih intidde laakin doorimeh limo naba, yane dhayittolle amiituk tanin.

1 Bithroos 2:7

Amaydo, yaamine marak ta dhayitti sinalle limo naba tiya kinni. Tamaa aamininnixe maralle laakin, Kutuub: “Yandiqhe mari dhayiten dhayitti ongolot dhaa yekkeh yane”,

1 Bithroos 4:12

Yi kaxantoolito, gira balih bololta cakanadde raddan gedda, cusubam alle tekke mara balih cibra sinalle akke wayoo.

1 Bithroos 4:13

Masiix waaxelta xazziilittan gedda xedenanta, amayim lel kaa nabne tambulluwe gedda, xedenteenih cafaddoona ciloh kinni.

1 Bithroos 5:1

Amaydo, anu tena balih naba tiya kee tamaa Masiix yuble waaxelti shaahid, amayim balih tamaa tamballaw kin nabnehi aglenta akah kiyookah, sinlih yane kaniisat naba mara asuusak aniyo.

2 Bithroos 1:1

Yeesus Masiix garuzza kee fartotta kin Simcoon Bithroosko, tamaa Yalla kee Gargeereena kin Yeesus Masiix xaqqehi araxah nottaalih lem kin imaan kabbaate mara fanah:

2 Bithroos 1:4

Amayimhi araxah lel, naba limo le naba wacde noh yoxoyeh yane. Tamaa uma farhih sabbatah yamiite caalamalle yane masxeeko kuddeenih, Yallih thabiica kaalih yangale mara tekkiinim lel tayehi araxah kinni.

2 Bithroos 3:14

Amaydo, yi kaxantoolito, tayim ilaalak tinniinik sarrah, caybe hido xoola hinnim kayyah maaxiyodde akah sugtaanaakah xawalanta.

Yahuuda 1:24

Kado, tamaa andafooko sin dhawrhah abar hinnim ishi nabnelle naba xedenlih sin baaho dhiica,

Waxye 1:7

Taykinna, usuk darurlih amiituk yane, umman inti lel kaa tablo kinni, tamaa kaa mude mari gantah kaa yabloona kinon. Umbuka baarhohi kishosh lel amayimhi sabbatah yaxzanoona kinon. Yoo haye, Amin.

Waxye 2:10

Kolle yakko le camazaako mimashshiitin. Taykinna, tattacakkanoona ciloh ibliis sinko garo xabshedde cido le. Tamana lellecih lel waaxelsittoona kitin. Atu raba fanah umun tik, anu lel aniinat bor koh axawo kiyo’.

Waxye 3:10

Sabreelih curtayyo abitto koh warisheh yi toobbemhi sabbatah, tamaa baarholle martam tacakkano umbuka caalamalle amiituk tane cakanat saacaako ku dhawrho kiyo.

Waxye 3:18

Gaddaalitto ciloh girah cebedime dahab yottaako dham, ku casiinohi xoola kok tambulluwemko cado sara saritteh intit koh yablo ciloh intit diwa yottaako dhaamitto ku fayshak aniyo.